2 Samuweli 23:23 - Bhibhiliya Nya Guage

²³ Vbakari nya ava nya magumararu, uye a diri ni wuzundzo nya wukhongolo; aholu, ga avo nya vararu nya guhegule kha vboha. Dhavhidhe a di mu emisa gu khala muthangeli nya hudzwe yaye.

2 Samuweli 23:23 Iomraidhean Croise

2 Samuweli 20:23

Jowabhi a diri muthangeli nya nyimbi yatshavbo ya na Israyeli, gasi Bhenaya, mwamana wa Joyadha, a di emisidwe gu thangela Vakereti ni Vapeleti.

2 Samuweli 23:22

Silo sesi si giridwe khu Bhenaya, mwamana wa Joyadha, a manidego ndruma vbakari nya dzindrena dzitharu.

2 Samuweli 23:24

Vbakari ga ava nya magumararu, a di romo Asayeli ndruye wa Jowabhi: Elanani, mwamana wa Dhodho, wa Bhetlehema,

2 Samuweli 8:8

Mufumeli Dhavhidhe a di dzega gambe tengo nya wungi ngudzu nya sugu madhoropani ya Bhetani ni Bherotayi, ma nga bani ma gu lumba Hadhadhezeri.

1 Dzikoronika 27:6

Khuye Bhenaya yoyu, mwama nya tshivba ni muthangeli wawe, vbakari ga avo nya magumararu; tsawa waye wu di thangedwa khu mwanaye Amizabhadhi.

Muhevbudzi 4:12

Muthu a gu bani ari uye enga a ngu padwa khu gighevenga, aholu va gu bani vari vavili va ngu gi tutumisa; lidzoke li vboridwego li bhanywa khu dzingodzi dzitharu kha li kavigi khu guvbiredza.

1 Samuweli 22:14

Ayimeleki a di hakha mufumeli, khuye: “Khu wevbini vbakari nya sithumi sago satshavbo a tumbegidego guvbindra Dhavhidhe, mwane wa mufumeli, muthangeli wa vavhikeli vago a zundzegago ngudzu ndrangani gwago, na?”