2 Samuweli 7:13 - Bhibhiliya Nya Guage

¹³ Uye a na vbaha nyumba yi na gu lumbago lina langu, Eni nyi na tiyisa gikhalo nya wufumu waye kala gupindruga.

2 Samuweli 7:13 Iomraidhean Croise

Genesi 49:10

Ndronga nya wufumu kha ya na duga ga Judha, guruma kha gu na duga ga situgulwana saye, kala a gu vboha uye a fanelago gu ruma; oyu mayigo yatshavbo ma na mu yingelago.

2 Samuweli 22:51

Uye a ngu ninga gupala mufumeli waye, a ngu phara gihathwa gyaye khu lihaladzo, khu kotani ya Dhavhidhe ni sanana saye kala gupindruga.”

2 Samuweli 7:16

Ndranga ni mufumo wago, si na simama kala gupindruga mbeli gwangu. Ni gikhalo nya wufumu wago gi na simama kala gupindruga.”

2 Samuweli 7:27

Kholu uwe Pfhumu nya Tshivba Yatshavbo, Nungungulu wa na Israyeli, u tiviside githumi gyago, khuwe: Nyi na gu vbahela nyumba. Khu kharato, githumi gyago gi tiyide hwambo gu gu girela nombelo yoyu.

1 Dzipfhumu 2:24

Olu nyi ngu sambanya khu Pfhumu Nungungulu a vbanyago, a nyi tiyisidego nyi khala vbagikhalotunu nya wufumu gya babe wangu Dhavhidhe, kha nga idzo a nga bani a ganede khidzo, a nyi girela nyumba, muhuno nyi ngu sambanya gukheni Adhoniya a nafa.

1 Dzipfhumu 2:4

Khu kharato,Pfhumu Nungungulu a na tadzisa magana a ganedego avbo gwangu, khuye: Sanana sago, sa gu vegedza dzindzila dzawe, va gimbila khu ndzila nya gululame mbeli gwangu, khu monyo wawe watshavbo ni hefemulo wawe watshavbo, gima kha gu na hamugega muthu wa nyumbani gwago, nya gute khale vbagikhalotunu gwangu nya wufumu wa na Israyeli.

1 Dzipfhumu 2:45

Aholu mufumeli Solomoni a na kategiswa, ni wufumu wa Dhavhidhe wu na tiyiswa mbeli ga Pfhumu Nungungulu kala gupindruga.”

1 Dzipfhumu 5:5

Olu nyi ngu pimisa guvbaha nyumba yi lumbago lina la Pfhumu Nungungulu wangu, kha nga idzo Pfhumu Nungungulu a ganedego khidzo ga babe wangu Dhavhidhe, khuye: Mwanago nyi na gu mu vegago wulangani gwago, vbagikhalotunu gwago nya wufumu, khuye a na gu nyi vbahelago nyumba yi lumbago lina langu.

1 Dzipfhumu 6:12

“Mayelano khu nyumba yeyi u yi vbahago, wa gu landrisa sileletelo sangu, u gimbila khu milayo yangu ni gu sayisa sirumo sangu, u gimbila khiso, nyi na tadzisa gwago magana nyi tumbisidego babe wago Dhavhidhe.”

1 Dzipfhumu 8:13

Khu lisine eni nyi gu girede nyumba, wulanga u na vbanyago avbo kala gupindruga.”

1 Dzipfhumu 8:15

A di ganela, khuye: “A na rungudzwe Pfhumu Nungungulu wa Israyeli, a ganedego khu likana laye ga babe wangu Dhavhidhe, a tadzisago olu khu gyandza gyaye gitumbiso a giridego nya gukhuye:

1 Dzipfhumu 8:19

aholu khandri uwe u na vbahago nyumba yoyo; mwanago a na dugago khu mahembeni gwago, khuye a na vbahago nyumba yi lumbago lina langu.

2 Dzipfhumu 21:4

A di vbaha siluvelo Nyumbani ga Pfhumu Nungungulu, umo Pfhumu a nga ganelago, khuye: “Nyi na vega Lina langu Jerusalema.”

2 Dzipfhumu 21:7

Emiside gambe gifananiso nya simbo gya Asitaroti, Nyumbani ga Pfhumu Nungungulu, a ganedego ga Dhavhidhe ni ga mwanaye Solomoni, khuye: “Nyumbani momu, ni dhoropani momu ga Jerusalema, nyi gu hathide vbakari nya mahundzu yatshavbo ya Israyeli, gukheni nyi na vega Lina langu kala gupindruga.

2 Dzipfhumu 8:19

Aholu, khu kotani nya lihaladzo ga githumi gyaye Dhavhidhe, Pfhumu Nungungulu kha dzina gu pfhungumula Judha, kha nga a nga bani a mu tumbiside gukhuye a na mu ninga mwenge vbakari ga sanana saye kala gupindruga.

1 Dzikoronika 28:10

Olu, wona, kholu Pfhumu Nungungulu, a gu hathide gasi u mu vbahela nyumba ni Wulanga nya guage; olu tiya longo, u dzi ningela u phela thumo.

2 Dzikoronika 33:4

Vbahide giluvelo Nyumbani ga Pfhumu Nungungulu, avbo Uye Pfhumu Nungungulu a nga bani a ganede, khuye: “Lina langu li na khala Jerusalema kala gupindruga.”

2 Dzikoronika 6:16

Gasi olu, Uwe Pfhumu Nungungulu wa Israyeli, gira iso U si ganedego ga githumi gyago, babe wangu Dhavhidhe, U nga mu tumbisa gukhuwe: Gima ni litshigu limwedo kha gu na hamugega mbeli gwangu muthu a na khalago vbagikhalotunu nya wufumu wa na Israyeli, sanana sago sa gu sayisa dzindzila dzawe, va landrisa Milayo mbeli gwangu, kha nga idzo u gimbidego khidzo uwe.

Joba 36:7

Kha pfhurareli va nya gululama, aholu a gu va vega ni vafumeli vbagikhalotunu nya wufumu; a va khusedza kala gupindruga.

Dzindzimo 72:17

Lina la mufumeli li na simame kala gupindruga ndruma yaye yi na pwale, yi na simame vbavbatshi nya lidambo; khavbo gwaye va na kategiswe vathu vatshavbo, mayigo ma na mu rane oyu a kategidego.

Dzindzimo 89:21

Nyi na vega gwaye tshivba yangu, nyi na mu tiyisa khu libogo langu.

Dzindzimo 89:29

Lihundzu lawe li na simama kala gupindruga, mufumo waye wu tiya kha nga ndzadzini.

Dzindzimo 89:4

“Nyi na tiyisa melego wago kala gupindruga nyi na pharisa ndronga nya wufumu situgulwana sago.”

Isaya 49:8

Pfhumu Nungungulu a ngu engedza a ganela kharati, khuye: Khu gikhati gi vbwetegago, nyi gu yingiside, khu litshigu nya guvbanyise nyi gu phaside, nyi gu sayisa u khala uwe gidzumeledzwano ni vathu, gasi u wusedza litigo, ni gu va kavedzela dzithomba dzi ghohetedwego;

Isaya 9:6

Kholu hi velegedwe gyanana, hi ningidwe gyanana nya gikhwathana; wufumu womo magatani gwaye; ni lina laye li na ranwa pwani: “Singalagadzi nya Guliwugise, Nungungulu nya Tshivba, Babe nya Gupindruge, Pfhumu nya Gurule.”

Isaya 9:7

Gasi wufumu waye nya gurule wu engedzelane kala gupindruga, vbagikhalotunu nya wufumu wa Dhavhidhe ni mufumo waye, a wu tiyisa ni gu wu seketela khu nongameto ni gululama, gukhugela olu kala gupindruga. Khathalelo waPfhumu Nungungulu nya Tshivba Yatshavbo wu na gira isoso.

Jeremiya 33:17

Kholu Pfhumu Nungungulu a ngu ganela kharati, khuye: “Gima kha gu na hamugega muthu a na gu khalago vbagikhalotunu nya wufumu wa Dhavhidhe nya gudugele nyumbani ga Israyeli,

Ezekiyeli 37:25

Va na vbanya tigoni nyi ningidego githumi gyangu Jakobe, umo va vbanyidego umo vababe vanu. Va na vbanya umo, avo ni sanana sawe, gumogo ni situgulwana sawe, kala gupindruga; Dhavhidhe, githumi gyangu, a na khala uye mufumeli wawe kala gupindruga.

Dhaniyeli 2:44

Khu matshiguni ya vafumeli vovo, Nungungulu wa ndzadzini a na emisa wumbe mufumo nya gu gima kha wu na khoziswa khu mambe mafumbu. A na pfhungumula ni gu mbembisa mifumo yatshavbo ya vafumeli vale, mufumo waye wu na tiya kala gupindruga.

Zakariya 6:12

Mu embele, khuwe: Pfhumu Nungungulu nya Tshivba Yatshavbo a ngu ganela kharati, khuye: Avba womo mwama, lina laye a gu uye lithungedwa, uye a na bugedza nyaluphye khu wulangani gwaye, a na vbahedza Nyumba ya Pfhumu Nungungulu.

Zakariya 6:13

Uye kamwe khuye a na vbahedzago Nyumba ya Pfhumu Nungungulu, a na ambagiswa wudhumo, a gu fumela vathu na khade khu vbagikhalotunu gwaye nya wufumu, a na bhanya gumogo wuphasi nya mhamba ni wufumeli, gambe gu na manega gupwanana vbakari gwawe va vavili.

Matewu 16:18

Eni neni nyi ngu gu embela, kheni: Uwe khuwe Pedro; vbatshani nya giwindri gegi nyi na vbaha libandla langu. Ni tshivba nya mufumo nya lufu kha yi na li gira gilo.

Vahebheru 3:3

Kholu, nya nga olu muvbahi nya nyumba a gu na ni wuzundzo guvbindra nyumba a vbahidego, kharato nugo, Jesu a ngu fela gu ningwa wuzundzo nya wukhongolo guvbindra Mosi.

1 Pedro 2:5

Hidzimelani nenu mu dzi ningedzela ga Nungungulu, gasi a mi thumise kha nga siwindri nya guvbanye, guvbahani nya nyumba nya Liphuvbo ya Nungungulu. Nyumbani momo, enu mu womo kha nga tsawa nya vaphasi nya mhamba va agisidwego, va hathidwego gasi gu ningela miphaso yi tsakisago Nungungulu khu ga Jesu Kristo.