2 Samuweli 24:21 - Bhibhiliya Nya Guage

²¹ Arawuna a di ganela, khuye: “Ginani u gi tisago mufumeli ni mune wangu ndrangani ga githumi gyago?” Dhavhidhe a di mu hakha, khuye: “Nya gu tela guta renga githala gegi, gasi nyi emisa avbo giluvelo gya Pfhumu Nungungulu, gasi li kodze guvbindra libango leli ga vathu.”

2 Samuweli 24:21 Iomraidhean Croise

Genesi 50:10

Avbo va nga vbohago vbagithalatunu gya Atade, githala nya miba gi guromo bambe nya tsongo wa Joridhani, va di gira vbale thumo nya gudzinge ni gililo nya gikhongolo ngudzu; Josefa a di gira gililo nya gikhongolo a lila babe waye khu livbandre na mavili matshigu.

2 Samuweli 24:18

Khu litshigu lolo, a dita Gadhi, ga Dhavhidhe, ata mu embela, khuye: “Khuga u gwela u ya vbaha giluvelo gya Pfhumu Nungungulu, vbagithalatunu gya Arawuna, Mujebhuzi.”

2 Samuweli 24:20

Arawuna a di khusa maho a wona mufumeli gumogo ni sithumi saye na guta avbo gwaye; Arawuna a di duga aya khidzima mbeli ga mufumeli, a tsitsa vbavbatshi khu khovbe.

2 Samuweli 24:3

Khavbo avbo, Jowabhi a di embela mufumeli, khuye: “Pfhumu Nungungulu wago a na engedzele vathu, gu wuyedzela lizana guvbindra olu, gasi maho ya mune wangu ma kodze gu va wona; aholu khu ginani mune wangu u nga gu vbwetago gu gira silo nya nga esi?”

1 Dzikoronika 21:22

Dhavhidhe a di embela Orinani, khuye: “Nyi ninge wulanga wowu nya githala gyago nyi vbahela avbo giluvelo gya Pfhumu Nungungulu, gasi tungu wu vbindre ga vathu; u nyi embela gambe ni tengo nyi yelago gu livba.”

Dzindzimo 106:30

Aholu Fineya a di khuga a tsayisa avo va nga ghoha, tungu wu di vbela.

Mitengo 25:8

a di landra mwama yoyu tshatshani gwaye aya va paya va vavili gumogo khu vbagirumbutunu, Muisrayeli ni nyamayi wule. Khu guralo, wu di vbela tungu vbakari ga va na Israyeli.