2 Samuweli 22:4 - Bhibhiliya Nya Guage

⁴ Nyi ngu lila ga Pfhumu Nungungulu, a fanedego gu rungudzwa, nyi ngu vbanyiswa ga valala vangu.

2 Samuweli 22:4 Iomraidhean Croise

2 Dzikoronika 20:22

Avbo va nga phela gu embelela ni gu kulungela va dhumisa Nungungulu, Uye Pfhumu a di varamela khu hwane ga na Amoni ni ga na Mowabhi ni avo va nga bani va romo khu gigomoni gya Seyiri, va ngatago guta dwana ni va na Judha, vatshavbo va di sasedwa.

Nehemiya 9:5

Aholu va na Levhi Jesuwa, Kadimiyeli, Bhani, Hasabhineya, Serebhiya, Bhani, Hodhiya, Sebhaniya ni Petaya va di ganela, khavo: “Khugani hi rungudza Pfhumu Nungungulu wathu, khu gupindruga kala gupindruga. Avo va di ganela, khavo: Li na bongwe lina lago li zundzegago, li kategidego ni guvbindra gudhumiswa gwatshavbo.”

Dzindzimo 106:2

Khu mani a na tshamuselago mithumo ya tshivba ya Pfhumu Nungungulu? Khu mani a na pwadzago wuzundzo waye watshavbo?

Dzindzimo 116:13

Nyi na khusedza gikombe nya guvbanyise, nyi rana lina laPfhumu Nungungulu.

Dzindzimo 116:17

Nyi na gu ninga miphaso nya gubonge, nyi na lombelela linani la uwe Pfhumu Nungungulu.

Dzindzimo 116:2

Kholu neredzidego dzindzeve dzaye a nyi yingisa; nyi na lombelela gwaye matshigu yatshavbo nya guvbanye gwangu.

Dzindzimo 116:4

Aholu nyi di rana lina la Pfhumu Nungungulu, kheni: “Pfhumu Nungungulu, gira wuhindzi u nyi vbanyisa.”

Dzindzimo 18:3

Eni nyi di rana Pfhumu Nungungulu, a gu ni fanelo nya gurungudzwe, a na nyi vbanyisa ga valala vangu.

Dzindzimo 34:6

Gisiwana gi di lila, Pfhumu Nungungulu a gi yingisa, a gi vbulugisa sigaradzoni saye satshavbo.

Dzindzimo 48:1

Pfhumu Nungungulu khongolo, a ngu yela gu rungudzwa ngudzu, dhoropani ga Nungungulu wathu.

Dzindzimo 50:15

Nyi rane litshigu nya sigaradzo; eni nyi na gu vbanyisa, uwe u na nyi dhumisa.”

Dzindzimo 55:16

Khu guralo, eni nyi na lombelela ga Nungungulu, Pfhumu Nungungulu a na nyi vbulugisa.

Dzindzimo 56:9

Litshigu nyi na gu gu lombago gu nyi phasa, valala vangu va na bwelela hwane va thava; eni nyi ngu dziti gwadi gukheni Nungungulu a na ni eni.

Dzindzimo 66:2

Embani dzindzimo nya gukhusedze lina laye, yeyedzani githawo khu gu mu dhumisa!

Dzindzimo 96:4

Kholu Pfhumu Nungungulu khongolo fanede gu dhumiswa, fanede gu ningwa githawo guvbindra vanungungulu vatshavbo.

Varoma 10:13

Kha nga yi ganelago Milowo, khiyo: “Muthu watshavbo a khodwago ga Pfhumu a na vbanyiswa.”

Gutuledwa 4:11

“Pfhumu Nungungulu wathu, u ngu yedwa khu gu hakha gidhumo, ni rungudzo ni tshivba, kholu khuwe Muvangi nya silo satshavbo; khu gudzina gwago u si vangide ni gu si tumbulugisa.”

Gutuledwa 5:12

Va di gu emba khu lito nya gukhugege, khavo: “Nvutana yi nga songwago yi fanede gu ningwa mufumo, wurendra, guti, tshivba, rungudzo, gidhumo ni wuzundzo.”