2 Samuweli 24:22 - Bhibhiliya Nya Guage

²² Khavbo avbo, Arawuna a di embela Dhavhidhe, khuye: “Mufumeli ni mune wangu, dzega, u nyi ninga iso u si wonago na si gu fanela mahoni gwago; dzimombe nya miphaselo nya gugire khidzo miphaso nya guvbiswe; idzodzo, dzikareta ni kanga nya gugire khuye dzikhuni.”

2 Samuweli 24:22 Iomraidhean Croise

Genesi 23:11

“Ahihi, pfhumu yangu! Nyipwe gwadi: Eni nyi ngu gu ninga gipandre gyogyo ni liphala li guromo umo. Nyi ngu gu ninga isoso mbeli ga vathu vangu; dzinga mwangadzi wago.”

1 Dzipfhumu 19:21

Khu vbale, Elizewu, a di diga Eliya, a hongola aya dzega patwa nya dzimombe a songa. Khu mapulango nya kanga, a di khondrisa nilo a gu phula nyama, a ninga valongo vaye va hodza. Khu vbale, a di duga a hongola ni Eliya, a di khala a thuma kha nga muphasedzeli waye.

1 Dzikoronika 21:22

Dhavhidhe a di embela Orinani, khuye: “Nyi ninge wulanga wowu nya githala gyago nyi vbahela avbo giluvelo gya Pfhumu Nungungulu, gasi tungu wu vbindre ga vathu; u nyi embela gambe ni tengo nyi yelago gu livba.”

Valamuli 6:26

Khu hwane girela giluvelo Pfhumu Nungungulu wago, khu tshokatunu nya gigomo gegi. Gira phaso nya guvbiswe khu gimombyana nya wuvili, eyi i mhamba u na gu yi vbisago khu mapulango nya lidingo nya guage u pidego.”

1 Samuweli 6:14

Kareta yi diya vboha thembweni ga Josuwa, dhoropani ga Bheti-Semesi yi ya ema umo gi nga bani giromo giwindri nya gikhongolo; va di pandra mapulango nya kareta va ningela phaselo nya guvbiswe ga Pfhumu Nungungulu khu dzimombe dza dzimbili.