2 Samuweli 5:1 - Bhibhiliya Nya Guage

¹ Mahundzu yatshavbo ya na Israyeli ma dita ga Dhavhidhe, dhoropani ga Hebroni, ma ta ganela naye, khayo: “Ethu hi marambo yago ni nyama yago.

2 Samuweli 5:1 Iomraidhean Croise

Genesi 29:14

Laboni a di mu embela, khuye: “Khu lisine, uwe u novba wangu, u wa nyama yangu.” Jakobe a di khala ni Laboni tanga nya ngima rumba.

2 Samuweli 19:12

Enu khenu vandriyangu, mu marambo nya marambo yangu ni nyama nya nyama yangu; khu ginani mu na tshalago hwane gu wuyisani mufumeli nyumbani gwaye?

2 Samuweli 19:13

Embelani Amasa khenu gasi uwe khundri marambo yangu, ni nyama yangu, gani? Nungungulu a na nyi tsayise ngudzu, uwe wa gumba emiswa gu khala muthangeli nya nyimbi mbeli gwangu kala gupindruga, wulangani wa Jowabhi.”

2 Samuweli 19:14

Khu magirelo yaya, ma di vbindrugedza myonyo ya vathu vatshavbo va na Judha gukhwatshi monyo wa muthu moyo basi; va rumela mahungu ga mufumeli, khavo: “Bwelela u wuya gaya, uwe gumogo ni sithumi sago.”

2 Samuweli 19:43

Va na Israyeli va di hakha va na Judha, khavo: “Hi na ni likhumi sipandre si hi lumbago ga mufumeli, ambari khavbo gwaye ethu hi ngu mi vbindra; khu ginani enu mu ngamba hi thela kota? Khandri a diri ethu hi nga hadza gu dusa lito nya gu wuyise mufumeli wathu, gani?” Aholu magana ya na Judha ma diri ni tshivba ngudzu guvbindra ya na Israyeli.

2 Samuweli 2:32

Va di dzega Asayeli, vaya mu dzinga thowoni ga babe waye li nga bani liri Bhetlehema; Jowabhi ni vathu vaye vatshavbo va di gimbila wutshigu watshavbo wule, gu yagya na vari Hebroni.

Vaefeso 5:30

a gu givili gyaye, ethu hi sivbango nya guvbanye nya givili gyaye.

Dhewuteronome 17:15

U na dzi emisela mufumeli wule Pfhumu Nungungulu wago, a na gu mu hathago; gambe oyu u na mu hathago gu khala mufumeli wanu guvbwetega nari wa na gyanu, u nga tshuki u vega muthu wa vbavbandze.

Vahebheru 2:14

Sanana a si thulago khu vathu nya givili ni novba. Jesu a dzi giride idzosaye ni avo afela gu pala, khu gufa gwaye, Sathane a nga bani ari ni tshivba nya gusonge.

Josuwa 10:36

Khu hwane nya isoso, Josuwa gumogo ni vatshavbo va na Israyeli, va di khuga khu Egilomi vaya dhumela lidhoropa la Hebroni.

Valamuli 9:2

“Wudzisani sivelegwa satshavbo sa Sikemi, khenu khu gevbini gi gu gyadi gwawe; khu gu fumedwa khu satshavbo sanana nya livbandre na mavili magumi sa Jerubhahali, mwendro gu fumedwa basi khu mwama moyo? Alakanyani gambe gukhenu, eni nyi marambo nya marambo yanu, ni nyama nya nyama yanu.”