2 Samuweli 6:22 - Bhibhiliya Nya Guage

²² Nyi nga na gu engedza nyi dzi nogisa ngudzu nyi dzi thesa vbavbatshi gu wonani gwangu, aholu nyi na zundzwa khu sithumi sesi nya vanyamayi u si ganedego.”

2 Samuweli 6:22 Iomraidhean Croise

Genesi 32:10

eni nyi mwalo fanelo nya wuhigo wago watshavbo ni gutumbega gwatshavbo u gu wonegisidego ga eni githumi gyago, kholu guta gwangu nyi tsemakanyide tsongo yoyu wa Joridhani na nyiri ni ndronga basi mandzani, olu nyi mune nya mitsawa mivili.

2 Samuweli 6:21

Aholu, Dhavhidhe a di embela Mikali, khuye: “Eni nyi di hana mbeli ga Pfhumu Nungungulu, Uye a nyi hathidego wulangani ga babe wago, ni ndranga yaye yatshavbo, a nyi emisa gu thangela vathu va Pfhumu Nungungulu, a gu va na Israyeli, nyi na ni fanelo gu tsaka.

2 Samuweli 6:23

Khu guralo, Mikali, nyamahegyane wa Sawule, kha nga velega sanana kala gufani gwaye.

Joba 40:4

Pfhumu, olu nyi gu gilo nyamba phasa gilo avbo gwago, nyi na phindrula kheni ginani, nyi na vega mandza vbalikanatunu gwangu.

Joba 42:6

Khu guralo, nyi ngu dzipwa na nyiri ni nandru, olu nyi ngu dzi laya, khu guphorola nguma ni kudzudzwane.”

Dzindzimo 131:1

Pfhumu Nungungulu, monyo wangu kha wu dzi gugumugisi, ambari maho yangu gu dzi khusedza; kha nyi gimbili nyi vbweta silo nya sikhongolo, ambari silo nya gu samadzise ngudzu gwangu.

Isaya 50:6

Nyi di ningedzela hwambo wangu ga vale va nyi vetago, nyi ningedzela khovbe yangu ga vale va nga bani va nyi kulela giledzu. Kha nya siha khovbe yangu ga vale va nga bani va gu nyi vala ni gu nyi hetshela.

Isaya 51:7

Nyi yingiseni, enu mutigo gululama, enu vathu, myonyo yanu yi sayisago nayo wangu, mu nga thavi vale va mi poyilago, ambari guvbela tshivba va gu mi valani.

Marko 14:66

Pedro nari vbavbandze a di tedwa khu nyamahegyane nya githumi gya muphasi nya khongolo.

1 Thimoti 1:15

Magana ma tumbegidego, gu na ni fanelo nya guhakhwe ma dzumedwa khu gukhodwa; Kristo Jesu dzude mafuni guta vbanyisa sighohi, eni kheni gighohi gyakone nya guphele.

Vahebheru 12:2

Hi na simame gu khusa maho hi khedzisa Jesu, kholu, khuye guphela ni guhegisa nya gukhodwa gwathu. Uye gima kha vbela tshivba khu gu rwala gihambano. Aholu, khu gutsaka a nga tumbiswago, kha thela kota khu dzitshoni nya gufe vbagihambanotunu. Ni olu, khade khu nyamudye nya gikhalo nya wufumu wa Nungungulu.

1 Pedro 4:14

Enu mu kategide mwa gu vadwa khu kotani nya lina la Kristo, kholu, gu yeyedza gupwani Liphuvbo nya wudhumo a gu Liphuvbo la Nungungulu lomo avbo gwanu.

1 Pedro 5:6

Khu guralo, dzi nogiseni vbavbatshi nya mandza nya tshivba ya Nungungulu, gasi a mi khusedze khu gikhati gi enedego.

1 Samuweli 2:30

Khu kotani nya isoso, upwani esi a ganelago Pfhumu Nungungulu wa Israyeli, wari, khuye: Eni nyi di ganede ga ndranga ya babe wago ni ndranga yago, gukheni va na nyi thumela kha nga vaphasi nya mhamba kala gupindruga. Olu Pfhumu Nungungulu a ngu ganela, khuye: Kha si na simama. Kholu avo va nyi zundzago, nyi na va zundza neni, aholu avo va nyi kanyisago va na thedwa dzitshoni.