2 Samuweli 24:1 - Bhibhiliya Nya Guage

¹ Likhulo la Pfhumu Nungungulu li di engedza li wugela va na Israyeli; a di kutsedzela Dhavhidhe gu va wugela a ganela, khuye: “Gimbila u ya saya va na Israyeli ni va na Judha.”

2 Samuweli 24:1 Iomraidhean Croise

Genesi 45:5

Ambari ulo, mu nga swihali, gambe mu ngapwi dzitshoni khu olu mu nga nyi rengisani nyi reswa ga eli litigo; kholu Nungungulu a nyi thangiside mbeli gwanu gasi guta vbanyisa womi wathu.

Genesi 50:20

Enu khu lisine, mu nyi giredeni gikungo nya guvivbe; aholu Nungungulu a gi vbindrugedzide a gi gira nya gyadi gasi gu manega nya sadi, kha nga olu mu si wonago, gasi vathu nya vangi va kodze guvbanyiswa.

2 Samuweli 12:11

Khu guralo, Pfhumu Nungungulu a ngu ganela kharati, khuye: “Nyi na wusa libango nya likhongolo nyumbani gwago. Nyi na gu dzegela vagadzi vago nu gu va wona, nyi va ningela ga vambe vama va lala navo vbakari nya mihani.

2 Samuweli 16:10

Mufumeli a di khuye: “Ginani nyi gu nagyo nanu enu madzahanu ya Zeruwa? Mu digeni a hembulule, Pfhumu Nungungulu a gu bani a mu rumide gukhuye vala Dhavhidhe, khu mani a na mu embelago, khuye: Khu ginani u girago isoso?”

2 Dzipfhumu 3:6

Khu guralo, Joramo a di dzegela gu khuga khu Samariya, aya somisa va na Israyeli vatshavbo.

1 Dzikoronika 21:1

Khavbo avbo, Sathane a di wugela va na Israyeli, a kutsedzela Dhavhidhe gu gira gilovela nya vathu va na Israyeli.

1 Dzikoronika 7:2

Sanana sa Tola khesi: Uzi, Refaya, Jeriyeli, Jamayi, Yibisamu ni Samuweli, vathangeli nya dzinyumba; situgulwana sa Tola; vama nya tshivba umo nya livelego lawe, matshiguni ya Dhavhidhe, tengo wawe a diri magumavili na mavili magumi ni livbandre na limwedo mazana vama (22.600).

1 Dzikoronika 7:40

Vatshavbo vava va diri livelego la Aseri, vathangeli nya dzinyumba dza babe wawe, vama nya dzindrena nya tshivba, va hathidwego guya dwana nyimbi, vathangeli nya dzindruna, na va lovedwe khu longoloko nya mavelego yawe; tengo wawe wu diri magumavili na livbandre na limwedo magumi mazana (26.000) vama nya gu dzi kodze gu soma matshari va ya nyimbitunu.

2 Dzikoronika 32:25

Aholu Ezekhiya kha kodza gu bweledza wuwadi a giredwego khu Pfhumu Nungungulu, khu kotani nya gu dzi khusedze nya monyo waye. Khavbo avbo, gu dita likhulo nya likhongolo avbo gwaye, ga Judha ni vathu va Jerusalema.

Ekisodha 7:3

Aholu, eni nyi na bangisa monyo wa Faro; nyi fela gu engedzela siwoniso ni siliwugiso sangu tigoni ga Egipito.

Ezekiyeli 14:9

Aholu muprofeti a gu kanganyiswa, a profeta gilo nya gukari, eni kheni Pfhumu Nungungulu nyi nga phazamisago muprofeti yoyo, nyi na thawuludza gyandza gyangu nyi mu fuvisa, vbakari ga vathu vangu va na Israyeli.

Ezekiyeli 20:25

Khu kotani nya isoso, nyi va ningide sileletelo nyamba sadi, ni milayo yi gumba va ninga guvbanya;

Levhi 10:6

Mosi a di embela Aroni ni sanana saye, Eliyazari ni Itamari, khuye: “Mu nga vbalulini ndzudzu mu pferula dzingandzu dzanu mwendro gumba samula, kholu mwa gu gira kharato, mu nafa, mu wusa likhulo la Pfhumu Nungungulu li vbisela tshangano watshavbo. Digani vandriyanu ni ndranga ya Israyeli va lila vale Pfhumu Nungungulu a va mbembisidego khu nilo.

Mitengo 1:19

Mosi a di va lovela giwulani ga Sinayi, kha nga idzo a nga leletedwago khidzo khu Pfhumu Nungungulu.

Mithumo 4:28

vafela gu gira esi u nga si dongisela khu gale khu tshivba ni guti gwago.

2 Vatesalonika 2:11

Khu guralo, Pfhumu a di va diga va fumwa khu tshivba nya gukanganyise, eyi yi va yisago gukhodwani nya malipha.

Valamuli 2:14

Khu guralo, Pfhumu Nungungulu a di gorogela va na Israyeli, a gu va ningela mandzani nya vaphangi, va va phanga, bwelo khavbo, a va ningela mandzani ga valala, va tandrega ni gu ema mbeli gwawe.

Valamuli 2:20

Khavbo avbo, Pfhumu Nungungulu a di gorogela vathu va na Israyeli, a va embela, khuye: “Olu mu fanyidego gidzumeledzwano nyi hungidego ni vababe vanu, ni gumba yingisa lito langu,

1 Samuweli 26:19

Gasi olu, uwe mufumeli mune wangu, nyi ngu gu lomba u yingise magana ya githumi gyago; a gu bani nari Pfhumu a gu kutsedzelago gu dwana ni eni, Uye a na dzumele nyi mu girela ningelo nya phaso nya guhodza; aholu a gu bani nari vathu, va na vadwe mbeli ga Pfhumu Nungungulu; kholu avo muhuno va nyi tutumiside gasi eni nyi si hakhi gipandre nya thomba ya Pfhumu Nungungulu, va nyi embela, khavo: Indra uya thumela vambe vanungungulu.