2 Samuweli 5:10 - Bhibhiliya Nya Guage

¹⁰ Khu magirelo yaya, Dhavhidhe a di ya na gu engedzelana gudandra, kholu Pfhumu Nungungulu nya Tshivba Yatshavbo, a diri ni uye.

2 Samuweli 5:10 Iomraidhean Croise

Genesi 21:22

Matshigu yale, Abhimeleki a dita ni Fikoli, muthangeli nya dzinyimbi, ata embela Abrahama, khuye: “Nungungulu a ngu gu kategisa ga satshavbo u girago.

2 Samuweli 3:1

Gu manegide nyimbi yi vbedzidego myaga nya yingi vbakari ga ndranga ya Dhavhidhe, ni ndranga ya Sawule, Dhavhidhe a di simama gu andra khu tshivba, aholu linyumba la Sawule li di bwelelela hwane.

2 Samuweli 7:9

Eni nyi diri nago gwatshavbo umo u gimbidego khumo; nyi mbembiside valala vago mbeli gwago, nyi giride lina lago gukhwatshi lina nya vathu vakhongolo va guromo mafuni.

2 Samuweli 8:14

A di vega sikwata nya masotshwa nya gu ghadhi tigoni ga Edhomi, vatshavbo va na Edhomi va di khala sithumi sa Dhavhidhe, ni Pfhumu Nungungulu a di ninga tshivba Dhavhidhe nya gupale gwatshavbo umo a nga bani na gu vbindra khumo.

2 Samuweli 8:6

Dhavhidhe a di vega sikwata nya masotshwa nya gughadhe litigo la Dhamasiko; gasi Vaasiriya, va di khala sithumi ga Dhavhidhe, va mu livba khupo. Khu guralo, Pfhumu Nungungulu, a di ninga Dhavhidhe tshivba nya gupale gwatshavbo umo a nga bani na gu vbindra khumo.

Joba 17:9

Aholu, muthu nya gululame a na simama ndzilani gwaye, ni avo mandza yawe ma agidego, va na simama va mana tshivba.

Dzindzimo 24:10

Khu mani Mufumeli yoyo nya Wudhumo? Khu Pfhumu Nungungulu nya Tshivba Yatshavbo. Khuye a gu Mufumeli nya Wudhumo.

Dzindzimo 46:11

Pfhumu Nungungulu nya Tshivba Yatshavbo womo vbakari gwathu; Nungungulu wa Jakobe khuye wuthavelo wathu.

Dzindzimo 46:7

Pfhumu Nungungulu nya Tshivba Yatshavbo womo vbakari gwathu; Nungungulu wa Jakobe khuye wuthavelo wathu.

Mavingu 4:18

Aholu ndzila ya va nya gululama ya gu wenengedza kha nga wuronga nya gugye, wu wenengedzago kala gu gira safa nya mihani.

Isaya 9:7

Gasi wufumu waye nya gurule wu engedzelane kala gupindruga, vbagikhalotunu nya wufumu wa Dhavhidhe ni mufumo waye, a wu tiyisa ni gu wu seketela khu nongameto ni gululama, gukhugela olu kala gupindruga. Khathalelo waPfhumu Nungungulu nya Tshivba Yatshavbo wu na gira isoso.

Agewu 2:4

Khu guralo, olu dzi garadze uwe Zorobhabheli; a ngu ganela Pfhumu Nungungulu, dzi garadze nuwe Josuwa, mwamana wa muphasi nya khongolo nya mhamba Jozadhaki, dzi garadzeni nenu vathu vatshavbo va tigoni, a ngu ganela Pfhumu Nungungulu, thumani; kholu eni nyi womo gumogo nanu; a ngu ganela Pfhumu Nungungulu nya Tshivba Yatshavbo.

Luka 2:52

Gasi Jesu a di dandra khu guti, ni tanga ni wuhigo, mahoni ga Nungungulu ni ga vathu.

Varoma 8:31

Hi na khethu ginani khu silo sesi? Nungungulu a gu ema ni ethu, khu mani a na hi wugelago?

1 Samuweli 18:12

Khavbo avbo, Sawule a di phela gu thava Dhavhidhe, kholu Pfhumu Nungungulu, a di mu digide, a ema ni Dhavhidhe.

1 Samuweli 18:14

Dhavhidhe a di dugelela ga satshavbo a nga bani na gu gira, kholu uye a diri ni Pfhumu Nungungulu.

1 Samuweli 18:5

Dhavhidhe a di gira satshavbo khu ndruda iso a nga bani na gu leletedwa khu Sawule; avbo Sawule a nga mu vega kha nga moyo nya vathangeli nya dzinyimbi dzaye. Uye a di nengedzisa vathu vatshavbo gumogo ni vathumegeli va Sawule.