2 Samuweli 24:15 - Bhibhiliya Nya Guage

¹⁵ Khavbo avbo, Pfhumu Nungungulu, a di rumela tungu nya gusonge tigoni ga Israyeli, wu di bela gukhugela vbadzimindrutunu kala gikhati gi emisedwego, gukhugela Dhani kala Bherisebha, gu difa livbandre na mavili magumi mazana (70.000) vama va tigoni.

2 Samuweli 24:15 Iomraidhean Croise

2 Samuweli 24:2

Khu guralo, mufumeli a di embela Jowabhi, muthangeli nya nyimbi, uye a nga bani ari naye vbafuvbi, khuye: “Olu gimbila ga mahundzu yatshavbo ya na Israyeli, gukhugela Dhani kala Bherisebha, lovela vathu vatshavbo; gasi nyi kodze gu wuti tengo nya vathu.”

1 Dzikoronika 21:14

Khavbo avbo, Pfhumu Nungungulu a di rumela tungu tigoni ga Israyeli, vafa khu tungu yoyo, livbandre na mavili magumi magumi mazana (70.000) vathu va na Israyeli.

1 Dzikoronika 27:24

Jowabhi, mwamana wa Zeruya, a di gu phede gu sayela vathu, aholu a di si gu va vbedzi, kholu Nungungulu a di resa likhulo nya likhongolo ngudzu ga Israyeli; khu guralo, tengo wawe kha wa lowa umo nya matimo ya Dhavhidhe.

1 Dzikoronika 27:4

Tsawa nya ngima nya wuvili, muthangeli a diri Dhodhayi, muawoyita, vbafuvbi gwaye a diri ni Mikeloti; tsawani gwaye nuye gu diri ni magumavili na mana magumi mazana (24.000) vama.

Isaya 37:36

Khavbo avbo, Ngilozi ya Pfhumu Nungungulu yi diya sasela lizumbo la Vaasiriya, yi songa lizana ni livbandre na mararu magumi ni livbandre magumi (185000) mazana vathu; avbo vambe va nga wugago ni dzimindru, va dita va mana nari sirumbi.

Habhakuka 3:2

Uwe Pfhumu Nungungulu, nyi pwide na gu ganedwa khu ndruma yago; nya gu wona sigiro sago Pfhumu Nungungulu, nya gu ndrendremela. Wusedza nyaluphye mithumo yago matshigwanaya; ma tidwa ga gikhati gegi gyathu; likhulo lago, li alakanye khu wuhindzi.

Mitengo 25:9

Vathu va fudego khu tungu wowo va diri tengo nya magumavili na mana magumi mazana (24.000).

Matewu 24:7

Mayigo ma na wugelana; ni mifumo yakone yi na wugelana niyo; dzi na manega dzindzala, mitungu ni sirevareva malangani nya gutale.

Gutuledwa 6:8

Nyi di wona kavalu nya safarawu, na yi khiledwe khu moyo nya gupwani khu “Gufa” a na gu bangaladzwa khu Hayidhesi, litigo nya vafi. A di ningwa gipandre nya wu na nya litigo, gasi a gi mwaladze khu litshari, ni ndzala, ni mitungu nya madwali ni sirengo nya likhabi.

1 Samuweli 6:19

Pfhumu Nungungulu a di sasela vathu va Bheti-Semesi, kholu va nga holelago ndrani nya Ngasa ya Pfhumu Nungungulu, gu songwa livbandre na mavili magumi (70) vathu; khavbo avbo, vathu va di lila kholu Pfhumu Nungungulu a nga va girelago wusaseli wowu nya wukhongolo.