2 Samuweli 24:25 - Bhibhiliya Nya Guage

²⁵ Dhavhidhe a di vbaha vbale, giluvelo gya Pfhumu Nungungulu, a ningela avbo miphaselo nya guvbiswe, ni miningelo nya gurule. Khavbo avbo, likhulo la Pfhumu Nungungulu li di bosa, tigoni gu vbela tungu wule a nga reselago va na Israyeli.

2 Samuweli 24:25 Iomraidhean Croise

Genesi 12:7

Pfhumu Nungungulu a di dzi wonegisa ga Abrama a mu embela, khuye: “Nyi na ninga litigo leli situgulwana sago.” Abrama a di vbaha vbale giluvelo gya Pfhumu Nungungulu a nga dzi wonegisago gwaye.

Genesi 22:9

Na va vbohide wulanga wule va nga leletedwago khu Nungungulu, Abrahama a di gira giluvelo, a gu handzega avbo dzikhuni, a hunga mwanaye Isaki, a mu handzega vbadzikhunitunu vbatshani nya giluvelo.

Genesi 8:20

Nowa a di gira giluvelo a gi phasela ga Pfhumu Nungungulu. A di dzega gimwegyo ga lifumbu ni lifumbu nya sinyoni ni sirengo sile nyamba loledziswa gu hodzwa, a gu luva Pfhumu Nungungulu khu phaselo nya mhamba nya guvbiswe vbagiluvelotunu.

2 Samuweli 21:14

Marambo ya Sawule ni ya mwanaye Jonatane, va diya ma dzinga tigoni ga Bhejami, dhoropani ga Sela, thowoni ga babe waye Khisi. Va di gira satshavbo va nga leletedwa khu mufumeli. Khu hwane nya iso, Nungungulu a dipwa gulila nya vathu.

2 Samuweli 24:14

Khavbo avbo, Dhavhidhe a di embela Gadhi, khuye: “Nyi womo vbakari nya wuvi nya wukhongolo, hi na thegeleni mandzani ga Pfhumu Nungungulu, kholu wuhindzi waye wungi ngudzu, gasi nyi si thegeli mandzani ga vathu.”

1 Dzipfhumu 1:1

Avbo Dhavhidhe, a nga bani a gumbide ngudzu, nari ni matshigu nya gutale, va di mu fenengedza khu myendra, aholu uye a di si furumeli.

Ezekiyeli 16:42

Khu guralo likhulo langu nago li na vbela ni khorodza yangu yi tadego khu wufu yi na vbela; nyi na tangala, nyamba goroga gambe.

Mitengo 17:13

Watshavbo wule a na gu hidzimelago vbafuvbi nya Tshatsha wa Pfhumu Nungungulu a nafa; gu yeyedza gupwani hatshavbotu hi na vbela, gani?”

Valamuli 21:4

Khu litshigu li landrelago, vathu va di wuga na gu ngari dzimindru, va emisa vbale giluvelo, va ningela miningelo nya guvbiswe ni miningelo nya gurule.

Valamuli 6:24

Khavbo avbo, Gidhiyoni a di vbaha vbale giluvelo gya Pfhumu Nungungulu, a gi riya lina, khuye: Pfhumu Nungungulu nya Gurule. Kala ni muhuno giluvelo gi nga gu manega Ofira wa Abhiyezeri.

1 Samuweli 13:9

Khavbo avbo, Sawule a di ganela, khuye: “Nyi reseleni miphaso nya guvbiswe ni miningelo nya gurule, uye a di ningela phaso nya guvbiswe.”

1 Samuweli 14:35

Sawule a di vbahela Pfhumu Nungungulu giluvelo wulanga wule. Egi khu giluvelo nya guhegule a vbahedego Pfhumu Nungungulu.

1 Samuweli 7:17

Aholu uye a di bwelela a wuya Rama, kholu ndranga yaye yi diri mule, khiyo a nga bani a lamulela iyo va na Israyeli, a vbaha umo giluvelo gya Pfhumu Nungungulu.

1 Samuweli 7:9

Khu guralo, Samuweli a di dzega ginvutana nya gu bani na gi nga gu mama, a gira phaso nya guvbiswe ga Pfhumu Nungungulu; Samuweli a di lila ga Pfhumu Nungungulu wa Israyeli, ni Pfhumu Nungungulu, a di mu hakha.