2 Samuweli 24:2 - Bhibhiliya Nya Guage

² Khu guralo, mufumeli a di embela Jowabhi, muthangeli nya nyimbi, uye a nga bani ari naye vbafuvbi, khuye: “Olu gimbila ga mahundzu yatshavbo ya na Israyeli, gukhugela Dhani kala Bherisebha, lovela vathu vatshavbo; gasi nyi kodze gu wuti tengo nya vathu.”

2 Samuweli 24:2 Iomraidhean Croise

Genesi 21:14

Abrahama a di wuga ni dzimindru ngudzu a dzega gibaba ni kanvu nya mati a ninga Agari; a di mu velegisa gyanana hwamboni a mu vbangana a hongola. Agari a di duga a legalega giwulani gya Bherisebha.

2 Samuweli 17:11

Khu guralo, eni nyi ngu gu laya gukheni tombanisa vatshavbo va na Israyeli, gukhugela Dhani kala Bherisebha na va tade kha nga lisengwe nya mafu nya fungu, uwe wurumba wago manega vbakari gwawe.

2 Samuweli 2:13

Jowabhi, mwamana wa Zeruwa, ni valandreli va Dhavhidhe, va di duga va va khinga vaya tshangana navo vbafuvbi ni lidhamo la Gibheyoni, ava kheno, vambe khisikheyi nya lidhamo la Gibheyoni.

2 Samuweli 20:23

Jowabhi a diri muthangeli nya nyimbi yatshavbo ya na Israyeli, gasi Bhenaya, mwamana wa Joyadha, a di emisidwe gu thangela Vakereti ni Vapeleti.

2 Samuweli 23:37

Zeleki, Muamoni, Naharayi, Mubheyeroti, a nga bani ari muphari nya matshari ya Jowabhi, mwamana wa Zeruwa,

2 Samuweli 24:15

Khavbo avbo, Pfhumu Nungungulu, a di rumela tungu nya gusonge tigoni ga Israyeli, wu di bela gukhugela vbadzimindrutunu kala gikhati gi emisedwego, gukhugela Dhani kala Bherisebha, gu difa livbandre na mavili magumi mazana (70.000) vama va tigoni.

2 Samuweli 3:10

gu dzega mufumo wa Sawule, nyi wu tiyisa vbagikhalotunu ga Dhavhidhe, ga Israyeli ni ga na Judha, gukhugela Dhani kala Bherisebha!”

2 Samuweli 8:16

Jowabhi, mwamana wa Zeruwa, a diri uye muthangeli nya nyimbi; Josafati, mwamana wa Ayiludhe, a diri mulovi nya matimo.

1 Dzikoronika 21:2

Dhavhidhe a di embela Jowabhi ni vathangeli nya vathu, khuye: “Indrani mu ya gira gilovela ga vathu va na Israyeli, gukhugela Bherisebha kala Dhani, mu ta nyi tivisani gasi nyi wuti tengo wakone.”

2 Dzikoronika 32:31

Aholu avbo vafumeli va Bhabhiloni, va nga mu rumela myango guta mu wudzisa khu sisamadziso si dugelelago tigoni ga Israyeli, Nungungulu a di mu diga gasi gu mu linga ni guti iso a si pimisago monyoni gwaye.

Mavingu 29:23

Muthu nya matshandza a na vbwasamiswa, aholu uye nya gu dzi nogise a na khusedzwa.

Jeremiya 17:5

Pfhumu Nungungulu a ngu ganela kharati, khuye: A na vadwe muthu wule a tumbago muthu kwawe, a dzi seketela avbo nya givangwa nya nyama ni novba, monyo waye na wuri hwindzo ni Pfhumu Nungungulu!

2 Vakorinto 12:7

Gasi nyi si dzi gugumugisi khu gutuledwa gogu nya silo nya guete, nyi di thedwa muba givilini, a gu ngilozi ya Sathane yi nyi vetelela, gasi nyi si tali khu matshandza.

Valamuli 20:1

Khavbo avbo, vatshavbo va na Israyeli va di duga va pwanana khu monyo moyo mbeli ga Pfhumu Nungungulu, gukhugela Dhani kala Bherisebha, gumogo ni litigo la Gileyadhi, dhoropani ga Misipa.