2 Samuweli 5:3 - Bhibhiliya Nya Guage

³ Khu guralo, ma dita Hebroni ga mufumeli, madhota yatshavbo ya na Israyeli; Dhavhidhe a di gira navo gidzumeledzwano mbeli ga Pfhumu Nungungulu dhoropani ga Hebroni; va todza Dhavhidhe khu mafura, gu khala mufumeli wa Israyeli.

2 Samuweli 5:3 Iomraidhean Croise

2 Samuweli 2:4

Khavbo avbo, vama va na Judha, va di hongola iyoyo vaya todza Dhavhidhe, gu khala mufumeli wa Judha. Khu guralo, va di embela Dhavhidhe gukhavo vathu va Jabhesi-Gileyadhi khavo va nga dzingago Sawule.

2 Samuweli 2:7

Gasi olu mandza yanu ma na mane tshivba, mu khale vama nya dzindrena, kholu, Sawule mune wanu, songidwe, aholu va nyumbani ga Judha, va nyi todzide gu khala mufumeli vbatshani gwawe.”

2 Samuweli 3:21

Abhineri a di embela Dhavhidhe, khuye: “Nyi na ya tombanisa vatshavbo va na Israyeli vate avbo ga mufumeli ni mune wangu; gasi vata gira gidzumeledzwano nago, u na fumela vatshavbo khu gudzina gwago.” Dhavhidhe a di tshadzisana ni Abhineri, uye a di hongola khu gurula.

1 Dzipfhumu 1:34

Iyoyo, muphasi nya mhamba Sadhoki, ni muprofeti Natani, va naya mu todza khu mafura a khala mufumeli wa na Israyeli. Khavbo avbo, mu na womba pundru mu ganela, khenu: A na vbanye mufumeli Solomoni!

2 Dzipfhumu 11:17

Joyadha a di gira gidzumeledzwano ni Pfhumu Nungungulu, mufumeli gumogo ni vathu gasi va khala vathu va Pfhumu Nungungulu, a di gira gambe gidzumeledzwano ni mufumeli ni vathu.

1 Dzikoronika 11:1

Khavbo avbo, vatshavbo va na Israyeli va di ya tshangana dhoropani ga Hebroni ga Dhavhidhe, va mu embela, khavo: “Wona nya gukhuwe ethu hi marambo yago ni nyama yago.

1 Dzikoronika 11:3

Khu guralo, madhota yatshavbo ya na Israyeli ma dita wonana ni mufumeli dhoropani ga Hebroni; ni Dhavhidhe a di gira navo gidzumeledzwano Hebroni, mbeli ga Pfhumu Nungungulu. Va di todza mafura Dhavhidhe gasi a khala mufumeli wa Israyeli kha nga guganela ga magana ya Pfhumu Nungungulu, a nga ma rumelago khavbo ga Samuweli.

1 Dzikoronika 28:4

Ambari khu guralo, Pfhumu Nungungulu wa Israyeli hawude eni, nyumbani gwatshavbo ga vavelegi vangu, gasi nyi khala mufumeli wa na Israyeli guvbanyani gwangu gwatshavbo; kholu Uye khu gale hathide Judha gu khala muthangeli, nyumbani ga na Judha hathide nyumba ya babe wangu. Ni vbakari ga sanana sa babe wangu, hathide eni nyi nga mu tsakisa, a nyi emisa gu khala mufumeli wa vatshavbo va na Israyeli kala gupindruga.

2 Dzikoronika 23:16

Joyadha a di gira gidzumeledzwano ni vathu, gumogo ni mufumeli, gu, avo va khale vathu va Pfhumu Nungungulu.

Ekisodha 3:16

Indra u ya tshanganisa madhota ya na Israyeli, u ma embela, khuwe: Nungungulu wa vababe vanu, Nungungulu wa Abrahama, Nungungulu wa Isaki ni Nungungulu wa Jakobe, a dzi wonegiside gwangu a nyi embela, khuye: Khu lisine nyi mi endrede, ni gu wona esi mu girwago tigoni ga Egipito.

Josuwa 10:36

Khu hwane nya isoso, Josuwa gumogo ni vatshavbo va na Israyeli, va di khuga khu Egilomi vaya dhumela lidhoropa la Hebroni.

Valamuli 11:11

Khu guralo, Jefiti a di hongola gumogo ni vathangeli va Gileyadhi, vathu va di mu gira muthangeli ni mugimbidzisi wawe nya nyimbi. Jefiti a di engedza gu ganela magana yaye yatshavbo a nga bani a ma ganede mbeli ga Pfhumu Nungungulu tigoni ga Misipa.

1 Samuweli 11:15

Vathu vatshavbo va tigoni va di hongola Giligali, iyo va ngaya emisa mufumeli wawe Sawule, mbeli ga Pfhumu Nungungulu, va di ningela miphaso nya gurule ga Pfhumu Nungungulu; Sawule a di nengela ngudzu gumogo ni vatshavbo va na Israyeli.

1 Samuweli 16:13

Samuweli a di dzega gigasi nya mafura a mu todza vbakari ga vandriyaye; gukhugela litshigu lile guya mbeli Liphuvbo la Pfhumu Nungungulu li di mbaka ga Dhavhidhe. Khavbo avbo, Samuweli a di khuga a hongola Rama.

1 Samuweli 23:18

Va vavili va di gira gisambanyo mbeli ga Pfhumu Nungungulu. Khavbo avbo, Janatane a di hongola gaya, aholu Dhavhidhe a di khala Horesa.