2 Samuweli 6:18 - Bhibhiliya Nya Guage

¹⁸ Avbo Dhavhidhe, a nga vbedzago gu ningela miphaselo nya guvbiswe ni miningelo nya gurule, a di kategisa vathu vatshavbo khu lina la Pfhumu Nungungulu nya Tshivba Yatshavbo.

2 Samuweli 6:18 Iomraidhean Croise

Genesi 14:19

a ta mu kategisa khu magana yaya, khuye: “Nungungulu a khusegidego ngudzu, muvangi nya ndzadzi ni mafu, a na kategise Abrama!

2 Samuweli 6:19

A di kabanisela vathu vatshavbo ni gidzemo gyatshavbo gya na Israyeli, gukhugela ga vama kala ga vanyamayi, moyo ni moyo, a mana gipandre nya gibaba, gitsuwu nya nyama ni dziuvha nya gubange. Khavbo avbo, vathu va di phalalega, muthu ni muthu a hongola gaya gwaye.

1 Dzipfhumu 8:14

Khavbo avbo, mufumeli a di thendregedza khovbe yaye a kategisa tshangano watshavbo wa na Israyeli, wu nga bani wu emide.

1 Dzipfhumu 8:15

A di ganela, khuye: “A na rungudzwe Pfhumu Nungungulu wa Israyeli, a ganedego khu likana laye ga babe wangu Dhavhidhe, a tadzisago olu khu gyandza gyaye gitumbiso a giridego nya gukhuye:

1 Dzipfhumu 8:55

na emide a di kategisa tshangano watshavbo wa na Israyeli, a khusedza lito, khuye:

1 Dzikoronika 16:2

Avbo Dhavhidhe a nga vbedzago gu gira miphaselo nya guvbiswe, niyo nya gubonge, a di kategisa vathu linani la Pfhumu Nungungulu.

2 Dzikoronika 30:27

Khu guhegisa, vaphasi nya mhamba ni va na Levhi, va di khuga gasi gukategisa gidzemo nya vathu. Lito lawe li di yingiswa ni nombelo wawe wu di vboha kala ndzadzini, Wulangani nya Guage a khalago avbo Nungungulu.

2 Dzikoronika 31:8

Gikhati Ezekhiya a ngatago gumogo ni manganagana yaye, na va wonide siwungela sile, va di bonga Pfhumu Nungungulu, gumogo ni vathu vaye va na Israyeli.

2 Dzikoronika 6:3

Khavbo avbo, mufumeli a di thendregedza khovbe yaye a kategisa tshangano watshavbo wa na Israyeli wu nga bani wu emide.

Dzindzimo 129:8

Gambe mwalo a embelago vavbweri nya oyu mwasi, khuye: “Pfhumu Nungungulu a na gu kategise!” Ethu hi ngu mi kategisa khu lina la Pfhumu Nungungulu!

Ekisodha 39:43

Khu guralo, Mosi a di khedzisa thumo watshavbo, a wona gukhuye wu gimbide gukhedza khu edzi Pfhumu Nungungulu a mu rumidego khidzo nyamba tshiya gilo. Mosi a di va kategisa.

Mithumo 3:26

Nungungulu na wuside githumi gyaye khu ga vafudego, a gi rumede gwanu guhegula, gasi guta mi kategisa, gufela gu muthu ni muthu a mane gu vbindrugedza a diga mithumo yaye nya guvivbe.”

Josuwa 22:6

Khavbo avbo, Josuwa a di va kategisa a va ruma va hongola; va bwelela mitshatshani gwawe.