2 Samuweli 7:25 - Bhibhiliya Nya Guage

²⁵ Gasi olu Pfhumu Nungungulu, tadzisa gitumbiso u tumbisidego githumi gyago ni ga ndranga yaye, u gira kha nga idzo u ganedego khidzo.

2 Samuweli 7:25 Iomraidhean Croise

Genesi 32:12

Khuwe u nga ganelago, khuwe: “Nyi na gu tadza khu makategwa, nyi na gira livelego lago li tala kha nga mafu nya fungu wa phwani, wu tandrwago gu saywa tengo wakone.”

2 Samuweli 7:24

U emiside vathu vago va na Israyeli, gasi va khale vathu vago kala gupindruga, Gasi uwe Pfhumu u khade Nungungulu wawe.

2 Samuweli 7:26

Khu guralo, lina lago li na khusedzwa kala gupindruga, gu ganedwa gupwani Pfhumu Nungungulu nya Tshivba Yatshavbo, Nungungulu wa na Israyeli! Khu guralo, nyumba ya githumi gyago Dhavhidhe yi na tiyiswa avbo gwago.

1 Dzipfhumu 2:4

Khu kharato,Pfhumu Nungungulu a na tadzisa magana a ganedego avbo gwangu, khuye: Sanana sago, sa gu vegedza dzindzila dzawe, va gimbila khu ndzila nya gululame mbeli gwangu, khu monyo wawe watshavbo ni hefemulo wawe watshavbo, gima kha gu na hamugega muthu wa nyumbani gwago, nya gute khale vbagikhalotunu gwangu nya wufumu wa na Israyeli.

1 Dzipfhumu 8:26

Tadzisa gambe olu uwe Pfhumu Nungungulu wa Israyeli, gitumbiso u giridego ga githumi gyago babe wangu Dhavhidhe.

2 Dzikoronika 6:17

Gasi, olu gambe, Pfhumu Nungungulu wa Israyeli, tadzisa gambe magana yago U ma ganedego ga githumi gyago Dhavhidhe.

Dzindzimo 119:38

Tiyisa ga eni githumi gyago gitumbiso gyago, u nga girago ni avo va gu ningago githawo.

Dzindzimo 119:49

Dundruga gitumbiso u giridego ni githumi gyago, a gu magana ma nyi ningidego gutumba.

Ezekiyeli 36:37

Mune Pfhumu Nungungulu, a ngu ganela kharati, khuye: Ambari khu esi, nyi nga na gu dzumedzisa gukheni va na Israyeli, va na gire nombelo, va nyi lomba gukhavo nyi va phase, nyi andrisa vathu vawe kha nga tshambi nya dzinvuta.

1 Samuweli 1:23

Mwama waye Elikana a di mu hakha, khuye: “Gira esi u si wonago na siri sadi; khala gaya kala u digisa libele gyanana; kala Pfhumu a tiyise magana yaye.” Khu guralo, nyamayi a di khala gaya a dandrisa gyanana kala gu enedza matshigu nya gu gi digise libele.