2 Samuweli 21:1 - Bhibhiliya Nya Guage

¹ Matshiguni ya Dhavhidhe, gu manegide ndzala yi dzegidego myaga miraru, khu mwaga ni mwaga, Dhavhidhe a di wudzisa Pfhumu Nungungulu, Pfhumu Nungungulu, a di mu embela, khuye: “Sawule ni ndranga yaye khavo va gu ni nandru nya wusongi, kholu va nga songago Vagibhiyoni.”

2 Samuweli 21:1 Iomraidhean Croise

Genesi 12:10

Gu di manega ndzala tigoni mule, Abrama a di thavela tigoni ga Egipito, aya vbanya iyo gikhati nya gukari, kholu, ndzala yi diri yikhongolo ngudzu.

Genesi 26:1

Gu di manega ndzala nya yikhongolo ngudzu tigoni mule, gu diga ndzala nya guphele ya matshiguni ya Abrahama. Isaki a di hongola Gerari ga Abhimeleki, mufumeli wa Vafilisitiya.

Genesi 41:57

Va dita vathu khu mayigoni gwatshavbo va ta renga sivbila ga Josefa, kholu ndzala yi diri yikhongolo tigoni gwatshavbo.

Genesi 42:5

Sanana sa Jakobe si di khuga si hongola guya renga sivbila, si longoloka gumogo ni vambe vathu va nga hongolago navo kholu ndzala yi diri yikhongolo tigoni ga Khanani.

Genesi 43:1

Khu matshigu yoyo, ndzala yi di gu tshanisa tigoni.

2 Samuweli 16:8

Olu Pfhumu Nungungulu bweledzide vbatshani gwago novba watshavbo wa ndrangani ga Sawule, oyu u wandridego mufumo waye; olu Pfhumu Nungungulu, dzegide mufumo a wu ningela mandzani ga mwanago Abhisalamo; olu muhuno u womo muwusiwanani, kholu u muthu nya novba.”

2 Samuweli 20:26

Ira nya Mujayiri, a diri muthumegeli wa Dhavhidhe.

2 Samuweli 21:5

Va di embela mufumeli, khavo: “Muthu a nga hi saselago ni uye a hungidego gikungo nya gu hi mbembise, gasi hi si vbanyi omu mayigoni gwatshavbo ga va na Israyeli,

2 Samuweli 24:1

Likhulo la Pfhumu Nungungulu li di engedza li wugela va na Israyeli; a di kutsedzela Dhavhidhe gu va wugela a ganela, khuye: “Gimbila u ya saya va na Israyeli ni va na Judha.”

2 Samuweli 5:19

Khavbo avbo, Dhavhidhe a di wudzisa Pfhumu Nungungulu, khuye: “Ina nyi ngu yela gu dwana ni Vafilistiya, gani? U na va ningela mandzani gwangu, gani?” Pfhumu Nungungulu a di mu hakha, khuye: “Indra, khu lisine Eni nyi na va ningela mandzani gwago.”

2 Samuweli 5:23

Dhavhidhe a di wudzisa gambe ga Pfhumu Nungungulu; Pfhumu, khuye: U nga va khingi, aholu dzuwuluga khu hwane gwawe, u na ya tshangana navo misimboni nya mimorya.

1 Dzipfhumu 17:1

Khavbo avbo, Eliya wa Tesibe, a nga bani a vbanyela Gileyadhi, a di embela Akabi, khuye: “Nyi ngu sambanya khu Pfhumu Nungungulu wa Israyeli a vbanyago, oyu nyi mu thumelago, kheni: Khu matshigu yaya, gima kha ya nawa ndzadzi, ambari gu thega thondrwane eni nya gumba ganela gilo.”

1 Dzipfhumu 18:2

Eliya a diya dzi wonegisa ga Akabi. Ndzala yi di tshingide ngudzu tigoni ga Samariya khu matshigu yoyo.

2 Dzipfhumu 6:25

Gu di manega ndzala nya yikhongolo ngudzu tigoni ga Samariya, kholu Vaasiriya va di randrela lidhoropa, avbo hungo nya buru wu nga bani wu rengiswa khu livbandre na mararu magumi dzisikulu nya parata, gipandre nya wu na nya swanyi nya sipomba khu livbandre dzisikulu nya parata.

2 Dzipfhumu 8:1

Elizewu a di ganela ga nyamayi wule a nga mu wusela gyanana gyaye nya gufe, khuye: “Khuga uwe gumogo ni mwama wago, u ya luvela ga litigo u na gu li wonago, kholu Pfhumu Nungungulu, reside ndzala ga litigo leli, yi na gu vbedzago livbandre na mivili myaga.”

Joba 10:2

Nyi na embela Nungungulu, kheni: “U nga nyi rwegi nandru, nyi yeyedze igyo nyi gu ghohedego.

Dzindzimo 27:8

Monyo wangu wu ngu nyi embela, khuwo: “Vbweta khovbe yaye.” Khu guralo, nyi na vbweta khovbe yago Pfhumu Nungungulu.

Dzindzimo 50:15

Nyi rane litshigu nya sigaradzo; eni nyi na gu vbanyisa, uwe u na nyi dhumisa.”

Dzindzimo 91:15

A gu nyi rana, eni nyi na mu phindrula, gusanisekani gwaye nyi na bani nyiri naye, nyi na mu vbanyisa nyi mu ninga wuzundzo.

Levhi 26:26

Vbavbandze nya isoso, nyi na mi vbungulela guhodza gwanu, avbo nya gu likhumi vanyamayi va na phula guhodza khu khali mweyo muya khu gupimedwa; mu na hodzani, aholu kha mu na khura.

Mitengo 27:21

Uye a na ya ema mbeli ga muphasi nya mhamba, Eleyazari; muphasi nya mhamba a na wudzisa khu uye ga Pfhumu Nungungulu khu gulola solo nya guage, khu guleleta nya Urimi; khuye a na ningago lito nya gu va duga, khuye gambe a na ningago lito gukhuye va bele, uye gumogo ni va na Israyeli ni tshangano watshavbo.”

Josuwa 7:1

Va na Israyeli va dzi vangede nandru khu silo nya guphangwe; kholu Akani, mwamana wa Karimi, mwamana wa Zabhidhi, mwamana wa Zera, nya lihundzu la na Judha a di dzega silo nya gulolele. Pfhumu Nungungulu a di gorogela sanana sa Israyeli.

Josuwa 9:20

Aholu iso hi yelago gu va gira khesi: Hi na va diga va vbanya hi nga tshuka hi gorogedwa khu Nungungulu, khu kotani nya esi hi sambanyidego.

Rute 1:1

Ga gikhati valamuli va nga bani va gu fuma, gu di manega ndzala tigoni ga Israyeli. Mwama nya gukari wa Bhetlehema tigoni ga Judha, a di hongola ni mwangadzi waye gumogo ni sanana saye sa sivili aya luvela tigoni ga Mowabhi.

1 Samuweli 10:22

Khavbo avbo, va di engedza va wudzisa Pfhumu Nungungulu, khavo: Mwama wule dzude iyoyo, gani? Pfhumu Nungungulu, a di hakha, khuye: “Sihade iyoyo vbakari nya sombo.”

1 Samuweli 23:11

Ina kamwe u na ningela vathu va Keyila mandzani gwaye, gani? Ina kamwe Sawule a nata khu lisine, kha nga idzo githumi gyago gi dzi pwidego khidzo, gani? Ama Pfhumu Nungungulu wa Israyeli, nyi ninge phindrulo.” Pfhumu Nungungulu a di mu hakha, khuye: “Uye a nata.”

1 Samuweli 23:2

Dhavhidhe a di wudzisa Pfhumu Nungungulu, khuye: “Nyi hongola nyi ya sasela Vafilisitiya, gani?” Pfhumu Nungungulu a di mu hakha, khuye: “Gimbila, kholu u na ya pala Vafilisitiya, u bwelo khavbo u tshudzisa Keyila.”

1 Samuweli 23:4

Khavbo avbo, Dhavhidhe a di engedza a wudzisa ga Pfhumu Nungungulu; Pfhumu Nungungulu a di mu phindrula, khuye: “Dzi emisele u relela Keyila, kholu nyi na ningela Vafilisitiya mandzani gwago.”