2 Samuweli 6:5 - Bhibhiliya Nya Guage

⁵ Dhavhidhe gumogo ni vatshavbo va na Israyeli, va di nengela mbeli ga Pfhumu Nungungulu, khu mafumbu yatshavbo nya siwombawomba nya dzingoma, nya gugirwe khu misimbo nya safira, mitandrandra, sitendre, singomana, sitshatsharo nya dzisimbi, dzitsholi ni sitoliyo.

2 Samuweli 6:5 Iomraidhean Croise

2 Dzipfhumu 3:15

Ambari khu guralo nyi reseleni muthu a kodzago gu womba gitendre.” Avbo mu wombi nya gitendre a nga womba, tshivba ya Pfhumu Nungungulu yi dita avbo ga Elizewu.

1 Dzikoronika 13:8

Dhavhidhe ni vatshavbo va na Israyeli, va di hana mbeli ga Nungungulu, khu monyo wawe watshavbo; va embelela, va womba sitendre, ni dzimbila, singomana, sitshatsharu ni mipundru.

1 Dzikoronika 15:28

Vatshavbo va na Israyeli, avo va nga bani va gu vbwelegedza Ngasa nya Gidzumeledzwano gya Pfhumu Nungungulu, va di kulungela khu gutsaka na va gu womba siphaphato ni mipundru, singomana, sitendre ni dzimbila.

2 Dzikoronika 20:28

Va di vboha Jerusalema vaya bela Nyumbani ga Nungungulu na va gu womba mihwambi, sitendre ni mipundru.

Dzindzimo 47:5

Nungungulu gwede vbakari nya dzihuwa nya litsako, Pfhumu Nungungulu vbakari nya gudzume nya pundru.

Dhaniyeli 3:10

Uwe mufumeli u emiside nayo, u leletela gukhuwe watshavbo wule a na pwago gudzuma nya pundru, sengele, gitendre, tsholi, hwambi, ni satshavbo siwombawomba nya wutsendze, a ngu yela gu thega vbavbatshi a khozela gifananiso nya ndralama,

Dhaniyeli 3:15

Gasi olu, nyi embeleni gu ni gevbini gikhati mu na gu pwago gudzuma nya pundru, nya ngoma, nya gitendre, nya hwambi, nya tsholi, nya sengele ni satshavbo siwombawomba si ningago wutsendze, khidzimani mu khozela gifananiso nyi nga gi emisago. Mwa gumba girani kharato mu na dzegela gu modwa mu rinywa niloni gidhingiseloni nya gudzure ngudzu. Hi na wona gukhethu khu wevbini Nungungulu a na gu mi vbulugisago mandzani gwangu.

Dhaniyeli 3:5

Avbo mu na pwago gudzuma nya pundru, ni tsholi, ni gitendre, ni gitoliyo, ni tandrandra, ni hwambi, ni sengele ni satshavbo siwombawomba si ningago wutsendze, mu fanede gu khidzima mu khozela gifananiso nya ndralama gi emisidwego khu mufumeli Nabhukodhonosori.

Dhaniyeli 3:7

Khavbo avbo, vathu vatshavbo gikhati va ngapwa gudzuma nya pundru, ni gitendre, ni hwambi, ni tsholi ni satshavbo si ningago wutsendze, mayigo yatshavbo, mafumbu, malimi, va di thega vbavbatshi va khidzimela gifananiso nya ndralama gi nga emiswago khu mufumeli Nabhukodhonosori.

Amosi 5:23

Digani ligwaha lanu nya dzindzimo, kholu kha nyi vbweti gupwa wutsendze nya mihwambi yanu.

Amosi 6:5

mu embelela khu wutsendze nya hwambi mu dzi girela siwombawomba nya wutsendze nga Dhavhidhe.

1 Samuweli 10:5

Khavbo avbo, u na hongola gigomoni gya Nungungulu, avbo gu gu ni lizumbo nya vawoneleli va Vafilisitiya; gikhati u na belago dhoropani, u na tshangana ni tsawa nya vaprofeti na va gu tshiga khu gigomoni, na va thangedwe khu vawombi nya dzimbila, dzingoma, misengele ni sitendre, na va guprofeta.

1 Samuweli 16:16

Khu guralo, mune wathu, rumela sithumi sago si manegago avba, gasi si gimbila si vbweta mwama a kodzago gu womba gitendre; avbo liphuvbo nya guvivbe na li gu rumedwa khu Nungungulu li gu vbohelago, uye a na womba gitendre, u kodza gu khala tshukwana.”