2 Samuweli 7:19 - Bhibhiliya Nya Guage

¹⁹ Ambari khu kharato, uwe Pfhumu Nungungulu, mahungu yaya u ma wone na mari ma dugwana mahoni gwago; u ganede gambe khu ndranga ya githumi gyago khu matshigu ma nga gutago. Uwe Pfhumu Nungungulu, igyogyo gihevbudzo ga vathu vatshavbo.

2 Samuweli 7:19 Iomraidhean Croise

2 Samuweli 12:8

nyi gu ningide ndranga ya mune wago, ni vagadzi va mune wago, mawogoni gwago, nyi gu ninga nyumba ya Israyeli ni ya Judha; nari pwani u di si wone nasiri sidugwana na nyi gu engedzede simbe siningwa.

2 Dzipfhumu 3:18

Aholu khandri iso basi mahoni ga Pfhumu Nungungulu, a na mi ningani gambe mandzani gwanu Mowabhi.

1 Dzikoronika 17:17

Ambari kharato, uwe Nungungulu, u si wonide nari sidugwana mahoni gwago; kholu, u ganede khu gale khu mahungu nya nyumba ya githumi gyago; gambe u nyi wonide kha nga khwatshi nyi moyo nya muthu a khusegidego, uwe Pfhumu Nungungulu.

Dzindzimo 36:7

Oh, Pfhumu Nungungulu, lihaladzo lago li ngu tsakisa ngudzu! Khu magirelo yoyo, mutsani nya mambapi yago va nguta sihala umo vathu.

Ezekiyeli 34:18

Ina gilo gi dugwana gu hodzani wuhaviseloni nya wadi, mu bwelo mu gandredzelani khu migondro esi si tshadego nya mahawo, gani? Ina kha si mi tsakisi gu selani mati nya guage, gani? Gu ngu lombega gu ayo ma tshadego mu ma vhilusa khu migondro, gani?

Mitengo 16:13

Ina sidugwana olu, u hi dusidego khu ga litigo li gogago mahwe ni wulombe gasi hi tafa mugiwulani momu, gani? Olu u nga gu vbweta gambe gu hi khozisa, gani?

Mitengo 16:9

Ina enu mwa gu wona nari gilo nya gidugwane olu Nungungulu wa Israyeli a mi hathidego vbakari nya tshangano wa na Israyeli, a mi hidzimisa vbafuvbi gwaye gasi mu ta thuma thumo wa Walangani nya Guage wa Pfhumu Nungungulu, ni gu ema mbeli nya tshangano kha nga vathangeli vaye, gani?

Vaefeso 2:7

Gasi khu gufela gu yeyedza talo nya wuhigo waye ga mimelana yatshavbo yi nga gutago, khu wuhindzi a hi giredego khu Kristo Jesu.

Josuwa 5:14

Uye a di hakha, khuye: “Ahihi, eni nyi muthangeli nya nyimbi ya Pfhumu Nungungulu, olu nyi womo avba.” Josuwa a di noga a thega vbavbatshi khu khovbe, a mu wudzisa, khuye: “Ginani u gu nagyo pfhumu yangu gasi gu embela githumi gyago?”