2 Samuweli 24:14 - Bhibhiliya Nya Guage

¹⁴ Khavbo avbo, Dhavhidhe a di embela Gadhi, khuye: “Nyi womo vbakari nya wuvi nya wukhongolo, hi na thegeleni mandzani ga Pfhumu Nungungulu, kholu wuhindzi waye wungi ngudzu, gasi nyi si thegeli mandzani ga vathu.”

2 Samuweli 24:14 Iomraidhean Croise

2 Samuweli 9:8

Khavbo avbo, a di noga, khuye: “Kheni mani eni githumi gyago, nya gukala u khedza yimbwa nya gufe nya nga eni?”

2 Dzipfhumu 6:15

Githumi gya muthu wa Nungungulu, gi di wuga ni mambagugya gi duga, gi ta mana lidhoropa na li randredwe khu gikwata nya masotshwa, dzikavalu ni dzikareta; khavbo avbo, githumi gyaye gi di mu embela, khigyo: “Mune wangu, olu hi na gira ginani?”

1 Dzikoronika 21:13

Khavbo avbo, Dhavhidhe a di embela Gadhi, khuye: “Nyi tade khu wuvi nya wukhongolo ngudzu. Nyi na thegele eni mandzani ga Pfhumu Nungungulu, kholu wuhindzi waye wukhongolo ngudzu, aholu nyi si thegeli mandzani ga vathu.”

Dzindzimo 119:156

Pfhumu Nungungulu, wuhindzi wago wu khongolo; nyi vbanyise khu ndzila nya situmbiso sago.

Dzindzimo 130:4

Aholu avbo gwago u ngu kodza gu divalela avo va gu ningago githawo.

Dzindzimo 130:7

Israyeli a gu lirela Pfhumu Nungungulu, kholu, ga Pfhumu Nungungulu womo wuhindzi; a ngu hi vbulugisa dzimhango nya gutale.

Dzindzimo 145:9

Pfhumu Nungungulu khwadi ga vathu vatshavbo; wuhindzi waye wukhongolo guvbindra satshavbo a giridego.

Dzindzimo 51:1

Nyi pwele wusiwana, Nungungulu, khu lihaladzo lago; futa sighoho sangu, khu wuhindzi wago nya wukhongolo.

Dzindzimo 86:15

Aholu uwe Pfhumu, u Nungungulu u pwelago gisiro u tade khu wuhindzi, u ngu timisela, u tade khu wuhindzi ni lisine.

Dzindzimo 86:5

Kholu uwe Pfhumu, u wadi u ngu tsetselela; u ngu hakha khu mandza mavili vatshavbo va gu khozelago.

Mavingu 12:10

Muthu nya gululame a ngu sayisa gwadi sifuyo saye, aholu makungo ya muthu nya guvivbedwe khu monyo, khya tshanisa.

Isaya 47:6

Na nyi khuvegide ngudzu khu kota ya vathu vangu, nyi di nyenyezisa thomba yangu nyi yi ningela mandzani gwago. Aholu uwe gima khwa va pwela gisiro; ambari ni sikhosane u di si rwega mirwalo nya gulemele ngudzu.

Isaya 55:7

Muthu nya guvivbedwe khu monyo a na dige ndzila yaye nya guwegele, ni oyu nyamba lulama a na dige mipimiso yaye; a na vbindrugedze mavbanyelo a wuya ga Pfhumu Nungungulu, uye a na mu pwela gisiro, wuyani ga Nungungulu wathu, kholu tade khu wuhindzi ni gutsetselela.

Jeremiya 39:17

Khu guralo, Eni nyi na gu vbulugisa ga litshigu lile, khu na thegela mandzani ga vathu vale u va thavago; a ngu ganela Pfhumu Nungungulu.

Gililo 3:22

Ethu kha ha mbembiswa khu wuhigo wa Pfhumu Nungungulu; kholu lihaladzo laye li mwalo mahegiso.

Dhaniyeli 9:9

Pfhumu Nungungulu wathu, a na ni wuhindzi ni gu tsetselela, ambari hi mu ghohedego,

Jona 4:2

A di lombelela ga Pfhumu Nungungulu, khuye: “Oh! Pfhumu Nungungulu! Ina khandriso esi nyi nga gu embelago, na nyi ngari tigoni gwangu, gani? Khiso si nga nyi gira nyi thava nyi tutumela tigoni ga Tarisisi, kholu nyi di gu dziti gukheni uwe u Nungungulu nya wuhigo, u tadego khu wuhindzi, u hwelago gugoroga, na wu tade khu wuwadi, u si goligo gu gira silo nyamba sadi.

Mikeya 7:18

Khu mani uwe Nungungulu a fananago ni uwe, u tsetselelago guvivba, ni gu divalela guyeyisa ga mitshaledwa nya thomba yago? Pfhumu Nungungulu kha khali na gu vbisega khu likhulo gikhati gyatshavbo, kholu a gu tsaka khu gupwela wuhindzi.

Mikeya 7:19

U na simama gu hi pwela gisiro; u gandredzela guvivba gwathu, u dzudzuga sighoho sathu satshavbo guetani nya yiphwa.

Zakariya 1:15

Gambe nyi ngupwa likhulo nya likhongolo ngudzu khu kotani nya mayigo ma guromo gukhadzisegani; kholu avbo eni nyi nga bani nyi gorogide vbadugwana khu kotani nya vathu vangu, ayo ma di engedzela gu gira guvivba.

Johane 12:27

“Olu hefemulo wangu womo gutshanisekani. Nyi na kheni ginani? Baba, nyi vbulugise ga gikhati gegi nya sitshaniso? Olu a gu iso nyi nga si telago, ke!

Vafilipi 1:23

Nya gu dzipwa na nyi gu ndrindrwa khu silo sa sivili: Mumbe monyo wa gu suva gu hongola nyiya khala ni Kristo; a diri gwadi ngudzu guvbindra silo satshavbo;

1 Samuweli 13:6

Avbo va na Israyeli va nga wona gukhavo, va randredwe khu maphuvbo yatshavbo, va di sihala mudziphagoni, ni mavbalani, sirangalabwani, siwindrini ni milamboni.