2 Samuweli 7:12 - Bhibhiliya Nya Guage

¹² Matshigu nya guvbanye gwago ma gu vbela, uya lala ni vavelegi vago, Eni nyi na emisa hwane gwago, mwanago oyu a na dugago khu mahembeni gwago, nyi na tiyisa mufumo waye.

2 Samuweli 7:12 Iomraidhean Croise

Genesi 15:4

Pfhumu Nungungulu a di phindrula, khuye: “Khandruye oyu a na gu khalago muhodzi nya thomba yago. Aholu, gyanana gyago nya gu gi velege khigyo gi na gu khalago muhodzi nya thomba yago.”

2 Samuweli 22:51

Uye a ngu ninga gupala mufumeli waye, a ngu phara gihathwa gyaye khu lihaladzo, khu kotani ya Dhavhidhe ni sanana saye kala gupindruga.”

1 Dzipfhumu 1:21

Kholu wa gumba ganela, gikhati uwe pfhumu ni mune wangu, u na guya lalago gumogo ni vavelegi vago, eni ni mwanago Solomoni, hi na sayedwa kha nga sighohi.”

1 Dzipfhumu 1:48

Mufumeli a di ganela gambe, khuye: A na bongwe Pfhumu Nungungulu wa Israyeli, a dzinidego gukhuye maho yangu muhuno nyi wone uye a tshinyidzago vbagikhalotunu gwangu nya wufumu.”

1 Dzipfhumu 2:1

Avbo gu nga bani na gu hidzimela matshigu nya gufe gwa Dhavhidhe, uye a di ninga sileletelo ga mwanaye Solomoni, khuye:

1 Dzipfhumu 2:10

Dhavhidhe a difa aya lala gumogo ni vavelegi vaye, dzingidwe Dhoropani ga Dhavhidhe.

1 Dzipfhumu 2:4

Khu kharato,Pfhumu Nungungulu a na tadzisa magana a ganedego avbo gwangu, khuye: Sanana sago, sa gu vegedza dzindzila dzawe, va gimbila khu ndzila nya gululame mbeli gwangu, khu monyo wawe watshavbo ni hefemulo wawe watshavbo, gima kha gu na hamugega muthu wa nyumbani gwago, nya gute khale vbagikhalotunu gwangu nya wufumu wa na Israyeli.

1 Dzipfhumu 5:5

Olu nyi ngu pimisa guvbaha nyumba yi lumbago lina la Pfhumu Nungungulu wangu, kha nga idzo Pfhumu Nungungulu a ganedego khidzo ga babe wangu Dhavhidhe, khuye: Mwanago nyi na gu mu vegago wulangani gwago, vbagikhalotunu gwago nya wufumu, khuye a na gu nyi vbahelago nyumba yi lumbago lina langu.

1 Dzipfhumu 8:15

A di ganela, khuye: “A na rungudzwe Pfhumu Nungungulu wa Israyeli, a ganedego khu likana laye ga babe wangu Dhavhidhe, a tadzisago olu khu gyandza gyaye gitumbiso a giridego nya gukhuye:

1 Dzipfhumu 8:19

aholu khandri uwe u na vbahago nyumba yoyo; mwanago a na dugago khu mahembeni gwago, khuye a na vbahago nyumba yi lumbago lina langu.

1 Dzipfhumu 8:20

Khu kharati, Pfhumu Nungungulu a di tadzisa magana yaye a nga bani na ganede; Eni nyi tshikedzide wulangani ga babe wangu Dhavhidhe, nyi khade vbagikhalotunu nya wufumu wa na Israyeli, kha nga idzo a ganedego khidzo Pfhumu Nungungulu; nyi vbahide nyumba yi lumbago Pfhumu Nungungulu wa Israyeli.

1 Dzipfhumu 9:5

khu guralo, nyi na tiyisa gikhalo nya wufumu wago, vbakari ga va na Israyeli kala gupindruga, kha nga nyi tumbisidego babe wago, kheni: Gima kha na hamugega muthu nya livelego lago, vbagikhalotunu nya wufumu wa na Israyeli.

2 Dzipfhumu 8:19

Aholu, khu kotani nya lihaladzo ga githumi gyaye Dhavhidhe, Pfhumu Nungungulu kha dzina gu pfhungumula Judha, kha nga a nga bani a mu tumbiside gukhuye a na mu ninga mwenge vbakari ga sanana saye kala gupindruga.

1 Dzikoronika 17:11

Gikhati ma na gu tadzisegago matshigu yago nya guhongole vbafuvbi ga vavelegi vago, nyi na khusedza monyo nya livelego lago, a na bani ari mwamana wago, nyi na tiyisa mufumo wago.

2 Dzikoronika 1:9

Gasi olu Pfhumu Nungungulu, tiyisa magana yago, u nga ganelago ga babe wangu Dhavhidhe; kholu U nyi emiside gu khala mufumeli ga vathu nya gutale kha nga kudzudzwane nya mafu.

2 Dzikoronika 13:5

Ina kha mu dziti gukhenu Pfhumu Nungungulu wa na Israyeli, a ningide Dhavhidhe mufumo wa na Israyeli, ni ga sanana saye khu gidzumeledzwano nya gupindruge, gani?

2 Dzikoronika 21:7

Aholu Pfhumu Nungungulu kha nga gola gupfhungumula nyumba ya Dhavhidhe, khu kotani nya gidzumeledzwano a nga bani giride naye, kholu a di ganede naye khuye, a na mu ninga sanana si na khalago mwenge nyamba tshimega kala gupindruga.

2 Dzikoronika 23:3

Tshangano watshavbo yoyu, wu di gira gidzumeledzwano ni mufumeli, Nyumbani gwa Nungungulu, Joyadha a va embela, khuye: “Khuye oyu mwamana wa mufumeli a yelago gu fuma, kha nga idzo Pfhumu Nungungulu a ganedego khidzo khu mahungu ya sanana sa Dhavhidhe.

2 Dzikoronika 6:15

u sayiside iso U si tumbisidego ga babe wangu, githumi gyago Dhavhidhe, U ganede Uwe wabune, muhuno U si tadzisa khu gyandza gyago.

2 Dzikoronika 6:9

Aholu, khandruwe u na nyi vbahelago nyumba, gyanana gyago gi na dugago khu mahembeni gwago, khigyo gi na gu nyi vbahelago nyumba yi lumbago Lina Langu.

Dzindzimo 89:29

Lihundzu lawe li na simama kala gupindruga, mufumo waye wu tiya kha nga ndzadzini.

Isaya 11:10

Ga litshigu lolo, va nya mayigo va na tutumela ga khamba wa Jese wu vegidwego kha nga ngavbya nya mayigo yatshavbo; ni wulanga a khalago avbo wu na zundzega.

Isaya 9:7

Gasi wufumu waye nya gurule wu engedzelane kala gupindruga, vbagikhalotunu nya wufumu wa Dhavhidhe ni mufumo waye, a wu tiyisa ni gu wu seketela khu nongameto ni gululama, gukhugela olu kala gupindruga. Khathalelo waPfhumu Nungungulu nya Tshivba Yatshavbo wu na gira isoso.

Jeremiya 33:17

Kholu Pfhumu Nungungulu a ngu ganela kharati, khuye: “Gima kha gu na hamugega muthu a na gu khalago vbagikhalotunu nya wufumu wa Dhavhidhe nya gudugele nyumbani ga Israyeli,

Dhaniyeli 12:2

Vatshavbo va ladego umo nya kudzudzwane nya mafu va na wuga, vambe va na wugela guvbanyani nya gupindruge, vambe va wugela guya dzitshonini, gusanisekani nyamba vbela.

Matewu 1:1

Longoloko nya lihundzu la Jesu Kristo, Gyanana gya Dhavhidhe, Gyanana gya Abrahama.

Luka 1:32

A na bani ari muthu khongolo, a na ranwa pwani Mwamana wa Nungungulu a guromo Vbatshani Ngudzu. Pfhumu Nungungulu a na mu pharisa ndronga nya wufumu wa babe waye Dhavhidhe.

Luka 24:27

Khavbo avbo, a di va tshamusela milowo yatshavbo yi nga bani yi ganela khu uye, guphela khu Mosi kala gu vbedza vaprofeti vatshavbo.

Mithumo 13:36

Wonani, Dhavhidhe fude hwane nya gu na enedzile matshigu nya thumo waye, na gu landrisa guhaladza gwa Nungungulu. Na dzingidwe, a di ya lala ni vababe vaye a gu hina.

Mithumo 2:30

Kha nga a nga bani ari muprofeti a di gu dziti nya gukhuye Nungungulu a di Mu tumbiside khu gusambanya, gu vega vbagikhalotunu gwaye nya wufumu gyanana nya melego waye.

1 Vakorinto 15:51

Nya guvbweta gu mi tulela sihalo: Khandri ethu hatshavbo hi nafago, aholu hatshavbo hi na vbindrugedza giemo,

Dhewuteronome 31:16

Khavbo avbo, Pfhumu Nungungulu a di embela Mosi, khuye: Wona gukhuwe u ngu hadza guya lala gumogo ni vavelegi vago; gasi vathu vava va na khala maphuphulu, va landrela vambe vanungungulu nya malipha va tigoni va yago umo, va na nyi diga, va hambanisa gidzumeledzwano nyi giridego navo.

1 Vatesalonika 4:14

Kholu, ethu hi ngu khodwa gukhethu Jesu fude a wuga; khu kharalo, vale va fudego, Nungungulu a na va wusa khu Jesu va wuya gumogo naye.