2 Samuweli 24:5 - Bhibhiliya Nya Guage

⁵ Va di tsemakanya tsongo wa Joridhani, vaya zumba vbafuvbi ni Aroweri, khu phuvbo ga nyamudye nya lidhoropa li guromo vbakari nya kova wa Gadhi, vbafuvbi ni Jazeri.

2 Samuweli 24:5 Iomraidhean Croise

2 Samuweli 24:4

Khu guralo, magana ya mufumeli ma di simama ga Jowabhi, gumogo ni vathangeli nya nyimbi; khavbo avbo, Jowabhi gumogo ni vathangeli nya nyimbi va di khuga mbeli ga mufumeli va ya gira gilovela ga va na Israyeli.

Isaya 17:2

Madhoropani ya Aroweri kha gu na khala gambe muthu; ma na khala malanga nya mitshambi, yi zumba umo, nyamba thurugisedwa khu vathu.

Mitengo 21:32

Mosi a di rumela gu ya khedzisela gwadi litigo la Jazeri; va di wandra madhoropa yawe, va tutumisa Vaamori va nga bani va gu vbanya umomo.

Mitengo 32:1

Sanana sa Rubheni ni esi sa Gadhi, si di fumide mitshambi nya gutale ngudzu. Va di wona litigo la Jazeri ni la Gileyadhi na ma khalegide wulangani nya wadi ngudzu nya gufanele gu havisa umo mitshambi yawe.

Mitengo 32:3

“Mayigo ya Ataroti, ya Dhibhoni, Jazeri, Nimera, Hesibhoni, Eleyali, Sebami, Nebhu ni Bheyoni

Mitengo 32:35

Ataroti-Sofani, Jazeri ni Jogibheya;

Dhewuteronome 2:36

Gukhugela Aroweri, li guromo bambe nya kova wa Arinoni, gumogo ni lidhoropa li guromo umo, kala Gileyadhi, li diri mwalo ni limwedo lidhoropa li nga vbulugago mandzani gwathu; satshavbo sesi khu Pfhumu Nungungulu wathu, a hi ningidego.

Josuwa 13:16

Litigo lawe li di khugela Aroweri, li manegelago bambe nya gitsongwana gya Arinoni, gukhugela ga lidhoropa li guromo vbakari nya kova, ni panini gwatshavbo, vbafuvbi ni Medhebha;

Josuwa 13:25

Litigo lawe kheli: Jazeri, ni madhoropa yatshavbo ya Gileyadhi, gipandryana nya litigo la na Amoni kala Aroweri, mbeli ga Rabha,

Josuwa 13:9

Guphela khu Aroweri, gu manegelago dzibambe nya tsongo wa Arinoni, gukhugela ga lidhoropa li manegelago vbavbatshi nya kova, ni panini gwatshavbo gwa Medhebha kala Dhibhoni.

1 Samuweli 30:28

ga va na Aroweri, ga va na Sifimoti, ga va na Esitemowa,