2 Samuweli 22:15 - Bhibhiliya Nya Guage

¹⁵ A di rinya sighalala saye a phalalegisa valala vaye, a di va tutumisa khu gulasa gwaye.

2 Samuweli 22:15 Iomraidhean Croise

Dzindzimo 18:14

A di rinya sighalala saye a va phalalegisa, a di va tutumisa khu gulasa gwaye.

Dzindzimo 45:5

Siholoma sago si lodzidwe, si ngu hekha monyo wa valala va Mufumeli; mayigo yatshavbo ma nguta khoza avbo gwago.

Habhakuka 3:11

Lidambo ni ngima si di ema malangani gwaye, si dzimeledwa khu gukhedziga nya sighalala, ni guvbyuga nya matshari yago nya gukhedzige.

Dhewuteronome 32:23

Nyi na wungedzela gwawe mabango nya mangi, nyi na vbedza siholoma sangu khu gu va khwandrela.

Josuwa 10:10

Pfhumu Nungungulu a di va tadza khu hwanga mbeli ga va na Israyeli, va dwana navo va sasedwa khu va na Israyeli vbafuvbi ni Gibheyoni, va va lundra khu ndzila yiyago Bheti-Horoni, a va sasela kala Azeka ni Makedha.

1 Samuweli 7:10

Samuweli na nga gu ningela phaso nya guvbiswe, Vafilisitiya va di vboha vata dhumela va na Israyeli; Aholu Pfhumu Nungungulu a di pandra mabara nya tshivba litshigu lolo, Vafilisitiya va di hambanega wongo, va padwa va tutuma mbeli ga va na Israyeli.