2 Samuweli 3:29 - Bhibhiliya Nya Guage

²⁹ Novba yoyu, wu na thegele hungoni ga Jowabhi ni valongo vaye! Gima gu nga tshuki gu hamugega muthu nyumbani ga Jowabhi nyamba dwala khu novba, nya sokono, gilima nya gugimbile khu dzindronga ambari gisiwana nya gulombe zomola.”

2 Samuweli 3:29 Iomraidhean Croise

2 Samuweli 1:16

Khavbo avbo, Dhavhidhe a di mu embela, khuye: Novba wago, wu na thegele hungoni gwago, kholu likana lago li ngu gu fakazela, avbo u nga ganela, khuwe: “Kheni nyi nga songa uye a todzidwego wa Pfhumu Nungungulu.”

2 Samuweli 16:8

Olu Pfhumu Nungungulu bweledzide vbatshani gwago novba watshavbo wa ndrangani ga Sawule, oyu u wandridego mufumo waye; olu Pfhumu Nungungulu, dzegide mufumo a wu ningela mandzani ga mwanago Abhisalamo; olu muhuno u womo muwusiwanani, kholu u muthu nya novba.”

2 Samuweli 3:28

Dhavhidhe na pwide iso si nga dugelelago, a di samala, khuye: “Eni nyi mwalo nandru mbeli ga Pfhumu Nungungulu, khu novba wa Abhineri, mwamana wa Neri.

2 Dzipfhumu 5:1

Nahamani, muthangeli nya nyimbi ya mufumeli wa Siriya, a diri muthu nya guthavisege mbeli ga mune waye, gumogo ni gu zundzega kholu khavbo gwaye, Pfhumu Nungungulu a di ningide Vaasiriya va dugelela; uye a diri mwama nya ndrena, aholu a diri ni sokono.

2 Dzipfhumu 5:27

Khu guralo, sokono ya Nahamani yi na thapela avbo gwago ni ga livelego lago kala gupindruga. Khavbo avbo, a di duga khu mbeli gwaye, na pomedwe khu sokono a aga kha nga hunguva.

Dzindzimo 7:17

Nyi na bonga Pfhumu Nungungulu khu gululama gwaye, nyi na embelela nyi rungudza lina la Pfhumu Nungungulu a guromo vbatshani ngudzu.

Ekisodha 21:19

a gu kala a khala tshukwana a kodza gutshetela khu ndronga, wule a nga mu bayisago, kha na ningwa nandru; aholu a na mu livba matshigu yale a luzidego khu gu khala vbadawutunu khu gudwala nyamba thuma, fanede gambe gu mu thumisa kala a halawuga.

Levhi 15:2

Ganelani ga sanana sa Israyeli mu si embela, khenu: Mwama nya gukari a gu duga wusila khu milini gwaye, a na nyenyeza khu wusila wowo.

Mitengo 35:33

Khu magirelo yaya, mu nga tshuki mu nyenyezisa litigo leli mu vbanyago ga ilo; kholu novba wu ngu nyenyezisa litigo; gambe ilo li ngu kodza gu handzwa basi khu novba wa wule a vbaladzidego novba.

Mithumo 28:4

Vamune tigo, na va wone nyoga na yi dandramede mandzani ga Pawulo, va di ganela, khavo: “Khu lisine mwama yoyu gighevenga, a dzi kodzide gu vbuluga matini, aholu Nungungulu kha dzini gu mu diga a vbanya.”

Dhewuteronome 21:6

Madhota yatshavbo ya dhoropani momu ma guromo vbafuvbi ni girumbi, ma na hamba mandza vbatshani nya gimombyana gi pidwego thamo kovani,

Gutuledwa 16:6

U va sedziside novba, kholu va vbaladzide novba wa va nya gukatega ni vaprofeti, va fanedwe khu tsayiso yoyo.”

Valamuli 9:24

Gasi ndrwadza yeyi yi nga girwa ga sanana sa Jerubhahali nya livbandre na mavili magumi, novba wawe wu phodzedwago khu gu thegela vbatshani ga Abhimeleki, ndriyawe, a nga va songago, ni ga vavbanyi va dhoropani ga Sikemi, va nga mu tiyisago mawogo, gasi a sasela vandriyaye.