2 Samuweli 7:23 - Bhibhiliya Nya Guage

²³ Khu levbini litigo la omu mafuni li fananago ni vathu vago va na Israyeli, avo uwe Nungungulu u va tshudzisidego gasi gu khala vathu vago! U dzi girela lina nya likhongolo ni gu girela vathu vago silo si samadzisago ngudzu tigoni gwago, khu gu tutumisa vathu ni vanungungulu vawe mbeli ga vathu vago, u va tshudzisidego tigoni ga Egipito.

2 Samuweli 7:23 Iomraidhean Croise

2 Samuweli 7:24

U emiside vathu vago va na Israyeli, gasi va khale vathu vago kala gupindruga, Gasi uwe Pfhumu u khade Nungungulu wawe.

1 Dzikoronika 17:21

Khu levbini lifumbu li fananago ni vathu vago, va na Israyeli? Lifumbu la mafuni li gu ilo basi, a gu ilo U li dzegisidego tigoni ga Egipito, gasi guta khala vathu vago; vata gu girela lina lago li thavisega khu silo nya guthise vbakari nya mayigo khu gu tutumisa valala mbeli gwawe.

Nehemiya 1:10

Esi khu sithumi sago, ni vathu vago, ava u va tshudzisidego khu tshivba yago nya yikhongolo, ni mandza yago nya tshivba.

Dzindzimo 106:22

Giride siliwugiso nya sikhongolo tigoni ga Kami, ni silo nya guthise Yiphwani nya Gufuvile.

Dzindzimo 111:9

Uye dzegiside vathu vaye; a gira navo gidzumeledzwano nya gupindruge; lina laye li agide li ngu thavisega.

Dzindzimo 145:6

Gu na ganedwa khu mithumo yago nya tshivba nya guthavise, eni nyi na ganela khu wugulu wago.

Dzindzimo 147:20

Uye kha gira silo nya nga esi ga mambe mayigo; kha ma tulela guti sileletelo saye. Aleluya! A na dhumiswe Pfhumu Nungungulu!

Dzindzimo 40:5

U hi girede siliwugiso nya singi, Uwe Pfhumu Nungungulu wangu, mwalo muthu a fananago ni uwe, khu makungo u giridego nya guphasedzele ethu; eni nya gu gola gu ma pwadza nyi ma tivisa, aholu ma tade ngudzu nyamba kodza ni gu sayedwa.

Dzindzimo 44:3

Khandri khu tshivba nya matshari va nga wandra khiyo litigo, gambe khandri mawogo yawe ma nga va ninga gupala; aholu khu libogo lago la nyamudye, ni wenengedzo nya khovbe yago, kholu u di gu va gola.

Dzindzimo 65:5

Nungungulu muvbanyisi wathu, Uwe u ngu hi hakha ni gu hi vbanyisa khu gu gira silo nya gusamadzise; litigo latshavbo la gutumba uwe, ni avo va guromo linene ga hwindzo.

Dzindzimo 66:3

Embelani esi Nungungulu, khenu: “Sigiro sago si ngu samadzisa ngudzu! Valala vago va gu ndrendremela mbeli gwago, kholu tshivba yago yikhongolo.

Ekisodha 12:12

Ni wutshigu wowo, nyi na vbindra tigoni ga Egipito, nyi na songa satshavbo sanana nya matiwula ya tigoni ga Egipito, nya vathu ni sifuyo; nyi na lamula vanungungulu vatshavbo va Egipito. Eni kheni Pfhumu Nungungulu!

Ekisodha 33:16

Gu na tisega kharini gupwani eni ni vathu vago hi manide wuhigo mahoni gwago? Khandri khu gu na wu gimbila ni ethu, gani? Khiyo basi ndzila yi dzi kodzago gu wonegisa gupwani eni ni vathu vago hi hambanide ni vathu vatshavbo va mafuni.”

Ekisodha 6:7

Nyi na mi dzegani mu khala vathu vangu, Eni nyi na khala Nungungulu wanu, mu na dzitini nya gukhenu eni kheni Pfhumu Nungungulu wanu, nyi mi dusago vbavbatshi nya mirwalo ya Vagipiti.

Ekisodha 9:15

Kholu nari gukhwatshi nyi khuside libogo langu; nari pwani nyi thumiside tshivba yangu nyi gu veta khu tungu, uwe ni vathu vago, olu na mu mbembide mu vbela mafuni.

Ekisodha 9:16

Aholu nyi gu digide u vbanya, khu gufela gukheni u wone tshivba yangu, ni gukheni lina langu li tidwe tigoni gwatshavbo.

Jeremiya 32:20

Uwe u giride siliwugiso ni sisamadziso tigoni ga Egipito, na muhuno u nga gu simama gu si gira tigoni momu ga Israyeli ni ga vathu vatshavbo; gambe u dzi girede lina nya wudhumo u gu nalo kala na muhuno.

Jeremiya 32:21

Uwe u nga dusago vathu vago khu tigoni ga Egipito, khu sisamadziso ni siliwugiso, khu gyandza nya tshivba ni libogo lago nya gukhugege ngudzu li thavisago ni guthisa.

Ezekiyeli 20:9

Aholu khu lihaladzo nya lina langu, kha nya dzumela gukheni lina langu li nyenyeziswa, li gu wonwa khu mayigo va vbanyidego umo ni mahoni ga vale nyi dzi wonegisidego gwawe, gasi gu va dusa tigoni ga Egipito.

Mitengo 6:27

Khu guralo, mu na rana Lina langu vbatshani ga sanana sa Israyeli, Eni nyi na va kategisa.”

Vaefeso 1:6

Gasi gu dhumisa gungangamela nya wuhigo waye, a hi ningidego khu ga Mwanaye nya gigodwa.

Dhewuteronome 10:21

Pfhumu khuye wudhumo wago ni Nungungulu wago, kholu khuye a gu giredego silo sesi nya sikhongolo nya guthise, esi u si wonidego khu maho yago.

Dhewuteronome 15:15

Alakanya gukhuwe u khade khumbi tigoni ga Egipito, umo Pfhumu Nungungulu wago, a gu dzegisidego; khu kharato, muhuno nyi ngu gu ninga nayo yoyu.

Dhewuteronome 33:29

U kategide uwe Israyeli! Khu mani a fananago nago, uwe u gu litigo u vbanyiswago khu Pfhumu Nungungulu! A gu gitshangu gyago gi gu vhikelago, ni litshari nya wugulu wago! Valala vago va na khoziswa mbeli gwago, aholu uwe u na gandredzela malanga yawe nya sigomo!

Dhewuteronome 9:26

Nyi di lombelela ga Pfhumu Nungungulu, nyi ganela, kheni: Ama Pfhumu Nungungulu! U nga mbembisi vathu vago, a gu thomba yago gambe, U va dzegisidego khu wugulu wago, U va dusidego khu tigoni ga Egipito khu mandza yago nya tshivba.

Tito 2:14

Uye a di dzi ningela wurumba waye kotani gwathu, afela gu hi vbulugisa guvivbani gwatshavbo, a hi gira vathu nya guage va lumbago uye basi, va dzi vegisedego gu gira esi nya sadi.

Josuwa 7:9

Avbo Vakhanani ni vatshavbo vavbanyi va tigoni va na gu pwago esi, va na hi randrela va fuvisa lina lathu omu mafuni; khu guralo, U na khuwe ginani khu lina lago nya likhongolo?”

1 Pedro 2:9

Aholu, enu mu lifumbu li hathidwego, mu vaphasi va Pfhumu, mu lihundzu li agisedwego Nungungulu, mu vathu mu lumbago uye. Enu mu hathidwe gasi mu huwelela tshivba ya Nungungulu, a mi ranidego mu duga gidemani, muta wenengedzoni gwaye nya gusamadzise.

Gutuledwa 5:9

Ma di gu emba ndzimo nya yiphya, khayo: “U na ni fanelo nya gu hakhe libhuku ni gu namula sifungo saye, kholu u songidwe; khu novba wago, u dzegiside vathu nya mahundzu, malimi, mafumbu, ni mayigo yatshavbo. U gu va ningela ga Nungungulu.