2 Samuweli 22:14 - Bhibhiliya Nya Guage

¹⁴ Pfhumu Nungungulu a di pandra mabara khu ndzadzini, Oyu a Khusegidego ngudzu a di pwadza lito laye.

2 Samuweli 22:14 Iomraidhean Croise

Joba 40:9

U na ni tshivba yi fananago ni ya Nungungulu, gani? Lito lago li ngu kodza gu zindza gu fanana ni lito laye, gani?

Ekisodha 19:6

Enu mu na khalani litigo nya vaphasi nya mhamba, litigo li agidego. Aya khu magana u na ya embelago sanana sa Israyeli.”

Isaya 30:30

Pfhumu Nungungulu a na pwadza lito laye nya wudhumo, ni gu wonegisa tshivba nya libogo laye. A na li reledza na tade khu giviti ni likhulo, ni nilo nya gumbembise, gulasa ni ndzadzi nya talo, ni phuvbo nya gingulu, ni siwindri nya maralala.

Ezekiyeli 10:5

Ligwaha nya mambapi nya dzikerubhimi, li di pwala kala likupakupani la vbavbandze, kha nga lito la Pfhumu Nungungulu nya Tshivba Yatshavbo, gikhati a ganelago.

Gutuledwa 11:19

Khavbo avbo, Nyumba ya Nungungulu a guromo ndzadzini yi di tudwa, yi gu wonega Ngasa nya Gidzumeledzwano ndrani nya Nyumba ya Nungungulu, khu gikhati gyogyo, gu di lasa, gu pwala malito ni gu pandra mabara, gu duga girevareva, ni maralala.

Valamuli 5:20

Khu ndzadzini dzi di dwana dzinyeledzi, khu dzindzilani dzawe dza vbatshani dzi wugela Sisera.

1 Samuweli 2:10

Valala va Nungungulu va na pandreledwa; vbatshani gwawe, gu na pandra mabara khu ndzadzini. Pfhumu Nungungulu a na lamula mahegiso nya litigo; Uye a na ninga tshivba mufumeli waye, a na khusedza tshivba ya gihathwa gyaye.”

1 Samuweli 7:10

Samuweli na nga gu ningela phaso nya guvbiswe, Vafilisitiya va di vboha vata dhumela va na Israyeli; Aholu Pfhumu Nungungulu a di pandra mabara nya tshivba litshigu lolo, Vafilisitiya va di hambanega wongo, va padwa va tutuma mbeli ga va na Israyeli.