2 Samuweli 5:9 - Bhibhiliya Nya Guage

⁹ Khu guralo, Dhavhidhe a di khala ndrani nya likhokhola a li rana khuye Didhoropa la Dhavhidhe; Dhavhidhe a di vbaha maphuvbo yatshavbo nya likhokhola, gukhugela Milo kala ndrani gakone.

2 Samuweli 5:9 Iomraidhean Croise

2 Samuweli 5:7

Aholu Dhavhidhe a di va pala a wandra likhokhola la Siyoni, a gu ilo Didhoropa la Dhavhidhe.

2 Samuweli 5:8

Khu litshigu lolo Dhavhidhe a di ganela, khuye: “Gani khu mani a na saselago Vajebhusi, kala a vboha gifefetunu nya mati, ga sigoha ni sikhumu saye esi si vengwago khu Dhavhidhe!” Khavbo gu nga ganedwa, pwani: “Ambari gikhumu ni gilima kha gi na bela ndrangani momu.”

2 Samuweli 6:10

Khavbo avbo, Dhavhidhe, kha nga dzumela gukhuye Ngasa ya Pfhumu Nungungulu yi bela nyumbani gwaye Dhoropani ga Dhavhidhe, aholu a di yisa nyumbani ga Obhedhi-Edhomi, Mugati.

1 Dzipfhumu 11:27

Givangelo gi nga mu girago a wugela mufumeli, khegi: Solomoni a di gu vbaha likhokhola li ranwago pwani Milo, gasi gu tshikedzela libhiyo nya lidhoropa la babe waye Dhavhidhe.

1 Dzipfhumu 2:10

Dhavhidhe a difa aya lala gumogo ni vavelegi vaye, dzingidwe Dhoropani ga Dhavhidhe.

1 Dzipfhumu 9:15

Owu khu sasamedzo nya mithumo yatshavbo nya gibhalu yi thumidwego khu guruma ga mufumeli Solomoni, gasi guvbaha Nyumba ya Pfhumu Nungungulu, ni nyumba yaye nya wufumu, Milo ni likhokhola la Jerusalema, gumogo gambe ni Hazori, Megidhu ni Gezeri.

1 Dzipfhumu 9:24

Gikhati nyamahegyane wa Faro, ngadza Solomoni, a nga khugago khu Dhoropani ga Dhavhidhe, a ta bela nyumbani gwaye a nga vbahedwago khu Solomoni; Solomoni a di vbaha Milo.

2 Dzipfhumu 12:20

Sithumi saye si di mu wugela si mu songa nyumbani ga Milo ndzilani yi yago Sila.

2 Dzipfhumu 12:21

Sithumi sesi si nga mu songago, a diri Jozakari, mwamana wa Simeyati, Jozabhadhi, mwamana wa Somiri; va di mu dzinga gumogo ni vavelegi vaye Dhoropani ga Dhavhidhe; mwanaye Amaziya khuye a nga mu tshikedza wulangani gwaye.

1 Dzikoronika 11:8

A di vbaha lidhoropa khu maphuvbo yatshavbo gukhugela Milo, Jowabhi a vbedzisa umo gu nga bani gu tshade.

2 Dzikoronika 32:5

Ezekhiya a di tala khu tshivba, a di vbahedza likhokhola li nga bani li khungumugide, a khusedza makhokhola ma lapha, a vbaha limbe likhokhola khu vbavbandze, a tiyisa wulanga wu ranwago gupwa Milo, Dhoropani ga Dhavhidhe, a gira matshari ni sitshangu nya singi.

Nehemiya 3:15

Salumi, mwamana wa Kol-Hozi, mufumeli nya gitigwana gya Misipa, a di vbahedza Mwanya wu ranwago pwani, Mwanya nya Nambo, a wu vbedza bwelo khavbo a wu pfhulela, a thela malimba gumogo ni sikhotho saye ni sikwinyaro; a di vbahedza gambe ni ndzari gukhugela lidhamotunu la sela, vbafuvbi ni lithembwe nya senge la mufumeli, kala sigandrotunu si relelago Dhoropani ga Dhavhidhe.

Dzindzimo 122:3

Jerusalema, lidhoropa li vbahidwego gwadi li tiya, li vbahidwego khu gu mburisedwa.

Isaya 29:1

Libango lago uwe Ariyeli! Ariyeli, lidhoropa lile Dhavhidhe a nga vegago umo lizumbo laye! Engedzelani khu mwaga ni mwaga, gu manega mibuzo.

Valamuli 9:20

Aholu a gu bani na siri kharato, gu na duge nilo khavbo ga Abhimeleki wu na gumbembisago vatshavbo vavbanyi va Bheti-Milo, wu mbembisa gambe ni Abhimeleki.

Valamuli 9:6

Khavbo avbo, vavbanyi vatshavbo va Sikemi ni vatshavbo va Bheti-Milo; va di tombana vaya emisa Abhimeleki gu khala mufumeli, vbafuvbi ni nguhu nya wukhongolo wu guromo vbafuvbi ni Sikemi.