2 Samuweli 24:7 - Bhibhiliya Nya Guage

⁷ Khavbo avbo, va di vboha likhokholani la Tiro, ni madhoropani yatshavbo ya Vahevhi ni ya Vakhanani; avbo va nga ya khugago va hongola phuvbo ga Marandzi ga Judha, a gu Bherisebha.

2 Samuweli 24:7 Iomraidhean Croise

2 Samuweli 24:2

Khu guralo, mufumeli a di embela Jowabhi, muthangeli nya nyimbi, uye a nga bani ari naye vbafuvbi, khuye: “Olu gimbila ga mahundzu yatshavbo ya na Israyeli, gukhugela Dhani kala Bherisebha, lovela vathu vatshavbo; gasi nyi kodze gu wuti tengo nya vathu.”

2 Samuweli 24:8

Kharati, va di gimbilagimbila tigoni gwatshavbo; khu hwane nya livbandre na mina migima ni magumavili matshigu, va di bwelela Jerusalema.

Zakariya 9:3

Tiro a dzi vbahede makhokhola, a wuya a wungedzela parata kha nga mafu, ni ndralama kha nga maraga ya mudzindzilani.

Josuwa 11:3

ga Vakhanani va Khugadambo ni Pfoladambo, ga Vaamori, ga Vahiti, ga Vaperezi, ga Vajebhusi va musigomoni ni ga Vahevhi vbafuvbi ga Herimoni, tigoni ga Misipa.

Josuwa 19:28

ni Hebroni, Reyobhi, Hamoni ni Khanani, wu vboha kala Sidhoni nya khongolo.

Josuwa 19:29

Vbingano wu di bwelela wuya Rama, wu vboha kala likhokholani la Tiro, wu vbindra wuya Hosa, wuya vbelela Phwani, gukhugela Kalebi kala Akizibi.

Josuwa 9:1

Avbo vafumeli vatshavbo va khisikheyi nya tsongo wa Joridhani, va musigomoni, va mapanini ni funguni gwatshavbo nya yiphwa nya Yikhongolo, yi khedzanego ni Libhanoni, Vahiti, Vaamori, Vakhanani, Vaperezi, Vahevhi ni Vagebhuzi,

Josuwa 9:7

Va na Israyeli va di va hakha, khavo: “A gu dzina mwa gu vbanya vbafuvbi gwathu. Hi na kodza kharini gu gira nanu pwanano?”

Valamuli 3:3

Va nya mayigo vakone khava: Livbandre manganagana nya Vafilisitiya, ni vatshavbo Vakhanani, Vasidhoni ni Vahevhi, va nga bani na va vbanya musigomoni sa Libhanoni, gukhugela gigomoni gya Bhahali-Herimoni, kala nyangwani ga Hamati.