2 Samuweli 4:4 - Bhibhiliya Nya Guage

⁴ Jonatane, mwamana wa Sawule, a diri ni gyanana nya gikhwathana gi nga bani giri gigoha nya gukhwenyele mawundru, gi nga bani giri ni livbandre myaga gikhati ma vbohidego mahungu khu Jezireyeli nya gu tiviswe gufa ga Sawule ni Jonatane, musayisi waye a di mu dzega a tutuma naye; avbo va nga bani va tutuma, uye a di thega a limala a khala gigoha; lina laye a di ranwa pwani khu Mefibhoseti.

2 Samuweli 4:4 Iomraidhean Croise

2 Samuweli 21:7

Aholu mufumeli a di vbulugisa Mefibhoseti, mwamana wa Jonatane, mwamana wa Sawule, khu kotani nya gisambanyo a sambanyidego ga Pfhumu Nungungulu, va nga bani va giride Dhavhidhe ni Jonatane, mwamana wa Sawule.

2 Samuweli 9:13

Mefibhoseti a di khala Jerusalema, a hodza vbamezatunu ga mufumeli gikhati gyatshavbo. Uye a diri gigoha nya guhase mawundru.

2 Samuweli 9:3

Mufumeli a di mu embela, khuye: “Ina kha tshala muthu wa nyumbani ga Sawule gasi eni nyi fela gu yeyedza gwaye wuhindzi wa Nungungulu, gani? Zibha a di hakha, khuye: “Gu tshade mwamana moyo wa Jonatane, nya gigoha a hasidego mawundru.”

2 Samuweli 9:6

Mefibhoseti, mwamana wa Jonatane, wa Sawule, a dita ga Dhavhidhe, ata khidzima a thega khu khovbe mafuni a yeyedza githawo. Dhavhidhe a di mu rana, khuye: “Mefibhoseti.” Uye a di hakha, khuye: “Nyi womo avba, eni githumi gyago!”

1 Dzipfhumu 11:17

Aholu Hadhadhi ni vambe vama va Edhomi, gumogo ni sithumi sa babe waye, va dzi kodzide gututuma va thavela tigoni ga Egipito; aholu Hadhadhi a di ngari gyanana.

1 Dzikoronika 8:34

Mwamana wa Jonatane a diri uye Meribhi-Bhahali, Meribhi-Bhahali a velega Mika.

1 Dzikoronika 9:40

Mwamana wa Jonatane a diri Meribhi-Bhahali, Meribhi-Bhahali a velega Mika.

1 Samuweli 29:1

Vafilisitiya va di tombanisa masotshwa yawe yatshavbo dhoropani ga Afeka, va na Israyeli navo va diya zumba vbafuvbi ni nambo wu guromo Jezireyeli.

1 Samuweli 29:11

Khavbo avbo, Dhavhidhe gumogo ni masotshwa yaye, va di wuga ni mambagugya, gasi va bwelela tigoni ga Vafilisitiya. Aholu Vafilisitiya va di hongola Jezireyeli.