2 Samuweli 21:17 - Bhibhiliya Nya Guage

¹⁷ Aholu Abhisayi, mwamana wa Zeruwa, a di mu vbulugisa khu gu paya mufilisitiya a mu songa. Vathu va Dhavhidhe va di mu khongotela va mu embela gu va si hongoli naye nyimbitunu, gasi a si tshimi kandriya ya Israyeli.

2 Samuweli 21:17 Iomraidhean Croise

2 Samuweli 14:7

Olu, valongo vatshavbo va gu wugela eni githumi gyago, khavo: Hi ninge uye a nga songago ndriyaye hi mu songe, hi phodzela novba wa ndriyaye a mu songidego, hi vbedzisa kharati gihodza thomba gyogyo. Khu kharato, va gu vbweta gu tshima ligala langu li tshadego, va fuvisa mafuni lina la mwama wangu.”

2 Samuweli 18:2

Khu hwane Dhavhidhe a di rumela vathu khu sikwata siraru, gipandre gimwegyo nya wuraru gi thangedwa khu Jowabhi, gimbe gipandre nya wuraru gi thangedwa khu Abhisayi, ndruye wa Jowabhi, mwamana wa Zeruwa, gimbe gipandre nya wuraru gi thangedwa khu Itayi, Mugeti. Mufumeli a di ganela ga vathu, khuye: “Eni neni nyi na duga nanu.”

2 Samuweli 18:3

Vathu va di hakha, khavo: “Kha si yeli gu hi duga nago, kholu sa gu lombega gu ethu hi tutuma, avo kha va na khathala ngudzu khu ethu, ambari nari gipandre nya ethu hi fudego, kholu uwe wenga u ngu dingana likhumi magumi mazana (10.000) nya ethu. Gasi olu i tshukwana u hi phasedzela nuri khu eno dhoropani.”

2 Samuweli 22:19

Va di nyi wugela litshigu nyi nga bani nyiri wuvini, aholu Pfhumu Nungungulu a di ta nyi tiyisa.

2 Samuweli 22:29

Uwe Pfhumu Nungungulu, khuwe kandriya yangu Pfhumu Nungungulu, u ngu wenengedza gidema.

1 Dzipfhumu 11:36

Nyi na tshiya lihundzu limwedo basi mandzani ga gyanana gyaye, gasi githumi gyangu Dhavhidhe gi kodza gu manega gikhati gyatshavbo na giri mwenge mbeli gwangu ndrani ga Jerusalema, lidhoropa nyi li hathidego gasi gu vega umo lina langu.

1 Dzipfhumu 15:4

Ambari khu kharato, khu lihaladzo ga Dhavhidhe, Pfhumu Nungungulu waye, a mu ningide mwenge nya guwenengedze Jerusalema, hwane gwaye, a di emisa mwanaye a tiyisa Jerusalema.

Dzindzimo 132:17

Nyi na wusa vbale tshivba nya wufumu wa Dhavhidhe, nyi nyi dongisela wenengedzo wa mufumeli nyi mu hathidego.

Dzindzimo 144:10

Khuwe u ningago tshivba nya gupale vafumeli, u vbulugisa githumi gyago Dhavhidhe, gu songwa khu litshari la valala.

Dzindzimo 46:1

Nungungulu wuthavelo ni likhokhola lathu, muphasedzeli vbakari nya dzimhango.

Jeremiya 40:15

Khu guralo, Jowanani, mwamana wa Kareya, a di dzega Gedhaliya dhoropani ga Misipa, aya ganela naye khu phuvbo, khuye: “Nyi dige nyiya songa Ismayeli, mwamana wa Netaniya, gasi mahungu yaya ma nga tidwi khu muthu, gasi uye a si gu songi. Khu ginani uye a vbwetago gu phalalegisa Vajudha vatshavbo va widego vata tshangana nago, ni gu fuvisa mitshaledwa yatshavbo ya Judha?”

Johane 5:35

Johane a diri mwenge wu nga bani wu gu khondra wu wenengedza vbakari gwanu; enu khu matshigwana madugwana, mu di tsakiswa khu mwenge waye.