2 Samuweli 24:16 - Bhibhiliya Nya Guage

¹⁶ Avbo Ngilozi yi nga khusedzago mandza yaye vbatshani ga Jerusalema, gasi gu li mbembisa, Pfhumu Nungungulu a di dzi laya khu guvivba gule, a embela Ngilozi nya gumbembise vathu, khuye: “Basi, olu dusa mandza yago.” Ngilozi ya Pfhumu Nungungulu yi diri vbafuvbi ni githala gya Arawuna, mujebhuzi.

2 Samuweli 24:16 Iomraidhean Croise

Genesi 10:16

ni wa Vajebhuzi, Vaamori, Vagirigazi,

Genesi 6:6

Nungungulu a di dzi laya kholu a nga girago muthu, a di swihala ngudzu.

2 Samuweli 24:18

Khu litshigu lolo, a dita Gadhi, ga Dhavhidhe, ata mu embela, khuye: “Khuga u gwela u ya vbaha giluvelo gya Pfhumu Nungungulu, vbagithalatunu gya Arawuna, Mujebhuzi.”

2 Samuweli 5:8

Khu litshigu lolo Dhavhidhe a di ganela, khuye: “Gani khu mani a na saselago Vajebhusi, kala a vboha gifefetunu nya mati, ga sigoha ni sikhumu saye esi si vengwago khu Dhavhidhe!” Khavbo gu nga ganedwa, pwani: “Ambari gikhumu ni gilima kha gi na bela ndrangani momu.”

1 Dzipfhumu 19:4

A di gimbila gipimo nya litshigu rumba giwulani, aya khala mutsani nya simbo a lomba gufa. Khavbo avbo, a di lomba kharati, khuye: “Olu basi, Pfhumu Nungungulu! Dusa womi wangu, kholu kha nyi sizi gilo guvbindra vavelegi vangu.”

2 Dzipfhumu 19:35

Khu wutshigu wowo wa wumowo, Ngilozi ya Pfhumu Nungungulu, yi dita vbalizumbotunu la Vaasiriya, yita sasela lizana ni livbandre na mararu ni livbandre magumi mazana (185.000) vama; khu mindru gakone gu dita manega sirumbi basi.

1 Dzikoronika 1:14

ni Vajebhusi, Vaamori ni Vagirigasi,

2 Dzikoronika 3:1

Khavbo avbo, Solomoni a di phela guvbaha Nyumba ya Pfhumu Nungungulu gigomoni gya Moriya dhoropani ga Jerusalema, avbo Pfhumu Nungungulu a nga wonega ga babe waye Dhavhidhe, vbagithalatunu gya Orinani, Mujebhusi, a gu wulanga wu dongisedwego khu Dhavhidhe.

2 Dzikoronika 32:21

Khavbo avbo, Pfhumu Nungungulu a di rumela ngilozi yi ta sasela vama vatshavbo nya dzindrena, manganagana, vathangeli, lizumboni la mufumeli wa Asiriya. Khavbo avbo, uye a di bwelela tigoni gwaye khovbe yaye na yi tade khu dzitshoni; avbo a nga bani na gu bela nyumbani ga vanungungulu vaye, sanana nya gudugele mahembeni gwaye, si di dzegela gu mu songa khu litshari vbamwanyatunu.

Dzindzimo 135:14

Kholu Pfhumu Nungungulu a na emela vathu vaye ni gu pwela wusiwana sithumi saye.

Dzindzimo 35:6

Ndzila yawe yi na khale gidema ni gukwiriga, va na lundrwe khu ngilozi ya Pfhumu Nungungulu.

Dzindzimo 78:38

Aholu Nungungulu khu wuhindzi waye, a di va tsetselela sighoho sawe a si va mbembisi, gikhati nya gingi thindrekiside likhulo laye, a si va gorogeli khu giviti.

Dzindzimo 90:13

Pfhumu Nungungulu, wuya eno gwathu, Kala lini u na hi girelago likhulo? Pwela wuhindzi sithumi sago.

Ekisodha 12:13

Novba wa mudzinyumbani mu na bani muri umo, wu na khala giwonegiso nya gu mi vhikele: Nya gu wona novba, nyi na vbindra mbeli, enu mu vbuluga ga mhango nya gusonge, gikhati Eni nyi na mbembisago litigo la Egipito.

Ekisodha 12:23

Kholu Pfhumu Nungungulu a na vbindra gasi gu ya songa Vagipiti, avbo a na wonago novba avbo nya mihasimo nya mwanya, a na vbindra mbeli, kha na nga dzumedzisa Musongi gubela dzinyumbani gwanu a mi songa.

Ekisodha 32:14

Khu guralo, Pfhumu Nungungulu a di dzi laya a thindrekisa tsayiso a nga bani a wu dongisede gu vbedza khuwo vathu vaye.

Ekisodha 9:28

Lombelelani ga Pfhumu Nungungulu, kholu hi garade, gasi gu si manegi gambe mabara ni maralala nya guthise ngudzu. Eni nyi na mi tshulani mu hongola nyamba himbedzedwa khu gilo.”

Isaya 27:8

Kha va veta guvbindra pimo, a di va yisa wugumbini, a di va dzega khu phuvbo yaye nya tshivba nya gufanane ni gingulu nya gute khu Khagadambo.

Isaya 57:16

Khu guralo, kha nyi na mi singedza gikhati gyatshavbo, mwendro gu gira likhulo gikhati gyatshavbo; kholu mihefemulo nyi yi vangidego, yi nga vbeledwa khu tshivba mbeli gwangu.

Jeremiya 26:19

Ina Ezekhiya, mufumeli wa Judha, gumogo ni vathu vatshavbo va na Judha va mu songide, gani? Ina uye kha nga ninga githawo Pfhumu Nungungulu, ina kha va lomba gasi Pfhumu Nungungulu a va pwela wuhindzi khu gu va divalela ga tsayiso a nga bani a va dongisede, gani? Aholu ethu ha gu vbweta gu dzi thelela ginani libango khu gu songa muthu yoyo, na?

Jeremiya 42:10

Mwa gu khalani khu mavbanyelo nya yadi tigoni momu, Eni nyi na mi tiyisa, wulangani nya gu mi pfhungumule; nyi na mi tsitsa wulangani nya gu mi sigule, kholu nyi ngu dzi laya khu dzimhango nyi mi giredego.

Amosi 7:3

Khu guralo, Pfhumu Nungungulu, a di dzi laya khisoso a ganela, khuye: “Kha si na nga girega, a di ganela Pfhumu Nungungulu.”

Amosi 7:6

Khu guralo, Pfhumu Nungungulu a di dzi laya khisoso, khuye: “Ambari isoso kha si na girega gambe, a di ganela Pfhumu Nungungulu.”

Habhakuka 3:2

Uwe Pfhumu Nungungulu, nyi pwide na gu ganedwa khu ndruma yago; nya gu wona sigiro sago Pfhumu Nungungulu, nya gu ndrendremela. Wusedza nyaluphye mithumo yago matshigwanaya; ma tidwa ga gikhati gegi gyathu; likhulo lago, li alakanye khu wuhindzi.

Zakariya 9:7

Nyi na va gambisa novba nya miphaso khu maganani gwawe va phaselago sithombe, nyi dusa gunyenyeza gwatshavbo khu magwahani gwawe; uye a na tshalago a na khala nga tshaledwa wa Nungungulu wathu; a na khala muthangeli wa tigoni ga Judha, gu na girwa Ekoroni kha nga iso si nga giregago ga Vajebhusi.

Marko 14:41

Na wide nya wuraru, a dita, khuye: “Olu lalani mu hefemula. Gi vbohide gikhati, Mwamana wa Muthu a na ningedwa mandzani ga sighohi.

Mithumo 12:23

Khu gikhati gyogyo a di vetwa khu ngilozi ya Pfhumu, a gu hodzwa khu siwungu afa, kholu kha nga rungudza Nungungulu.

1 Vakorinto 10:10

Mu nga ganedzi, kha nga va nga gira vambe, va gu mbemba khu gufa.

2 Vakorinto 2:6

Gu enede ga muthu yoyo tsayiso a nga ningwago khu enu mwatshavbo.

Josuwa 15:63

Khu guralo, va na Judha kha va nga dzi kodza gu tutumisa va na Jebhuzi; kotani nya isoso, va na Jebhuzi va nga gu simama gu vbanya Jerusalema, gumogo ni va na Judha kala na muhuno.

Valamuli 1:21

Khu guralo, sanana sa Bhejami kha sa tutumisa Vajebhuzi va nga bani va vbanya dhoropani ga Jerusalema; Vajebhuzi va nga gu vbanya gumogo ni sanana sa Bhejami kala na muhuno.

Valamuli 19:11

Avbo va nga vboha vbafuvbi ni Jebhusi, lidambo li di gu pfola, githumi gi di embela mune waye, khigyo: “Nyi ngu gu lomba gu hi phawuga, hiya bela dhoropani momu nya Vajebhusi hiya lala umo, wutshigu wowu.”

1 Samuweli 15:11

“Nyi ngu dzi laya kholu nyi nga emisa Sawule gu khala mufumeli, kholu a nyi wugede, a si landrisi sileletelo sangu.” Samuweli a di vbisega ngudzu, wutshigu watshavbo a lila ga Pfhumu Nungungulu.