2 Samuweli 22:1 - Bhibhiliya Nya Guage

¹ Dhavhidhe a di embelela ga Pfhumu magana nya ndzimo yeyi, gikhati Pfhumu Nungungulu a nga mu vbulugisago mandzani ga valala vaye ni ga Sawule.

2 Samuweli 22:1 Iomraidhean Croise

2 Samuweli 12:7

Khavbo avbo, Natane a di embela Dhavhidhe, khuye: “Khuwe kamwe muthu yoyo!” Pfhumu Nungungulu wa Israyeli a ngu ganela kharati, khuye: Nyi gu todzide khu mafura, nyi gu emisa gu khala mufumeli wa Israyeli, nyi gu vbulugisa mandzani ga Sawule;

2 Samuweli 22:49

Uwe u ngu nyi vbulugisa ga valala vangu va tadego khu likhulo, u nyi khusedza ga vale va nyi wugelago u nyi tshudzisa ga vathu nya dzihanyi.

1 Dzikoronika 16:7

Khu litshigu lile kamwe, Dhavhidhe a di rwega thumo Asafi, gumogo ni vandriyaye, nya guembelele ndzimo yeyi nya gurungudze Pfhumu Nungungulu, khuye:

Dzindzimo 34:19

Sigaradzo nya muthu nya gululame singi ngudzu, aholu Pfhumu Nungungulu a gu mu vbulugisa ga satshavbo.

Dzindzimo 50:14

Ningela ga Pfhumu phaso nya gubonge, u landrisa sisambanyo u giridego ga Uye a Khusegidego ngudzu;

Ekisodha 15:1

Khavbo avbo, Mosi ni sanana sa na Israyeli va di emba ndzimo yeyi nya gurungudze Pfhumu Nungungulu, khavo: “Nyi na embelela ga Pfhumu Nungungulu a wonegisidego gidhumo gyaye nya gikhongolo: Rinyide phwani kavalu ni mukhileli wakone.

2 Vakorinto 1:10

Khuye a nga hi vbulugisa, a na simama gu hi vbulugisa gikhati gyatshavbo dzimhangoni nya gufe: Hi vegide Gwaye gutumba gwathu nya gukhethu a na hi vbanyisa.

Dhewuteronome 31:30

Khavbo avbo, Mosi a di ganela magana nya ndzimo yeyi dzindzeveni nya tshangano watshavbo wa na Israyeli kala ma vbela.

2 Thimoti 4:18

Pfhumu a na nyi vbulugisa guvivbani gwatshavbo, a na nyi ninga guvbanya Wufumuni gwaye wa ndzadzini. Wudhumo wu na ningwe Uye kala gupindruga. Amen.

Valamuli 5:1

Khu litshigu lolo, Dhebhora ni Bharaki, mwamana wa Abhinowamu, va di embelela ndzimo yeyi, khavo:

1 Samuweli 23:14

Dhavhidhe a di simama gu khala giwulani malangani nya likhokhola, a mana wuthavelo mavbalani nya gigomo gya Zifi. Khu litshigu ni litshigu Sawule a di gu mu vbweta, aholu Nungungulu kha nga ningela Dhavhidhe mandzani gwaye.

1 Samuweli 24:15

Pfhumu Nungungulu a na khale mulamuli vbakari gwangu ni uwe, a na nyi khedze, a wona mahungu yangu, a nyi lamula ni gu nyi vbulugisa mandzani gwago.”

1 Samuweli 25:29

Uye a na gu gu wugelago khu gu vbweta gu gu songa, womi wago wu na patwa gumogo navo va vbanyago ni Pfhumu Nungungulu wago; aholu uwo wa valala vago, wu na dzudzugwa hwindzo kha nga gindzoli.

1 Samuweli 26:24

Kha nga muhuno, guvbanya gwago gu manidego lisima mahoni gwangu, kharato nugo, womi wangu wu na mane lisima mahoni ga Pfhumu Nungungulu, a nyi vbulugisa gu sanisekani gwangu gwatshavbo.”

1 Samuweli 27:1

Khu guralo, Dhavhidhe a di pimisa khu monyoni gwaye, khuye: “Limbe litshigu nyi na tshukha nyi thegela mandzani ga Sawule; kholu, gimwalo nya gyadi nyi na gi girago vbavbandze nya guthavele tigoni ga Vafilisitiya; gasi Sawule a garala khu gu nyi landrelela ga sipandre satshavbo sa Israyeli; khu kharati nyi na vbuluga mandzani gwaye.”