2 Samuweli 23:5 - Bhibhiliya Nya Guage

⁵ Wufumu wangu wu khalegide gwadi mbeli ga Nungungulu. Kholu uye giride ni eni gidzumeledzwano nya gupindruge, gidzumeledzwano gi tumbegidego gi dongisedwego gwadi. Uye a na nyi gira nyi dugelela ga satshavbo a nyi ninga satshavbo nyi si vbwetago.

2 Samuweli 23:5 Iomraidhean Croise

Genesi 9:16

Avbo gialakanyiso gi na gu wonegago mapfhini, eni nyi na khedzisa nyi gu dundruga pwanano yoyu nya gupindruge, nyi wu giridego ni sivangwa satshavbo nya guvbanye mafuni.”

2 Samuweli 12:10

Khu guralo, litshari gima kha li na nga duga nyumbani gwago, kholu u nyi yeyiside, u dzega ngadza Uriya, nya Muhiti, a khala mwangadzi wago.

2 Samuweli 13:14

Aholu uye kha nga vbweta gu mu yingisa iso a nga bani na gu ganela, kha nga a nga bani nari ni tshivba gu vbindra uye, a di mu pfinya a lala naye.

2 Samuweli 13:28

Abhisalamo a di leletela madzaha yaye, khuye: Khedzani gwadi, gikhati monyo wa Amoni wu na gu bani wu tsakide khu wadwa, eni nyi na mi embelani, kheni: Songani Amoni, enu mu songeni nyambana hwanga, kholu kheni nyi mi rumago! Tiyani mu khale vama nya dzindrena.

2 Samuweli 18:14

Khavbo avbo, Jowabhi a di mu hakha, khuye: “Kha nyi vbweti gu luza gikhati khu mahungu yago avba.” Khu guralo, a di dzega matshari mararu aya paya khayo monyo wa Abhisalamo, na nga gu vbanya vbatshani nya nguhu.

2 Samuweli 7:12

Matshigu nya guvbanye gwago ma gu vbela, uya lala ni vavelegi vago, Eni nyi na emisa hwane gwago, mwanago oyu a na dugago khu mahembeni gwago, nyi na tiyisa mufumo waye.

2 Samuweli 7:18

Khavbo avbo, mufumeli Dhavhidhe a di bela aya khala Nyumbani ga Pfhumu Nungungulu, khuye: “Na nyiri mani eni Pfhumu Nungungulu, ni nyumba yangu yi ngava ya ginani nya gukala u nyi resa avba?

1 Dzipfhumu 1:5

Khavbo avbo, Adhoniya, mwamana wa Hagiti, a di khuga na tade khu matshandza a ganela, khuye: “Eni kheni nyi na fumago.” A di dongisela dzikareta ni vakhileli nya dzikavalu, ni livbandre magumi vama, gasi avo va tutuma mbeli gwaye.

1 Dzipfhumu 11:38

Wa gu yingisa satshavbo nyi na gu rumago, u gimbila khu dzindzila dzangu, u thuma mithumo nya gululame mbeli gwangu, u sayisa milayo ni sileletelo sangu, kha nga idzo a giridego githumi gyangu Dhavhidhe, Eni nyi na bani nyiri nago, nyi na gu vbahela nyumba yi tiyidego, kha nga nyi vbahedego Dhavhidhe, ni gu gu ninga Israyeli.

1 Dzipfhumu 12:14

A di va hakha kha nga idzo a nga embedwago khidzo khu madzaha, khuye: “Babe wangu lemedzide rwalo wanu, aholu eni nyi nga na gu wu engedzela gambe gulemela; babe wangu, a mi tsayiside khu mapitso, aholu eni nyi na mi tsayisa khu dzihume.”

Dzindzimo 111:9

Uye dzegiside vathu vaye; a gira navo gidzumeledzwano nya gupindruge; lina laye li agide li ngu thavisega.

Dzindzimo 119:81

Hefemulo wangu wa gu khedzisela guvbanyisa gwago; kholu eni nyi ngu tumba magana yago.

Dzindzimo 27:4

Gilo gimwegyo basi nyi lombago ga Pfhumu Nungungulu, nyi gi dogorelago khu monyo wangu watshavbo: Khu gu khala Nyumbani ga Pfhumu Nungungulu matshigu yatshavbo nya guvbanye gwangu, nyi fela gunengela khu gutshamba ga Pfhumu Nungungulu ni gu alakanya Nyumba yaye.

Dzindzimo 62:2

Khuye basi a nyi vbanyisago ni gu nyi vhikela, kha nyi na padwa kholu khuye wuthavelo wangu.

Dzindzimo 89:3

Uwe u di khuwe: Nyi giride gidzumeledzwano ni gihathwa gyangu, nyi sambanya ga Dhavhidhe, githumi gyangu, kheni:

Isaya 11:1

Khu tshinani ga Jese, gu na thunga litamo, khu mikhambani gwaye, gu na buga pfhundre.

Isaya 27:6

Ma nguta matshigu, avbo Jakobe a na bugago mikhamba, Israyeli a nyuga a thela wenge, a tadza tigoni gwatshavbo khu mihandro.

Isaya 4:2

Khu litshigu lile, lithungedwa la Pfhumu Nungungulu li na tala khu wumburi ni wuzundzo; mihandro nya mafu, yi na bani yiri matshandza ga va na Israyeli va na vbulugago.

Isaya 54:10

Kholu sigomo si na siguga, sigomwana si tsekatseka, aholu lihaladzo nyi gu nalo nago, gima kha li na duga avbo gwago; ni pwanano nya gurule gwangu, kha wu na duswa avbo gwago, khiso a ganelago Pfhumu Nungungulu a gu pwelago gisiro.

Isaya 55:3

Neredzani dzindzeve mute eno gwangu; nyi yingiseni gasi mihefemulo yanu yi mana guvbanya; kholu nyi na hunga nanu gidzumeledzwano nya gupindruge, nyi mi ninga wuhigo nya gusimame owu nyi tumbisidego Dhavhidhe.

Isaya 61:8

Kholu eni, Pfhumu Nungungulu, nya gu gola gululama, nyi venga wuvafa ni malipha; nyi na va ninga khu gutumbega tshatshazelo yawe, bwelo khavbo nyi hunga navo gidzumeledzwano kala gupindruga.

Isaya 7:14

Khu guralo, Pfhumu kamwe a na gu ninga giwonegiso gimwegyo a gu egi: “Nyamahegyane nya likendzi a na khura mimba a velega gyanana nya gikhwathana, a na gi riyago lina nya gupwani Emanuweli.”

Jeremiya 32:40

Nyi na gira navo gidzumeledzwano nyamba vbela, gambe kha nyi na diga gu va kategisa; nyi na thela myonyoni gwawe mapimo nya gu nyi ninge githawo gasi va si hambani ni Eni.

Jeremiya 33:21

kharato gambe gu na kodzega gu hambanisa gidzumeledzwano gyangu ni Dhavhidhe, githumi gyangu, khu magirelo yoyo, gasi khu melegoni gwaye gu si manegi gambe gitugulwana nya gukhale vbagikhalotunu gwaye nya wufumu; gambe gu di hadza gu hambaniswa gidzumeledzwano gyangu ni va na Levhi, a gu vaphasi nya mhamba, va nyi thumelago.

Ezekiyeli 37:26

Nyi na hunga navo gidzumeledzwano nya pwanano; gi na bani giri gidzumeledzwano nya gupindruge. Nyi na va tiyisa ni gu va andrisa, nyi na vega nyumba yangu nya miphaso vbakari gwawe, kala gupindruga

Amosi 9:11

Khu litshigu lolo, nyi na wusa gambe tshatsha wa Dhavhidhe wu thegidego. Nyi tshikedzela malufa yaye, nyi wusa marumbi yaye. Nyi na wu vbahedza nga idzo wu nga bani ma romo khidzo khu gale;

Mithumo 13:34

Edzi nya gupwani Nungungulu a na mu wusa, ni gupwani gima kha na nga wona guhina, khiso si nga ganedwa umo nya milowo, yi gu, khiyo: ‘Nyi na tadzisela avbo gwanu situmbiso nya guage nyi na gira ga Dhavhidhe.’

Vahebheru 13:20

Khu guralo, Nungungulu nya gurule, khu novba nya gidzumeledzwano nya gupindruge wuside khu ga vafudego Pfhumu yathu Jesu Kristo, a khadego Muhavisi nya khongolo nya tshambi.

Vahebheru 6:19

Gutumba gogu hi nago kha nga giwindri nya gutiye ni gulemela, nya gurikise guvbanya gwathu gu bela kala ndzadzini, vbagikhalotunu nya wufumu wa Nungungulu.

1 Samuweli 2:35

Eni nyi na emisa muphasi nya mhamba a tumbegidego, a na girago satshavbo si na godwago khu monyo wangu ni hefemulo wangu; nyi na mu girela nyumba nya gutiye, uye a na vbanya gikhati gyatshavbo mbeli ga uye a todzidwego khu mafura yangu kala gupindruga.

1 Samuweli 25:28

Nyi ngu lomba u tsetselela nandru wa eni githumi gyago nyi wu giridego, kholu khu lisine furi, Pfhumu Nungungulu, a na tiyisa nyumba ya mune wangu, kholu wa gu dwana dzinyimbi dza Pfhumu Nungungulu, gu mwalo guvivba gu nga manwago avbo gwago khu ga matshigu yago yatshavbo.