2 Samuweli 21:10 - Bhibhiliya Nya Guage

¹⁰ Khavbo avbo, Risipa nyamahegyane wa Aya, a di dzega mwendra nya saku a wu ladza vbagiwindritunu, gukhugela guphelani nya guvbwere, kala va phela gu wedwa khu ndzadzi. Kha nga dzumela gukhuye sinyoni sa damboni si mbake vbatshani gwawe ni mihani, ambari sirengo sa khabini vbawutshigutunu, si vbohe vbafuvbi gwawe.

2 Samuweli 21:10 Iomraidhean Croise

Genesi 40:19

Gu tshade matshigu mararu Faro a na rumela gu gu pila hungo, a gu vbayega vbasimbotunu, sinyoni si nata rothela nyama yago.”

2 Samuweli 21:11

Va diya tivisa Dhavhidhe iso si nga girwa khu Risipa, nyamahegyane wa Aya, gibhayi gya Sawule.

2 Samuweli 3:7

Gi diromo gibhayi gya Sawule, gi nga bani gi ranwa khu lina nya gupwani Risipa, nyamahegyane wa Aya; Isobhoseti a di embela Abhineri, khuye: “Khu ginani u bhayidego ni gibhayi gya babe wangu?”

1 Dzipfhumu 21:27

Avbo Akabi, a ngapwago magana yaya, a di pferula ngandzu yaye a ambala saku a hala; a di lala vbasakutunu a vbisega ni guvbela tshivba.

Jeremiya 14:22

Ina womo nungungulu wa va nya mayigo a wisago ndzadzi, gani? Mwendro ndzadzini gu ngu kodza gwabune gu wisa ndzadzi, gani? Ina khandruwe basi u gu Pfhumu Nungungulu wathu, gani? Ha gu tumba uwe basi, kholu khuwe u girago silo satshavbo.

Ezekiyeli 39:4

U na thega khu sigomoni sa Israyeli, uwe gumogo ni masotshwa yago yatshavbo, ni vathu nya mayigo u gu navo. U na khala guhodza nya makoti ni sirengo nya mafumbo yatshavbo ya khabini.

Hoseya 6:3

Hongoleni hi muti Pfhumu Nungungulu, hi na dzi garadze khu gu vbweta gu muti. Uye a nata gu fanana ni Wuronga, a nata avbo gwathu kha nga ndzadzi nya gilimo, ndzadzi nya maronga yi naganisago mafu, kha na tandrega guta hi phasa.

Joyele 1:18

Sifuyo si ngu keta, mitshambi nya dzimombe yomo vbakari nya pfilupfilu, kholu wu mwalo wuhaviselo; ni mitshambi nya dzinvuta niyo yomo gutshanisekani.

Joyele 2:23

Enu vathu va Siyoni, tsakani mu nengela ga Pfhumu Nungungulu wanu, kholu uye a na mi ninga muhevbudzi nya gululame ni gu wisa ndzadzi khu gikhati ni nango yi vbwetegago, khu ngima nya guhegule.

Zakariya 10:1

Lombani ndzadzi ga Pfhumu Nungungulu gikhatini nya gilimo, kholu Uye khuye a girago mabara ni gulasa ni gu wisa dzindzadzi nya dzikhongolo, yi nonisa wulime, a ninga ga moyo ni moyo mihandro ya thembweni gwaye.

Dhewuteronome 11:14

nyi na wisa ndzadzi tigoni gwanu khu gikhati gi vbwetegago, ndzadzi nya maronga ni ndzadzi nya girame, mu kodze guvbwera tirigu yanu, gasi mu mane vbinyu nya yiphya ni mafura.

Dhewuteronome 21:13

a na tshula guambala gwaye nya wubotshwa, a khala gaya gwago. A na vbedza gipimo nya ngima na gu lila babe ni mayi waye. Khu hwane nya ugo, u ngu dzi kodza gu tshangana naye a khala mwangadzi wago; uwe nuwe u khala mwama waye.

Dhewuteronome 21:22

Muthu a gu ghoha, nandru nya guyele gu songwa, a gu lamudwa a konwa khu mahungu fanede gu ya songwa khu gu hungwa ngodzi a vbayegwa vbasimbotunu.

Dhewuteronome 21:23

Girumbi gyaye gi nga khali vbasimbotunu wutshigu watshavbo; aholu gi na dzingwe litshigu lolo; kholu oyu a vbayegidwego vbasimbotunu vadwe khu Nungungulu; u nga nyenyezisi litigo eli u ningidwego kha nga thomba khu Pfhumu Nungungulu wago.

1 Samuweli 17:44

a ganela, khuye: “Delu avba, nyi nata ningela nyama yago ga sinyoni sa damboni ni sirengo sa khabini.”

1 Samuweli 17:46

Muhuno kamwe Pfhumu Nungungulu a na gu ningela mandzani gwangu, eni nyi na gu songa nyi gu pila hungo wago. Muhuno kamwe nyi na ningela sirumbi nya libutho la Vafilisitiya si rothedwa khu sinyoni sa damboni ni gu hodzwa khu sirengo nya likhabi, litigo latshavbo li na dziti gukhilo womo Nungungulu tigoni ga Israyeli.