2 Samuweli 7:22 - Bhibhiliya Nya Guage

²² Khu guralo, u khongolo ngudzu uwe Pfhumu Nungungulu. Mwalo a fananago ni Uwe, gambe mwalo Nungungulu a vbindrago Uwe, kha nga hi sipwidego khu dzindzeve dzathu.

2 Samuweli 7:22 Iomraidhean Croise

2 Samuweli 22:32

Kholu, khu mani a gu Nungungulu vbavbandze ga Pfhumu Nungungulu basi? Khu mani muvhikeli, vbavbandze ga Nungungulu wathu?

1 Dzipfhumu 8:23

a lombelela, khuye: “Pfhumu Nungungulu wa Israyeli, mwalo mumbe Nungungulu a fananago ni Uwe, vbatshani ndzadzini, ambari vbavbatshi mafuni, Uwe u vegedzago gidzumeledzwano nya wuhindzi ga sithumi sago, si tago mbeli gwago khu monyo wawe watshavbo.

1 Dzikoronika 16:25

kholu Pfhumu Nungungulu khongolo, fanede gu rungudzwa, a ngu thavisega guvbindra vanungungulu vatshavbo.

2 Dzikoronika 2:5

Nyumba nyi vbwetago guvbaha, yi na bani yiri yikhongolo, kholu Nungungulu wathu, khongolo guvbindra vanungungulu vatshavbo.

Dzindzimo 135:5

Kholu nyi ngu dziti gwadi gukheni Pfhumu Nungungulu khongolo, ni gu, Nungungulu wathu womo vbatshani guvbindra vanungungulu vatshavbo.

Dzindzimo 145:3

Pfhumu Nungungulu khongolo, a na ni fanelo nya guzundzwe; wugulu waye kha wu kodzwi gu pimwa.

Dzindzimo 44:1

Nungungulu, hi pwide, ethu habune na va gu ganela, vababe vathu va hi embeledzede, siliwugiso u giridego matshiguni yawe ya gale.

Dzindzimo 48:1

Pfhumu Nungungulu khongolo, a ngu yela gu rungudzwa ngudzu, dhoropani ga Nungungulu wathu.

Dzindzimo 86:10

Kholu khuwe basi u gu Nungungulu, u gu khongolo, u girago siliwugiso!

Dzindzimo 86:8

Vbakari nya vanungungulu vatshavbo mwalo a fananago ni uwe, Pfhumu; mwalo a kodzago gu gira mithumo uwe u yi girago.

Dzindzimo 89:6

Kholu khu mani a guromo ndzadzini nya gufanane ni Pfhumu Nungungulu? Vbakari nya sivangwa sa ndzadzini, khu mani a fananago ni Pfhumu Nungungulu?

Dzindzimo 89:8

Pfhumu Nungungulu nya Tshivba Yatshavbo, khu mani a gu ni tshivba kha nga uwe Pfhumu Nungungulu? Tshivba ni gu tumbega gwago si gu randrede.

Dzindzimo 96:4

Kholu Pfhumu Nungungulu khongolo fanede gu dhumiswa, fanede gu ningwa githawo guvbindra vanungungulu vatshavbo.

Ekisodha 10:2

gasi uwe ufela gu embeledzela dzindzeveni ga sanana sago ni situgulwana sago edzi nyi nga va gira khidzo Vagipiti ni siliwugiso nyi giridego vbakari gwawe, gasi enu mufela gu dzitini gukhenu Eni kheni Pfhumu Nungungulu.”

Ekisodha 15:11

Khu mani a fananago nago, Uwe Pfhumu Nungungulu vbakari ga vanungungulu vatshavbo? Khu mani nya gungangamele gu fanana ni Uwe, a fanedego gu thawa ni gu rungudzwa? U giride siliwugiso.

Ekisodha 8:10

Uye a di hakha, khuye: “Mindru.” Mosi a di khuye: “Gu na girege kha nga idzo u ganedego khidzo, gasi u khale nu gu dziti gukhuwe mwalo a fananago ni Pfhumu Nungungulu wathu.

Ekisodha 8:6

Aroni a di thawuludza mandza yaye vbatshani nya mati, vanyakhele va di duga va fenengedza litigo latshavbo la Egipito.

Ekisodha 9:14

Kholu gikhati gegi nyi na rumela mitungu yangu yatshavbo gwago ni ga sithumi sago ni ga vathu va tigoni gwago gasi u dziti gukhuwe mwalo mumbe nya gufanane ni eni mafuni gwatshavbo.

Isaya 40:18

Nungungulu nyi na mu fananisa ni mani, gyomo igyo mu no gi fananisago naye, gani?

Isaya 40:25

“Nyi na dzi fananisa ni mani gasi nyi godzana naye?” A ngu wudzisa uye a Agidego.

Isaya 45:18

Kholu Pfhumu Nungungulu, oyu a vangidego ndzadzini, Nungungulu a wumbidego litigo ni gu li gira, uye a li tiyiside, kha li gira nari liphanga; aholu a di li girela gukhuye li khala wulanga nya gu vathu va khala umo, a ngu ganela kharati, khuye: Eni kheni Pfhumu Nungungulu, mwalo mumbe.

Isaya 45:22

Wuyani avbo gwangu, mu na ta vbanyiswa enu mwatshavbo mutago khu mahegiso nya litigo; kholu eni kheni Nungungulu, mwalo mumbe.

Isaya 45:5

Eni kheni Pfhumu Nungungulu, vbavbandze gwangu, mwalo mumbe Nungungulu Eni nyi na gu tiyisa, ambari olu u si nyitigo,

Ezekiyeli 36:22

Khu guralo, ganela ga va na Israyeli, khuwe: Mune Pfhumu Nungungulu, a ngu ganela kharati, khuye: Khandri khu kotani gwanu enu va na Israyeli, nyi na girago silo sesi, aholu khu kotani nya lina langu nya guage, mu li nyenyezisidego vbakari nya mayigo mu vbindridego khumo.

Ezekiyeli 36:32

Dzitini nya gukhenu kha nyi giri esi khu kotani nya lihaladzo nanu, a ngu ganela Mune Pfhumu Nungungulu. Enu va na Israyeli, thegani vbavbatshi khu dzitshoni, khu kotani nya dzindzila dzanu nya guvivbe.

Dhaniyeli 2:45

“Kha nga u wonidego nya gukhuwe, khu gigomoni gu di wumbuluga giwindri nyamba pidwa khu muthu, gita pfara ni gu phwatisela simbi, sugu, libumba, parata ni ndralama. Nungungulu nya Tshivba Yatshavbo tiviside mufumeli iso si na gu giregago khu matshigu ma natago. Eli khu lisine nya ndroro, tshamuselo yaye yi tiyide khya lisine.”

Mikeya 7:18

Khu mani uwe Nungungulu a fananago ni uwe, u tsetselelago guvivba, ni gu divalela guyeyisa ga mitshaledwa nya thomba yago? Pfhumu Nungungulu kha khali na gu vbisega khu likhulo gikhati gyatshavbo, kholu a gu tsaka khu gupwela wuhindzi.

Dhewuteronome 3:24

Ama Pfhumu Nungungulu! U phede gu yeyedza ga githumi gyago wugulu wago ni libogo lago nya tshivba; khu mani mumbe nungungulu, ndzadzini mwendro mafuni a dzi kodzago gu gira mithumo yago, ni tshivba nya nga u giridego?

Dhewuteronome 32:39

Gasi olu, wonani gwadi gukhenu, Eni kheni nyi gu Nungungulu, mwalo mumbe nungungulu vbavbandze ga Eni! Eni kheni nyi ningago guvbanya ni gufa, Eni nyi ngu songa ni guvbanyisa, mwalo a vbulugago mandzani gwangu.

Dhewuteronome 4:35

Uwe u yeyedzidwe gasi u dziti nya gukhuwe Pfhumu, khuye Nungungulu; ni gukhuwe mwalo mumbe vbavbandze Gwaye.

Dhewuteronome 4:39

Khu guralo, muhuno, u na dziti ni gupimisa monyoni gwago gukhuwe Pfhumu khuye basi Nungungulu a guromo ndzadzini ni mafuni; mwalo mumbe.

1 Samuweli 2:2

Mwalo a lulamidego kha nga Pfhumu Nungungulu; kholu mwalo mumbe vbavbandze ga Uwe; gi mwalo Giwindri gi tiyidego, nya gufanane ni Nungungulu wathu.