2 Samuweli 24:6 - Bhibhiliya Nya Guage

⁶ Khu hwane, va di hongola Gileyadhi, va vboha kala Kadesi tigoni nya Vahiti; va hongola kala Dhani-Jahani ni vbafuvbi ga Sidhoni.

2 Samuweli 24:6 Iomraidhean Croise

Genesi 10:15

Khanani khuye babe wa Sidhoni, gyanana gyaye nya matiwula, ni Heti,

Genesi 31:21

A di ruredzela satshavbo si nga bani si gu mu lumba a gu thava naso; a tshatuga tsongo wa Ewufrate a thavela gigomoni gya Gileyadhi.

Mitengo 32:1

Sanana sa Rubheni ni esi sa Gadhi, si di fumide mitshambi nya gutale ngudzu. Va di wona litigo la Jazeri ni la Gileyadhi na ma khalegide wulangani nya wadi ngudzu nya gufanele gu havisa umo mitshambi yawe.

Mitengo 32:39

Va na Makiri ni va na Manasi, va di pwanana ni va na Gileyadhi va lundra Vaamori va nga bani na vari umomo, va dzega litigo lawe.

Josuwa 11:8

Pfhumu Nungungulu a di va ningela mandzani ga va na Israyeli, va va pala, va gu va lundra kala Sidhoni nya khongolo, va vboha Misirefoti-Mayimi, kala kovani wa Misipa khu Khugadambo; va di va sasela nyamba tshiya ni moyo nya guvbanye.

Josuwa 19:28

ni Hebroni, Reyobhi, Hamoni ni Khanani, wu vboha kala Sidhoni nya khongolo.

Josuwa 19:47

Litigo la na Dhani, li di ladzide liya vbavbandze nya mivbingano yawe kholu va na Dhani, va di dugide va ya dhumela lidhoropa la Lesemi, va li phanga va sasela vathu vakone, va khala umo avo, va li thangisa lina la babe wawe khavo; khilo Dhani.

Valamuli 1:31

Lihundzu la Aseri kha la nga tutumisa vavbanyi va madhoropani ya Ako, Sidhoni, Alabi, Akizibi, Helibha, Afeka ni Reyobhi.