2 Samuweli 21:9 - Bhibhiliya Nya Guage

⁹ Khavbo avbo, a di va ningela mandzani ga Vagibhiyoni, va ya va vbayega gigomoni, mbeli ga Pfhumu Nungungulu; ava nya livbandre na vavili, va difa gumogo, va songwa khu matshigu nya guhegule nya guvbwerwe mavbila.

2 Samuweli 21:9 Iomraidhean Croise

2 Samuweli 21:6

avbo nya sanana saye, hi ningeni livbandre na mavili madzaha hi ma vbayega mbeli ga Pfhumu Nungungulu, Gibheya wa Sawule, uye a hathidwego khu Pfhumu Nungungulu.” Mufumeli a di va hakha, khuye: “Nyi na mi ningani.”

2 Samuweli 6:17

Va di bedza Ngasa ya Pfhumu Nungungulu, va ya yi vega wulanga waye tshatshani wu nga bani wu dongisedwe khu Dhavhidhe; khavbo avbo, Dhavhidhe, a di ningela miphaselo nya guvbiswe ni miningelo nya gurule mbeli ga Pfhumu Nungungulu.

2 Samuweli 6:21

Aholu, Dhavhidhe a di embela Mikali, khuye: “Eni nyi di hana mbeli ga Pfhumu Nungungulu, Uye a nyi hathidego wulangani ga babe wago, ni ndranga yaye yatshavbo, a nyi emisa gu thangela vathu va Pfhumu Nungungulu, a gu va na Israyeli, nyi na ni fanelo gu tsaka.

Ekisodha 20:5

Khu na nga khidzima mbeli nya silo soso, gambe gima khu na nga si khozela, kholu eni kheni Pfhumu Nungungulu wago, nyi Nungungulu nya wufu, nyi ngu tsayisa sanana khu kotani nya gighoho gya vavelegi vawe kala gitugulwana nya wuraru negi nya wu na ga vale va nyi vengago.

Ekisodha 9:31

Wu di ghohetedwa wuluva wu nga bani wu thede senge, ni tirigu yi nga bani yi thede makonva.

Ekisodha 9:32

Aholu sivbila ni mala kha sa nga ghohetedwa kholu si di bani si si gu rumbugi.

Mitengo 25:4

Khavbo avbo, Pfhumu Nungungulu a di embela Mosi, khuye: “Tombanisa vathangeli vatshavbo nya vathu va na Israyeli, u va tshwedzisa mbeli ga Pfhumu Nungungulu, mulihanini, vafa na va gu wonwa khu vatshavbo va na Israyeli, mwendro saye Pfhumu Nungungulu a na bosa likhulo laye.”

Dhewuteronome 21:22

Muthu a gu ghoha, nandru nya guyele gu songwa, a gu lamudwa a konwa khu mahungu fanede gu ya songwa khu gu hungwa ngodzi a vbayegwa vbasimbotunu.

Rute 1:22

Khu guralo, Nowemi a di wuya ni ngadzamwane waye Rute, nya lifumbu la Mowabhi, na va gukhugela khu tigoni ga Mowabhi; va di vboha Bhetlehema guphelani nya fanyele sivbila.

1 Samuweli 15:33

Samuweli a di mu embela, khuye: “Kha nga olu litshari lago li nga songetela sanana sa vanyamayi nya vangi, Olu mayi wago nuye, a na tshala nyambana uwe.” Samuweli a di dzegela gu mu songa mbeli ga Pfhumu Nungungulu, dhoropani ga Giligali.