2 Samuweli 21:6 - Bhibhiliya Nya Guage

⁶ avbo nya sanana saye, hi ningeni livbandre na mavili madzaha hi ma vbayega mbeli ga Pfhumu Nungungulu, Gibheya wa Sawule, uye a hathidwego khu Pfhumu Nungungulu.” Mufumeli a di va hakha, khuye: “Nyi na mi ningani.”

2 Samuweli 21:6 Iomraidhean Croise

Genesi 40:19

Gu tshade matshigu mararu Faro a na rumela gu gu pila hungo, a gu vbayega vbasimbotunu, sinyoni si nata rothela nyama yago.”

Genesi 40:22

Gasi muthangeli nya vagiri nya mikati, Faro a di ruma gukhuye va mu hunge ngodzi va mu tshwedzisa, kha nga idzo a nga bani a ganede khidzo Josefa.

2 Samuweli 17:23

Avbo Ayitofeli a nga wonago gukhuye makungo yaye kha ma landriswa, a di ghabhatisa buru yaye, a khuga a hongola dhoropani gwawe. A di mana sileletelo satshavbo sa ndrangani gwaye; khu hwane aya dzi hunga afa, a dzingwa thowoni ga babe waye.

2 Samuweli 18:10

Mwama moyo a di mu wona aya tivisa Jowabhi, khuye: “Nyi wonide Abhisalamo na tsikede vbatshani nya nguhu.”

2 Samuweli 19:28

Kholu ndranga yatshavbo ya babe wangu, vathu va fanedwago khu gufa mbeli ga mufumeli ni mune wangu, ambari khu kharato, u vegide githumi gyago vbakari nya avo va hodzago vbamezatunu gwago; i fanelo muni gambe nyi yelago gu lomba eni ga mufumeli?”

1 Dzikoronika 12:3

Muthangeli wawe, a diri Ayezeri, ni Jowasi, sanana sa Semaha, wa dhoropani ga Gibheya; Jeziyeli ni Peleti, sanana sa Azimaveti, ni Bheraka ni Jewu, nya Muanatoti;

Ezira 6:11

Eni nyi ngu leletela gambe gukheni: Muthu watshavbo wule a na ndragago sileletelo sesi, wu na sigudwa simbo wa nyumbani gwaye wu ta tsitswa gasi a vbahedwe avbovbo ni ndranga yaye yi na vbindrugedzwa yi khala litala.

Matewu 27:5

Khavbo avbo, Judha a di rinya singerengere sile ndrani nya Nyumba ya Nungungulu, a gu hongola aya tshwedza.

Mithumo 13:21

Khavbo avbo, va di lomba mufumeli, Nungungulu a di va ninga Sawule, mwamana wa Khisi, nya lihundzu la Bhejami, a nga va fumela gipimo nya magumana myaga.

Dhewuteronome 21:22

Muthu a gu ghoha, nandru nya guyele gu songwa, a gu lamudwa a konwa khu mahungu fanede gu ya songwa khu gu hungwa ngodzi a vbayegwa vbasimbotunu.

Josuwa 10:26

Josuwa na ganede esi, a di ruma gukhuye va songwe va vbayegwe vbatshani nya livbandre misimbo, avbo va nga khalago kala vbasilambotunu.

Josuwa 8:29

Josuwa a di rumela gu va vbayega mufumeli wa Ayi vbasimbotunu va mu diga avbovbo kala ni silambo gupfolani nya lidambo; khu guruma ga Josuwa, va di dusa girumbi vbasimbotunu va ya gi dzudzuga vbafuvbi ni nyangwa nya lidhoropa, vbatshani gwaye va di wungedzela gigomo nya siwindri, gi nga guromogo kala na muhuno.

1 Samuweli 10:1

Samuweli a di dzega gigasi nya mafura, a ma guhula hungoni ga Sawule, a mu bhejari a mu embela, khuye: “Pfhumu Nungungulu a gu todzide khu mafura gasi gu khala muthangeli vbakari nya thomba yaye, vathu va Israyeli!

1 Samuweli 10:24

Khavbo avbo, Samuweli a di embela vathu vatshavbo, khuye: Mu ngu mu wonani uye a hathidwego khu Pfhumu Nungungulu, gani? Kholu ga vathu vatshavbo mwalo a fananago naye. Khavbo avbo, vathu vatshavbo va di kulungela khu gutsaka, khavo: “A na vbanye mufumeli!”

1 Samuweli 10:26

Sawule nuye a di bwelela gaya gwaye, tigoni ga Gibheya, na gu bangaladzwa khu vama nya masotshwa, avo myonyo yawe yi nga khumbwa khu Nungungulu.

1 Samuweli 11:4

Myango yi di vboha kala Gibheya iyo a nga bani na gu manegela iyo Sawule, va di tivisa mahungu yaya ga vathu va tigoni. Khavbo avbo, vathu va di lila va womba dzihuwa.

1 Samuweli 24:21

Khu guralo, sambanya khu Pfhumu Nungungulu gukhuwe khu na fuvisa livelego langu, ambari gu fuvisa ni lina langu, nyumbani ga babe wangu.”

1 Samuweli 24:22

Khavbo avbo, Dhavhidhe a di sambanya ga Sawule, khu guralo uye a di hongola gaya gwaye; aholu Dhavhidhe ni masotshwa yaye va di gwela vaya khala likhokholani.