2 Samuweli 6:2 - Bhibhiliya Nya Guage

² Khavbo avbo, Dhavhidhe, a di khuga ni vathu vaye vatshavbo a hongola Bhahala gwa Judha, gasi gu ya dzega Ngasa ya Nungungulu yi ranwago khu lina la Pfhumu Nungungulu nya dzinyimbi, a khadego vbatshani nya dzikerubhimi.

2 Samuweli 6:2 Iomraidhean Croise

2 Samuweli 22:11

a di khilela likirubhimi, a puruma, a vbuvba dzimbapini nya phuvbo.

Dzindzimo 80:1

Uwe muhavisi wa Israyeli, tula ndzeve, u yingisa, uwe u gimbidzisago va na Josefa kha nga tshambi wago; uwe u khadego vbagiluvelotunu, vbatshani nya dzikerubhimi, nonedza guwonegela gwago.

Dzindzimo 99:1

Pfhumu Nungungulu a ngu fuma! Ma na ndrendremele mayigo. Khade vbatshani nya dzikerubhimi li ngu khuyuga litigo.

Isaya 47:4

Lina la Mudzegisi wathu khu Pfhumu Nungungulu nya Tshivba Yatshavbo, Nyaguage wa Israyeli.

Isaya 54:5

Kholu Muvangi wago, khuye a gu mwama wago; lina laye a gu uye Pfhumu Nungungulu nya Tshivba Yatshavbo; Mudzegisi wago, khoyu a Agidego wa Israyeli; a ranwago gupwani Nungungulu nya litigo latshavbo.

Josuwa 15:60

Kiriyati-Bhahali, (a gu Kiriyati-Jeyarimi) ni Rabhani; madhoropa yatshavbo, mavili gumogo ni mitalala yawe.

1 Pedro 1:12

Gikhati vaprofeti va ganedego khu Mahungu nya Yadi, aya mu ma pwidego enu olu, Nungungulu tiviside gukhuye thumo wawe wu di si phasi avo, aholu wu di phasa enu. Vagimbidzisi nya Mahungu Yadi nya Ivhangeli va nga ganela khu tshivba nya Liphuvbo nya Guage, li nga rumedwa khu ndzadzini, khavo va mi embedego lisine leli. Silo nya gu, ambari dzingilozi dzi di gu gola nidzo gu siti.

1 Samuweli 4:4

Khavbo avbo, va di rumela vathu gu hongola Silo guya dzega Ngasa nya gidzumeledzwano ya Pfhumu Nungungulu nya Tshivba Yatshavbo, a khalago vbatshani nya dzikerubhimi. Sanana sa sivili sa Eli, Hofini ni Fineya, va diromo vbale va sayisa Ngasa ya Nungungulu.

1 Samuweli 6:21

Khavbo avbo, va di rumela myango ga vavbanyi va Kiriyati-Jeyarimi, va va embela, khavo: “Vafilisitiya va bweledzide Ngasa ya Pfhumu Nungungulu; olu deluni mu ta yi dzega yita iyo gwanu.”

1 Samuweli 7:1

Khavbo avbo, va dita vama va Kiriyate-Jeyarimi va ta rwala Ngasa ya Pfhumu Nungungulu va yi yisa ndrangani ga Abhinadhabhi, yi nga bani yi manega gigomwanani; va hatha mwanaye, Eleyazari gu khala musayisi nya Ngasa ya Pfhumu Nungungulu.