2 Samuweli 22:49 - Bhibhiliya Nya Guage

⁴⁹ Uwe u ngu nyi vbulugisa ga valala vangu va tadego khu likhulo, u nyi khusedza ga vale va nyi wugelago u nyi tshudzisa ga vathu nya dzihanyi.

2 Samuweli 22:49 Iomraidhean Croise

2 Samuweli 18:31

Muetiyopi a di vboha ata mu embela, khuye: “Nya guta tivisa mahungu nya yadi ga mufumeli, mune wangu. Muhuno Pfhumu Nungungulu, a gu phodzede tshivbani ga vale va nga gu wugelago.”

2 Samuweli 5:12

Khavbo avbo, Dhavhidhe a di pima gukhuye Pfhumu Nungungulu a mu tiyiside gu khala mufumeli wa Israyeli, ni gu khusedza mufumo waye khu kotani nya lihaladzo ni vathu vaye.

Dzindzimo 140:1

Pfhumu Nungungulu nyi vbulugise ga vathu nya guvivbe, nyi vhikele ga vathu nya sighevenga;

Dzindzimo 140:4

Nyi vhikele Pfhumu Nungungulu mandzani ya va nya guvivba; nyi vhikele ga vathu nya sighevenga, va lugago makungo nya gu nyi these vbavbatshi.

Dzindzimo 18:48

Uwe u ngu nyi vbulugisa ga valala vangu va tadego khu likhulo, u nyi khusedza ga vale va nyi vengago, u nyi tshula ga muthu nya dzihanyi.

Dzindzimo 44:5

Khu tshivba yago hi vetide valala vathu; khu lina lago hi gandredzela khu migondro vatshanisi vathu. Avo va nga bani va hi wugela.

Dzindzimo 52:1

Khu ginani u dzi zundza khu mithumo yago nya guvivbe, uwe u gu ni tshivba? Kholu wuwadi wa Nungungulu wu ngu simama kala gupindruga.

Mitengo 24:7

Khu sifefeni gwawe gu na khulunga mati, ni wulime wawe wu na naganiswa khu mati nya gutale. Mufumeli wawe a na khusega guvbindra Agagi, ni mufumo waye wu na bani wuri ni tshivba.

1 Samuweli 2:8

A ngu khusa gisiwana umo nya kudzudzwane ni gu dusa wusiwanani muhamugi, gasi gu va khadzisa gumogo ni dzipfhumu; ni gu va ninga thomba nya gikhalo nya wudhumo; kholu siseketelo nya mafu khya Pfhumu Nungungulu, vbatshani nya iso, handzegide litigo.