2 Samuweli 21:3 - Bhibhiliya Nya Guage

³ Dhavhidhe a di embela va na Gibheyoni, khuye: “Mwa gu vbweta gukhenu nyi mi girela ginani? Nyi mi tsakisa khu ginani gasi mu kategisani thomba ya Pfhumu Nungungulu.”

2 Samuweli 21:3 Iomraidhean Croise

2 Samuweli 20:19

Eni nyi moyo nya va nya gurula ni gutumbega tigoni ga Israyeli; gasi uwe wa gu vbweta gu mbembisa lidhoropa leli li gu mayi nya madhoropa ya Israyeli. Khu ginani u vbwetago gu fuvisa thomba ya Pfhumu Nungungulu?”

Ekisodha 32:30

Khu mindru gakone, Mosi a di ganela ga vathu, khuye: “Mu giride gighoho nya gikhongolo. Aholu, muhuno, nyi na gwela ga Pfhumu Nungungulu, gufela gukheni mwendro a gu dzina saye nyi naya dzi kodza gu hakha ditshedzo nya sighoho sanu.”

Levhi 1:4

Khavbo avbo, a na handzega mandza yaye hungoni nya gifuyo nya miphaso nya guvbiswe, gasi mhamba yi hakhwe gwadi, a kodza gu mana gutsetseledwa sighoho saye.

Jona 1:11

Khu guralo, va di mu wudzisa, khavo: “Olu hi ngu gira ginani khuwe, gasi linene li kodza gurula?” Kholu linene li diya na li gu engedzelana gughubhuta ni gu gugumuga ngudzu.

Vahebheru 9:22

Khu Nayo, silo satshavbo sa gu agiswa khu novba. Ni sighoho niso sa gu tsetseledwa basi khu gu vbaladzwa nya novba.

1 Samuweli 2:25

Muthu a gu ghohela muthu kwawe, Nungungulu a ngu mu emela; aholu uye a gu ghohela Pfhumu Nungungulu, khu mani a na gu mu lombelelago? Aholu kha va ngapwa lito la babe wawe, kholu Pfhumu Nungungulu a di fungide gu va songa.

1 Samuweli 26:19

Gasi olu, uwe mufumeli mune wangu, nyi ngu gu lomba u yingise magana ya githumi gyago; a gu bani nari Pfhumu a gu kutsedzelago gu dwana ni eni, Uye a na dzumele nyi mu girela ningelo nya phaso nya guhodza; aholu a gu bani nari vathu, va na vadwe mbeli ga Pfhumu Nungungulu; kholu avo muhuno va nyi tutumiside gasi eni nyi si hakhi gipandre nya thomba ya Pfhumu Nungungulu, va nyi embela, khavo: Indra uya thumela vambe vanungungulu.