2 Samuweli 3:33 - Bhibhiliya Nya Guage

³³ Dhavhidhe a di emba ndzimo nya gililo a lila Abhineri, khuye: “Ina Abhineri a ngu yela gufa gukhwatshi khidzo li fudego khidzo liphuphulu, gani?

2 Samuweli 3:33 Iomraidhean Croise

2 Samuweli 1:17

Khavbo avbo, Dhavhidhe a di womba kosi nya gililo a lila Sawule ni mwanaye Jonatane.

2 Samuweli 3:34

Mawogo yago, kha ma nga hungwa gilo, ambari mawundru yago, kha ma hungwa khu makhetshe nya sugu. Wa gu fisa gukhwatshi muthu a thegedego mandzani ga sanana nya sighohi. Vathu vatshavbo va di mu lila.

2 Dzikoronika 35:25

Jeremiya a di emba ndzimo nya gulile Josiya. Vatshavbo vaembeleli nya vama ni vanyamayi, gililoni gwawe, va di ganela khu Josiya, va nga gu simama gu embelela ndzimo yoyo kala na muhuno; owu wu khade nari nayo tigoni ga na Israyeli. Dzindzimo dzedzi nya gililo dzi lovidwe umo nya Libhuku nya gililo.

Mavingu 18:7

Gipumbu gya gu dzi wusela libango khu magana yaye, ni likana laye lizinga nya hefemulo waye.

Jeremiya 17:11

Muthu a wungedzelago thomba khu wukanganyisi; a gu fanana ni tshugwa yi fundramelago mandra yi ngamba ma vega; vbakari nya matshigu yaye a na yi luza, khu guhegisani a na khala madhadhavale.

Ezekiyeli 32:16

Eyi khu ndzimo nya gililo yi na gu embeledwago khu vanyamayi nya mayigo; gasi gu lidwa litigo la Egipito ni gidzemo nya vathu vaye vatshavbo.” A ngu ganela Mune Pfhumu Nungungulu.