2 Samuweli 6:13 - Bhibhiliya Nya Guage

¹³ Avo va nga bani va rwala Ngasa ya Pfhumu Nungungulu, gikhati ni gikhati, va nga bani va gimbila livbandre na mweyo dzitawu va di gira miphaselo khu dzimombe ni dzinvuta nya gunone.

2 Samuweli 6:13 Iomraidhean Croise

1 Dzipfhumu 8:5

Mufumeli Solomoni ni tshangano watshavbo wa na Israyeli wu ngata tombana avbo gwaye, va di thanga mbeli nya Ngasa, va ningela miphaselo nya dzinvuta ni dzimombe dzi gumba kodzwa guvaledwa ambari gu tidwa tengo khu gutala nya idzo.

1 Dzikoronika 15:15

Va na Levhi va di vbagara magatani Ngasa ya Nungungulu khu mipingo yi nga bani yiri vbatshani gwaye, kha nga idzo va nga leletedwago khidzo khu Mosi, gukhedza khu idzo a rumidego khidzo Nungungulu.

1 Dzikoronika 15:2

Khavbo avbo, Dhavhidhe a di khuye: “Mwalo a yelago gu dzega Ngasa nya Gidzumeledzwano ya Nungungulu, vbavbandze ga va na Levhi, kholu khavo va hathidwego khu Pfhumu Nungungulu gasi gu yi rwala ni gu mu khozela gikhati gyatshavbo.”

2 Dzikoronika 5:6

Mufumeli Solomoni ni tshangano watshavbo wa na Israyeli, wu nga bani wu tombanide gumogo naye, va di thanga mbeli nya Ngasa va paya dzinvuta ni dzimombe nya gutale ngudzu nyamba sayedwa khu wungi wa idzo, va gira miphaselo.

Mitengo 4:15

Avbo Aroni gumogo ni sanana saye, a na gu bani na vbedzide gu fenengedzela Wulanga nya Guage ni satshavbo sombo sa vbawulangatunu nya guage, gikhati li khugago lizumbo, sanana sa Khowati si nata si ta rwala; aholu, va nga kuhi silo nya guage, kholu va ngafa; thumo wowu wa gu lumba va na Khowati, umo nya Tshatsha nya Tshangano.

Mitengo 7:9

Aholu va na Khowati kha nga va ninga gilo, kholu va diri ni thumo nya gusayise sombo nya agiswe, va nga yela gu si rwala magatani gwawe.

Matewu 22:4

A di ruma nyaluphye simbe sithumi, a si embela, khuye: ‘Indrani muya va tivisa, khenu: Guhodza gu vidzidwe; nyi songetede dzimombe dzangu ni sifuyo nya gunone; satshavbo si dongisedwe. Deluni buzotunu.’

Josuwa 3:3

“Mwa gu wonani Ngasa nya Gidzumeledzwano gya Pfhumu Nungungulu wanu, na yi rwadwe khu vaphasi nya mhamba va na Levhi, mu na khuga vbalizumbotunu gwanu mu phara ndzila mu yi landra.