2 Samuweli 5:2 - Bhibhiliya Nya Guage

² Gukhugela matshigu ya gale, na nga gu fuma Sawule, khuwe u nga bani nu thangela va na Israyeli gu ya dwana nyimbi, Pfhumu Nungungulu nuye a di gu embede, khuye: “Uwe u na havisa vathu vangu va na Israyeli, u na khala muthangeli wawe.

2 Samuweli 5:2 Iomraidhean Croise

Genesi 49:24

Aholu wulaho waye, wu simamide gu tiya ni misivba nya mawogo yaye yi simamide ni tshivba, khu kotani ya Muvhikeli wa Jakobe, Muhavisi ni Giwindri gya Israyeli.

2 Samuweli 6:21

Aholu, Dhavhidhe a di embela Mikali, khuye: “Eni nyi di hana mbeli ga Pfhumu Nungungulu, Uye a nyi hathidego wulangani ga babe wago, ni ndranga yaye yatshavbo, a nyi emisa gu thangela vathu va Pfhumu Nungungulu, a gu va na Israyeli, nyi na ni fanelo gu tsaka.

2 Samuweli 7:7

Malangani yatshavbo nyi gimbidego ni va na Israyeli, ina nyi di nga ganela lito nya gukari ni moyo nya lihundzu lawe, avo nyi va rumidego gu havisa vathu vangu va na Israyeli nyi va embela, kheni: Khu ginani mu gumba nyi vbahela nyumba nya misimbo nya sedhari, gani?

2 Samuweli 7:8

Khu guralo, u na embela isoso githumi gyangu Dhavhidhe, khuwe: Pfhumu Nungungulu nya Tshivba Yatshavbo a ngu ganela kharati, khuye: Nyi gu duside khu wuhaviseloni nya guhavise dzinvuta, gasi u khale muthangeli wa vathu vangu, a gu va na Israyeli.

2 Dzipfhumu 20:5

“Bwelela u ya embela Ezekhiya, muthangeli nya vathu vangu, khuwe: Pfhumu Nungungulu wa babe wago Dhavhidhe, a ngu ganela kharati, khuye: Nyi pwide nombelo wago, nyi wona ni marongo yago; nyi na gu vbanyisa; khu litshigu nya wuraru, u na gwela Nyumbani ga Pfhumu Nungungulu.

1 Dzikoronika 11:2

Gale Sawule na ngari mufumeli khuwe u nga bani u thangela dzinyimbi dza Israyeli, gu bela ni gu duga. Pfhumu Nungungulu wago, a gu embede gambe, khuye: Uwe havisa vathu vangu va na Israyeli, u na khala muthangeli wa Israyeli!”

2 Dzikoronika 1:10

Khu guralo, nyi ninge wugengeli ni mapimo, gasi nyi kodze gu gimbidzisa vathu vava; kholu, khu mani a na kodzago gu lamula vathu nya vangi nya nga ava?”

Isaya 40:11

Kha nga muhavisi a havisago tshambi waye, khu mawogoni gwaye a na wugarela sinvutana a si vega vbakhanatunu, vamayi vakone a na va hetedza, a va havisa gwadi.

Isaya 55:4

Wonani gukhenu, nyi mi emisede gu khala fakazi ga va nya mayigo, muthangeli ni mwamangulu nya mayigo.

Ezekiyeli 34:23

Nyi na emisa muhavisi moyo gasi a khale muhavisi wawe, uye a na dzi havisa; githumi gyangu Dhavhidhe khuye a na dzi havisago; uye a na khala muhavisi wawe.

Mikeya 5:4

Uye a na simama a havisa vathu tshivbani ga Pfhumu Nungungulu, ni wugulu nya tshivba khu lina la Pfhumu Nungungulu waye avo va na khala mugurulani, kholu wugulu waye wu na vboha kala mahegiso nya litigo.

Mitengo 27:17

muthangeli a na thangago mbeli gwawe, gasi vathu vago va si gimbili kha nga tshambi nyambana muhavisi.”

Matewu 2:6

Uwe Bhetlehema, litigo la Judha, khu vbindrwi khu mayigo nya makhongolo ya Judha, kholu muthangeli a na gu thangelago vathu vangu va na Israyeli, a na duga khavbo gwago!”

Johane 10:11

“Eni nyi muhavisi nya wadi. Muhavisi nya wadi a ngu ningela womi khu gufela dzinvuta dzaye.

Vahebheru 2:10

Khu lisine, a diri fanelo ya Nungungulu, Pfhumu ni Muvangi nya silo satshavbo, gu gira Jesu a khala muthu nya guvbelele khu sitshaniso, ni gu yisa wudhumoni sanana saye nya singi, kholu Jesu khuye a si yisago guvbanyani.

1 Samuweli 13:14

Olu mufumo wago kha wu naya mbeli. Pfhumu Nungungulu a dzi hathede muthu a tsakiswago khuye, gambe a mu vegide gu khala muthangeli wa vathu vaye, kholu uwe khwa landrisa esi Pfhumu Nungungulu a gu leletedego.

1 Samuweli 16:1

Pfhumu Nungungulu a di embela Samuweli, khuye: “Kala lini nu nga gulila khu Sawule. Avbo eni nyi mu nyenyidego gasi a si fumeli gambe Israyeli? Olu tadza gigasi gyago khu mafura uta; nyi na gu rumela ga Jese wa Bhetlehema, kholu vbakari nya sanana saye, nyi hathide moyo gu khala mufumeli.”

1 Samuweli 18:13

Khavbo avbo, Sawule a di dusa Dhavhidhe a si khali naye vbafuvbi, a mu gira muthangeli nya gikwata nya likhumi mazana masotshwa; uye a di gu duga a thangela gikwata gegi guya dwana ni gu wuya mbeli ga vathu.

1 Samuweli 18:16

Aholu va na Israyeli ni va na Judha vatshavbo, va di gola Dhavhidhe, kholu khuye a nga bani na gu va thangela umo nya dzinyimbi dzawe.

1 Samuweli 18:5

Dhavhidhe a di gira satshavbo khu ndruda iso a nga bani na gu leletedwa khu Sawule; avbo Sawule a nga mu vega kha nga moyo nya vathangeli nya dzinyimbi dzaye. Uye a di nengedzisa vathu vatshavbo gumogo ni vathumegeli va Sawule.

1 Samuweli 25:28

Nyi ngu lomba u tsetselela nandru wa eni githumi gyago nyi wu giridego, kholu khu lisine furi, Pfhumu Nungungulu, a na tiyisa nyumba ya mune wangu, kholu wa gu dwana dzinyimbi dza Pfhumu Nungungulu, gu mwalo guvivba gu nga manwago avbo gwago khu ga matshigu yago yatshavbo.

1 Samuweli 25:30

Pfhumu Nungungulu a gu gu girela wuwadi watshavbo, a gu tumbisidego, ni gu bani a gu emiside gu khala mufumeli wa Israyeli,

1 Samuweli 9:16

“Mindru, khu gikhati nya nga egi, nyi na gu rumela mwama moyo wa tigoni ga Bhejami, u na mu todza khu mafura gasi a khala muthangeli wa vathu vangu va Israyeli; uye a na tshudzisa vathu vangu mandzani ga Vafilisitiya; kholu nyi wuyiside maho yangu nyi khedza vathu vangu, huwa yawe yi vbohide kala eno gwangu.”