2 Samuweli 3:3 - Bhibhiliya Nya Guage

³ nya wuvili khu Kileyabhi, a nga velegwa khu Abhigayili ngadza mufi Nabhali, Mukarimeli; nya wuraru khu Abhisalamo, mwamana wa Mahaka, nyamahegyane wa Talimayi, mufumeli wa Gesuri;

2 Samuweli 3:3 Iomraidhean Croise

2 Samuweli 13:1

Abhisalamo, mwamana wa Dhavhidhe, a diri ni ndruye nya gumbure ngudzu, lina laye a nga bani nari uye Tamari. Amoni, mwamana wa Dhavhidhe, a di vbela mapimo khuye.

2 Samuweli 14:23

Jowabhi a di khuga a hongola Gesuri, aya dzega Abhisalamo a wuya naye Jerusalema.

2 Samuweli 14:24

Mufumeli a di ganela, khuye: A na bwelele gaya gwaye, kha nyi vbweti gu wonana naye. Abhisalamo a di bwelela aya khala ndrangani gwaye, nyamba wona khovbe ya mufumeli.

2 Samuweli 14:32

Abhisalamo a di embela Jowabhi, khuye: “Eni nyi rumede guta gu rana, kheni: Nga delu eno nyita gu rumela ga mufumeli uya, khuwe: Gasi nyi wuyede ginani khu Gesuri? I tshukwana na nyi khade iyoyo. Gasi olu, nya gu vbweta guya wonana ni mufumeli; nya gu bani nyiri ni nandru, a na nyi songe.”

2 Samuweli 15:7

Khu hwane nya myaga mina, Abhisalamo a di embela mufumeli, khuye: “Nya gu lomba gukheni, nyi hongola Hebroni, nyi ya tadzisa gifungo gyangu ga Pfhumu Nungungulu.”

2 Samuweli 15:8

Kholu githumi gyago gikhati gi nga bani giri dhoropani ga Gesuri tigoni ga Siriya, nyi di dzi vegisede gukheni: “Pfhumu Nungungulu a gu nyi bweledza gambe Jerusalema, nyi naya mu thumela.”

2 Samuweli 18:33

Khavbo avbo, mufumeli, a di vbisega ngudzu monyoni gwaye, a gwela aya nyumbani ga vbatshani nya nyangwa na gu lila; a di gimbila na gukhuye: “Mwanangu Abhisalamo, mwanangu, mwanangu Abhisalamo! Gu diri tshukwana na nyi fude eni wulangani gwago, mwanangu Abhisalamo, mwanangu!”

2 Samuweli 2:2

Dhavhidhe a di phara ndzila a hongola Hebroni, gumogo ni vagadzi vaye va vavili, Ayinowami wa Jezereyeli, ni Abhigayili, noni ya Nabhali, wa Karimelo.

1 Dzipfhumu 1:6

Babe waye gima kha nga mu kawuka, khuye: “Gasi ginani u girago isoso?” Uye nuye a di wonega na mburide ngudzu, a diri nandra wa Abhisalamo nya guvelegwe khu Hagiti.

1 Dzipfhumu 2:15

Uye a di ganela, khuye: “Uwe u ngu dziti gwadi gukhuwe wufumu a diri wangu. Va na Israyeli vatshavbo va di gu khevisela eni, gukhavo kheni nyi na gu fumago. Ambari olu wufumu wu nga ndreyago wu ya ga ndriyangu, wu khade waye kholu Pfhumu Nungungulu dzinide gu mu ninga.

1 Dzikoronika 3:1

Esi khu sanana sa Dhavhidhe a nga velegago dhoropani ga Hebroni: Matiwula khu Aminoni, a nga velega ni Ayinowa nya Mujezireyeli, nya wuvili khu Dhaniyeli, a nga velegwa khu Abhigayili Mukarimeli;

1 Dzikoronika 3:2

nya wuraru khu Abhisalamo, nya guvelegwe khu Mahaka nyamahegyane wa Talimayi, mufumeli wa Gesuri; nya wu na khu Adhoniya, nya guvelegwe khu Hagiti;

Dhewuteronome 3:14

Jayiri, mwamana wa Manasi, a di dzega gipandre gyatshavbo gya Arigobhi kala vbinganoni ga Gesuri ni va na Mahaka, a li thangisa lina laye, khuye: Havoti-Jayiri, gu bhamusago gupwani dzindranga dza Jayir kala na muhuno.

Josuwa 13:13

Va na Israyeli kha va nga khozisa va na Gesuri ambari va na Mahakati. Khu guralo, va na Gesuri ni va na Mahakati va vbahide vbakari ga va na Israyeli kala na muhuno.

1 Samuweli 25:3

Lina la mwama yoyo a diri uye Nabhali, mwangadzi waye a diri uye Abhigayili. Nyamayi yoyu a di gengede ni gumbura; aholu mwama waye a diri muthu nya makolo ni dzihanyi; nari wa nyumbani ga Kalebi.

1 Samuweli 25:42

Abhigayili a di kuga khu guvbiredza, a dzi dongisela a khilela buru yaye, a vbelegedzwa khu livbandre sithumi saye nya vanyamayi; uye a di landra sirumwa sa Dhavhidhe, aya hakhwa khu Dhavhidhe gu khala mwangadzi waye.

1 Samuweli 27:8

Dhavhidhe gumogo ni masotshwa yaye, va di gu dhumela vagesuri, vagerisi ni Vaamaleki; kholu ava khu gale va diri avo vavbanyi nya litigo li khugelago Telani, khu phuvbo ga Suri, kala tigoni ga Egipito.