2 Samuweli 24:10 - Bhibhiliya Nya Guage

¹⁰ Hwane nya gu bani na sayede vathu, Dhavhidhe a di vetwa khu livhalo a vbisega monyoni gwaye; Dhavhidhe a ganela ga Pfhumu Nungungulu, khuye: “Nyi ghohide ngudzu khesi nyi giridego, gasi olu uwe Pfhumu Nungungulu, nyi ngu gu lomba gukheni u duse guvivba ga githumi gyago, kholu nyi thumide silo nya wupumbu ngudzu.”

2 Samuweli 24:10 Iomraidhean Croise

2 Samuweli 12:13

Khavbo avbo, Dhavhidhe a di embela Natane, khuye: “Nyi ghohede Pfhumu Nungungulu.” Natane a di embela Dhavhidhe, khuye: “Pfhumu Nungungulu futide gighoho gyago, khu na ngafa.”

2 Samuweli 24:17

Avbo Dhavhidhe a nga wona Ngilozi nya gumbembise vathu, a di ganela ga Pfhumu Nungungulu, khuye: “Wona, kheni nyi ghohidego, kheni nyi giridego guvivba gwatshavbo gogu; gasi dzinvuta dzedzi, ginani dzi ghohidego? Gyandza gyago, gi na vete eni gumogo ni ndranga ya babe wangu.”

1 Dzipfhumu 8:35

Ndzadzini gwa gu segega, ndzadzi yi siwi, khu kotani nya gughohe gwawe, avo va guta lombelela ga wulanga wowu, va dhumisa lina lago, va diga sighoho va giridego khu gu bani u va tsayiside,

1 Dzikoronika 21:7

Satshavbo silo sesi, kha sa nga tsakisa Nungungulu, khu guralo, Uye a di veta Israyeli.

1 Dzikoronika 21:8

Khavbo avbo, Dhavhidhe a di embela Nungungulu, khuye: “Nyi ghohide ngudzu khu gu gira silo nya nga esi; khu guralo, nyi ngu gu lomba U tsetselela guvivba ga githumi gyago, kholu nyi thumide silo nya wupumbu ngudzu.”

2 Dzikoronika 16:9

Kholu maho ya Pfhumu Nungungulu, ma gu khedza mafuni gwatshavbo gasi gu yeyedza tshivba yaye ga vale va mu vbwetago khu monyo wawe watshavbo; khu kotani nya isoso, uwe u giride wupumbu. Khu guralo, gukhugela olu u na dhumedwa khu dzinyimbi.

2 Dzikoronika 32:26

Aholu, Ezekhiya, avbo a nga dzi nogisa khu kotani nya matshandza ya monyoni gwaye uye ni vavbanyi va Jerusalema, likhulo la Pfhumu Nungungulu li di bosa li siti gwawe khu matshiguni ya Ezekhiya.

Joba 7:21

Khu ginani u si nyi pweligo sihoso sangu ni gu futa sighoho sangu, na? Kholu nyi na dzegela gulala ngumani, u nyi vbweta u si nyi mani gambe.”

Dzindzimo 32:5

Nyi dawulede gwago giwono gyangu, kha nya gu sihela guvbanya gwangu; eni nyi di ganela, kheni: “Nyi ngu hongola ga Pfhumu Nungungulu, nyi ya dawulela guvivba gwangu!” Uwe u di handza guvivba gwangu, u nyi divalela guvivba nya gighoho gyangu.

Ekisodha 10:16

Khavbo avbo, Faro a di vbiredza gu ranisa Mosi ni Aroni, a ta va embela, khuye: “Nyi ghohide ga Pfhumu Nungungulu wanu ni ga enu.”

Mavingu 28:13

Uye a sihago sighoho saye gima kha na katega, aholu uye a si dawulelago a si ghohi gambe, a na giredwa wuhindzi.

Hoseya 14:2

Indrani na mu dongisede magana nya gu dzi laye, mu bwelela ga Pfhumu Nungungulu; mu ya mu lomba, khenu: “Hi divalele sighoho sathu satshavbo; u hi hakha khu wuhindzi; phaso nya wadi hi gu luvago khuwo, khu malito ma dugago khu kanani gwathu, guvbindra miphaso nya simombyana.

Joyele 2:12

Khu guralo, olu kamwe, a ngu ganela Pfhumu Nungungulu, khuye: Vbindrugedzani mu wuye gwangu khu monyo wanu watshavbo; isoso na mu gu hala khu gu lila ni gu womba dzihuwa.

Mitengo 12:11

Aroni a di embela Mosi, khuye: “Ama mune wangu, nyi ngu gu lomba u nga theli vbakari gwathu giwono gegi hi nga gi girago khu wupumbu wathu.

Marko 7:22

gumba khodwa, lidiwo, milembo, matshandza ni wupumbu.

Johane 1:29

Gandra ni dzimindru, Johane a di wona Jesu, a nga bani a gu mu tela a ganela, khuye: “Kha mu yi woni yile Nvutana ya Nungungulu yi dusago gighoho nya litigo.”

Johane 8:9

Na va pwide magana yaya, va di phalalega khu moyo ni moyo, gu phela khu vakhongolo, gu tshala basi Jesu ni nyamayi wule a nga bani a emide vbakari.

Dhewuteronome 32:6

Ina khidzo kharati, mu bongago khidzo Pfhumu Nungungulu, enu vathu nya sipumbu, nya guhandruge, gani? Gasi khandruye babe wago, ni muvangi wago, gani? Khuye a gu wumbidego a wuya a gu tiyisa!

Tito 3:3

Kholu, gale ethu nethu hi diri mwalo mapimo, hi di si yingeli, hi diri sipumbu, hi diri dzikhumbi nya gunavele silo satshavbo nya guvivbe; hi diri vathu nya guvivbe ni wufu. Hi di gu vengwa khu vatshavbo, a nethu hi di gu vengana.

1 Johane 1:9

Aholu, ha gu dawulela sighoho sathu ga Nungungulu, uye a lulamidego ni gu tumbega a na hi tsetselela sighoho sathu, a hi agisa guvivbani gwatshavbo.

1 Samuweli 13:13

Khavbo avbo, Samuweli a di embela Sawule, khuye: U thumide wupumbu khu gumba landrisa nayo u ningidwego khu Pfhumu Nungungulu wago, naripwani u di yingiside, Pfhumu Nungungulu a di hadza gutiyisa mufumo wago ga va na Israyeli kala gupindruga.

1 Samuweli 24:5

Aholu Dhavhidhe a dipwa guveta nya monyo waye, hwane nya gu na pide tshoka nya gifenengelo gya Sawule;

1 Samuweli 24:6

a di embela masotshwa yaye, khuye: “Pfhumu Nungungulu a na nyi vbulugise gu gira silo nya nga esi ga mune wangu, gu khusa mandza yangu nyi mu songa, kholu muthu wa Pfhumu Nungungulu a todzidwego khu mafura.”

1 Samuweli 26:21

Khavbo avbo, Sawule, a di hakha, khuye: “Nyi ghohide, wuya mwanangu Dhavhidhe, kholu kha nyi na engedza gambe gu gu girela iso nya guvivbe; kholu muhuno u wonide womi wangu na wuri ni lisima mahoni gwago. Esi nyi si giride khu wupumbu, nyi gira gighoho nya gikhongolo!”