2 Samuweli 6:19 - Bhibhiliya Nya Guage

¹⁹ A di kabanisela vathu vatshavbo ni gidzemo gyatshavbo gya na Israyeli, gukhugela ga vama kala ga vanyamayi, moyo ni moyo, a mana gipandre nya gibaba, gitsuwu nya nyama ni dziuvha nya gubange. Khavbo avbo, vathu va di phalalega, muthu ni muthu a hongola gaya gwaye.

2 Samuweli 6:19 Iomraidhean Croise

2 Samuweli 6:18

Avbo Dhavhidhe, a nga vbedzago gu ningela miphaselo nya guvbiswe ni miningelo nya gurule, a di kategisa vathu vatshavbo khu lina la Pfhumu Nungungulu nya Tshivba Yatshavbo.

2 Samuweli 6:20

Avbo Dhavhidhe a nga wuyago gaya gwaye gasi guta kategisa ndranga yaye, Mikali, nyamahegyane wa Sawule, a di duga, a khinga Dhavhidhe, a mu embela, khuye: “Wuzundzo muni a dzi zundzidego khuwo muhuno uye mufumeli wa Israyeli! Gu kala a funungula wutumbu waye mbeli ga sithumi nya vanyamayi sa sithumi saye, gukhwatshi muthu nyambana mapimo!”

1 Dzipfhumu 8:66

Khu litshigu nya livbandre na mararu, a di tshula vathu va hongola, avo va di kategisa mufumeli, muthu ni muthu a bwelela tshatshani gwaye na tsakide, myonyo yawe na yi tangade khu kotani nya wuwadi watshavbo owu Pfhumu Nungungulu, a nga girelago githumi gyaye, Dhavhidhe, ni vathu vaye, va na Israyeli.

1 Dzikoronika 16:3

Khavbo avbo, a di kabanisela vatshavbo va na Israyeli, vama ni vanyamayi, moyo ni moyo a mana gipandre nya gibaba ni gitsuwu nya nyama ni sibaba nya dziuvha nya gubange.

1 Dzikoronika 16:43

Khavbo avbo, vathu vatshavbo va di phalalega, muthu ni muthu a bwelela gaya gwaye. Dhavhidhe nuye, a di bwelela gaya, gasi gu ya kategisa ndranga yaye.

2 Dzikoronika 30:24

Ezekhiya, mufumeli wa Judha, a di ningela ga gidzemo nya tshangano, likhumi mazana (1.000) dzimombe, ni livbandre na mavili magumi mazana (7000) dzinvuta; manganagana nayo ma di ningela ga tshangano, likhumi mazana (1.000) dzimombe, ni likhumi magumi mazana (10.000) dzinvuta; vaphasi nya mhamba khu wungi wawe va di dzi agisa.

2 Dzikoronika 7:10

Khu litshigu nya magumavili na mararu, khu ngima nya livbandre na wuvili, Solomoni a di phalalegisa vathu, muthu ni muthu a hongola gaya gwaye na va tsakide myonyoni gwawe, kholu Pfhumu Nungungulu, a di kategiside Dhavhidhe, Solomoni ni vathu vaye va na Israyeli.

Nehemiya 8:10

Nehemiya a di va embela gambe, khuye: “Indrani mu ya hodza dzinyama nya gunone, mu sela ni wadwa nya gutshambe ni gulombela, mu rumela navo guhodza vale va ngamba dzi dongisela; kholu litshigu leli nya likhongolo li agisedwe Pfhumu Nungungulu; mu nga garadzegi kholu; litsako la Pfhumu khilo li gu tshivba yathu.”

Gizimba 2:5

Nyi hodziseni khu sitsatsa nya dzikhure, mu nyi nengedzisa khu makandzu nya gutshambe, kholu nyi ngufa khu lihaladzo.

Ezekiyeli 45:17

Miphaso nya guvbiswe yi na duswa khu mufumeli, ni miningelo nya guhodze, ni miphaso nya Mibuzo nya gumege nya Ngima ni dzisabhadho, ni mibuzo yatshavbo ya va na Israyeli; uye kamwe a na ningela miningelo nya guhandze sighoho, ni miningelo nya dzimbewu, ni phaso nya guvbiswe, gumogo ni miphaso nya pwanano, gasi gu gira ditshedzo ya va na Israyeli.”

Hoseya 3:1

Pfhumu Nungungulu a di nyi embela, khuye: Indra gambe uya haladzana ni nyamayi moyo a haladzwago khu pari yago, ambari olu a gu gibhayi. Mu haladze nga idzo Pfhumu a golago khidzo sanana sa Israyeli, ambari ulo avo va mu pfhuraredego va gola vambe vanungungulu ni gu tsakela sibwandzalati nya dziuvha.

Mithumo 20:35

Nyi mi yeyedzide khu magirelo yatshavbo gukheni, mwa gu thuma khu mawogo yanu khavbo mu na kodzago gu phasedzela vale va keneledwago. Dundrugani magana ya Pfhumu Jesu a gukhuye: ‘Kategide ngudzu oyu a ningago guvbindra oyu a hakhago.’ ”

Vaefeso 4:8

Khidzo yi ganelago Milowo, khiyo: “Gikhati a nga khusedzedwa Ndzadzini a di dzega va nya gukhothedwa pasoni a gu kabanisela vathu siningwa.”

Josuwa 22:6

Khavbo avbo, Josuwa a di va kategisa a va ruma va hongola; va bwelela mitshatshani gwawe.