2 Samuweli 22:51 - Bhibhiliya Nya Guage

⁵¹ Uye a ngu ninga gupala mufumeli waye, a ngu phara gihathwa gyaye khu lihaladzo, khu kotani ya Dhavhidhe ni sanana saye kala gupindruga.”

2 Samuweli 22:51 Iomraidhean Croise

2 Samuweli 22:2

Dhavhidhe a di ganela, khuye: “Pfhumu Nungungulu giwindri ni likhokhola langu, khuye muvbanyisi wangu;

2 Samuweli 23:1

Magana nya guhegise ya Dhavhidhe, khaya: “Magana ya Dhavhidhe, mwamana wa Jese, magana ya muthu a khusegidego, a todzidwego wa Nungungulu wa Jakobe, muembeleli nya dzindzimo dza na Israyeli.

2 Samuweli 7:16

Ndranga ni mufumo wago, si na simama kala gupindruga mbeli gwangu. Ni gikhalo nya wufumu wago gi na simama kala gupindruga.”

Dzindzimo 144:10

Khuwe u ningago tshivba nya gupale vafumeli, u vbulugisa githumi gyago Dhavhidhe, gu songwa khu litshari la valala.

Dzindzimo 18:50

Uye khuye a ningago gupala mufumeli waye, gambe a ngu yeyedza lihaladzo ga wule a mu hathidego, khu kotani ya Dhavhidhe ni sanana saye kala gupindruga.

Dzindzimo 21:1

Mufumeli a ngu nengela khu tshivba yago; Pfhumu Nungungulu, a ngu tsaka khu guvbanyisa gwago! Kholu u mu ningide gupala.

Dzindzimo 3:3

Aholu, uwe Pfhumu Nungungulu, u gitshangu gyangu, khuwe wuzundzo wangu, khuwe u nyi khusedzago.

Dzindzimo 48:3

Dzinyumbani gwawe nya wufumu, Nungungulu a ngu dzi wonegisa kha nga wuthavelo.

Dzindzimo 89:20

Nyi mane githumi gyangu Dhavhidhe; nyi mu todzide hungoni khu mafura yangu nya gukatege.

Dzindzimo 89:24

Nyi na tiyisa gwaye gutumbega ni lihaladzo langu; khu lina langu nyi na dandrisa mufumo waye.

Dzindzimo 89:26

Uye a na nyi embela, khuye: “Uwe u babe wangu, u Nungungulu wangu, u muvhikeli ni muvbanyisi wangu.”

Dzindzimo 89:29

Lihundzu lawe li na simama kala gupindruga, mufumo waye wu tiya kha nga ndzadzini.

Dzindzimo 89:36

Situgulwana saye si na vbanya kala gupindruga, gikhalo nya wufumu waye gi na simama mbeli gwangu kha nga lidambo,

Dzindzimo 91:2

a na rungudza Pfhumu Nungungulu, khuye: Uwe Nungungulu wangu, u wuthavelo wangu, u likhokhola langu, U Nungungulu wangu nya gu gutumbe.

Jeremiya 30:9

“Va na thumela Eni Pfhumu Nungungulu wawe, va thumela gambe Dhavhidhe, mufumeli wawe, uye nyi na gu mu hathago vbakari gwawe.”

Gutuledwa 11:15

Ngilozi nya livbandre na dzimbili yi di womba pundru. Khavbo avbo, gu di pwala ndzadzini na va gu kulungela khu tshivba, khavo: “Olu, Mufumo nya litigo wa gu lumba Pfhumu yathu, ni Kristo a na fumago kala gupindruga nya gupindruge.”