2 Samuweli 22:28 - Bhibhiliya Nya Guage

²⁸ Kholu uwe wa gu vbanyisa va nya gusolega u tshisa vbavbatshi va nya matshandza.

2 Samuweli 22:28 Iomraidhean Croise

Dzindzimo 12:5

Kholu Pfhumu Nungungulu a di khuye: “Olu nyi na khuga nyi ema, kholu va nya gusolega va ngu saniswa, sisiwana si ngu keta khu wuvi nyi na va resela guvbanyiswa va gu vbwetago.”

Dzindzimo 131:1

Pfhumu Nungungulu, monyo wangu kha wu dzi gugumugisi, ambari maho yangu gu dzi khusedza; kha nyi gimbili nyi vbweta silo nya sikhongolo, ambari silo nya gu samadzise ngudzu gwangu.

Dzindzimo 138:6

Ambari ulo Pfhumu Nungungulu a guromo vbatshani ngudzu, Uye a ngu yingisa avo va dzi sodzisago; va nya matshandza, a gu vati nari khu hwindzo.

Dzindzimo 140:12

Pfhumu Nungungulu, nyi ngu dziti gukheni u ngu lamulela gisiwana, u ngu lulamisa mahungu ya ava va hamugago.

Ekisodha 10:3

Khu kharati, Mosi ni Aroni va di ya ganela ni Faro, va mu embela, khavo: “Pfhumu Nungungulu wa Vahebheru, a ngu ganela kharati, khuye: “Kala lini na wu gu bomba gu dzi nogisa mbeli gwangu? Diga vathu vangu va hongola gasi va ya nyi thumela.

Ekisodha 18:11

Olu nyi ngu dziti gukheni Pfhumu Nungungulu khongolo guvbindra vanungungulu vatshavbo, kholu a va phalalegiside ga esi va nga bani va dzi gugumugisa khiso ni dzihanyi.”

Mavingu 21:4

Maho nya gu dzi khusedze ni monyo nya matshandza, mwenge wa va nya guvivbedwa khu monyo, gambe si ngu va ghohisa.

Isaya 2:17

Khu litshigu lolo, vathu va dzi khusedzago va na thedwa dzitshoni, ni avo va dzi gugumugisago va na vbwasamiswa. Pfhumu Nungungulu khuye basi a na khusedzwago.

Isaya 37:23

Gasi khu mani u mu poyidego ni gu mu vala? Khu mani u mu khusedzedego lito ni maho yago nya gu dzi dandrise? U di girela Nyaguage wa Israyeli!

Isaya 5:15

Vathu vatshavbo va na theswa vbavbatshi, va nya guthavisega va na hembuludwa, ni maho ya vale va dzi khusedzago, ma na thedwa dzitshoni.

Isaya 63:9

Gutshanisekani gwawe gwatshavbo, uye a di tshaniseka gumogo navo, Ngilozi yi guromo mbeli gwaye, yi di va vbulugisa; a di va dzegisa khu lihaladzo ni gu va pwela gisiro, a va dzega, a va hetedza gukhugela matshiguni yawe yatshavbo ma vbindridego.

Matewu 5:3

“Si kategide sisiwana liphuvboni, kholu khwawe Mufumo wa Ndzadzini.

Luka 14:11

Kholu watshavbo muthu a dzi khusedzago a na vbwasamiswa, gasi uye a dzi vbwasamisago a na khusedzwa.”