2 Samuweli 23:17 - Bhibhiliya Nya Guage

¹⁷ A ganela, khuye: “Ama Pfhumu Nungungulu, nyi ngu lomba gukheni si nga manegi vbafuvbi gwangu silo nya nga esi! Ina nyi ngu dzi kodza gu sela novba wa vama va ningedego womi wawe, gani?” Khavbo avbo, uye kha nga sela. Silo sesi, si di girwa khu dzindrena dza dzitharu.

2 Samuweli 23:17 Iomraidhean Croise

Genesi 44:17

Josefa a di phindrula, khuye: “Eni nyi womo hwindzo ngudzu nya gugire isoso! Lidzaha li manidwego ni gikombe gyangu, khuye kamwe a na khalago khumbi yangu. Gasi enu, bwelelani khu gurula ga babe wanu.”

Genesi 9:4

Aholu, nyama mu nga yi hodzini nyamba phela khu gu yi dusa novba wakone, kholu novba womi.

2 Samuweli 20:20

Khavbo avbo, Jowabhi a di hakha a mu embela, khuye: “Si na manege hwindzo ni eni gu khungumula ni gu mbembisa!”

1 Dzipfhumu 21:3

Aholu, Nabhoti a di embela Akabi, khuye: “Pfhumu a na nyi tsetselele, kholu eni kha nyi dzi kodzi gu gu ninga thomba ya vababe vangu.”

1 Dzikoronika 11:19

A di ganela, khuye: “Si na manege hwindzo gwangu, gu gira silo nya nga esi; ina eni nyi ngu yela gu sela novba wa vathu vava va nga dzega womi wawe va wu yisa mhangoni, gani?” Kholu va nyi resede mati yaya khu gu ningela womi wawe. Khidzo nyi ngamba dzumela khidzo gu sela. Khiso esi si nga girwago khu dzindrena dza dzitharu.

Dzindzimo 72:14

A ngu tshula wugumbini avo va tshaniswago ni gu ghevengwa, kholu novba wawe wu na ni lisima gwaye.

Levhi 17:10

“Gani khu wevbini muthu wa nyumbani ga Israyeli, mwendro valuveli va vbanyago vbakari gwawe, a na hodzago novba, gani lifumbu muni, nyi na mu wugela muthu yoyo a hodzago novba, nyi mu fuvisa vbakari nya vathu vaye.

Matewu 26:28

Kholu owu novba wangu, novba nya gidzumeledzwano giphya wu na vbaladzedwago va nya gutala, gasi gutsetseledwa sighoho.

Marko 14:24

a di va embela, khuye: “Owu novba wangu; novba nya gidzumeledzwano nya giphya, wu na vbaladzedwago va nya gutala.

1 Vakorinto 15:30

Ina ambari ethu kha hi ngu manega dzimhangoni gikhati gyatshavbo, gani?

Valamuli 5:18

Zebhuloni litigo nyamba thava gufa, kha nga nuye Nafitali, musigomoni sa khabini.

1 Samuweli 2:30

Khu kotani nya isoso, upwani esi a ganelago Pfhumu Nungungulu wa Israyeli, wari, khuye: Eni nyi di ganede ga ndranga ya babe wago ni ndranga yago, gukheni va na nyi thumela kha nga vaphasi nya mhamba kala gupindruga. Olu Pfhumu Nungungulu a ngu ganela, khuye: Kha si na simama. Kholu avo va nyi zundzago, nyi na va zundza neni, aholu avo va nyi kanyisago va na thedwa dzitshoni.

1 Samuweli 26:11

Pfhumu Nungungulu a na ndreyise gu khusa gyandza gyangu nyi songa uye a todzidwego khu mafura khu Nungungulu; gasi olu, dzega litshari li khadego mihungoni gwaye gumogo ni ngoto nya mati, hi hongole.”