2 Samuweli 20:9 - Bhibhiliya Nya Guage

⁹ Khavbo avbo, Jowabhi a di embela Amasa, khuye: “Ndriyangu, u nga gu vbanya gwadi, gani?” Jowabhi a di mola giledzu gya Amasa khu mandza ya nyamudye gasi gu mu bhejari.

2 Samuweli 20:9 Iomraidhean Croise

2 Samuweli 15:5

Ni wevbini a nga bani a hidzimela vbafuvbi gwaye ata noga a yeyedza githawo, Abhisalamo a di hadza gu thawuludza mandza yaye a mu phara ni gu mu bhejari.

2 Samuweli 17:25

Abhisalamo a di emisa Amasa gu khala wulangani ga Jowabhi gu thangela nyimbi. Amasa a diri gyanana nya gikhwathana gya mwama moyo nya gupwani khu Itara nya Muismayeli a nga bani a dzegide Abhigali nyamahegyane wa Nahasi, ndruye wa Zeruwa, mayi wa Jowabhi.

2 Samuweli 18:29

Mufumeli a di hakha, khuye: “ Lidzaha Abhisalamo li ngari ladi, gani?” Ayimahasi a di hakha, khuye: “Gikhati Jowabhi a nga nyi ruma, eni githumi gyago, nyi wonide pfilupfilu nya yikhongolo ngudzu, aholu kha nyi giti ginani gi nga bani gi girega, mufumeli.”

2 Samuweli 3:27

Avbo Abhineri a nga bwelelago aya Hebroni, Jowabhi a di mu rana khu phuvbo, gukhwatshi a gu vbweta gu ya bhula venga, a di mu paya vbagirumbutunu avbo vbale afa, a dzi phodzela kharati ga novba wa ndriyaye Asayeli.

1 Dzipfhumu 2:32

Khu kharalo, Pfhumu Nungungulu a na gira novba waye wu thega hungoni gwaye abune, kholu, songide vama vavili nya gululame guvbindra uye, a va songa khu litshari nyamba tidwa khu babe wangu Dhavhidhe, a gu Abhineri, mwamana wa Neri, muthangeli nya nyimbi ya Israyeli; ni Amasa, mwamana wa Jeteri, muthangeli nya nyimbi ya Judha.

Dzindzimo 55:21

Likana laye la gu kwiriga guvbindra mafura, aholu monyo waye wa gu pimisa gu gira nyimbi; magana yaye ma gu tshamba guvbindra wulombe; aholu matshari ma lodzidwego.

Mavingu 26:23

Magana nya gunyenyeze ni monyo nya guvivbe, gu fanana ni sombo nya libumba si namegedzedwego, maraga nya parata.

Mavingu 27:6

I tshukwana gu thedwa dzimbanga khu pari, guvbindra gu ningwa besu khu nala.

Jeremiya 41:2

Ismayeli, mwamana wa Netaniya, gumogo ni likhumi vama va nga bani va mu bangaladza, va di khuga va songa Gedhaliya, mwamana wa Ayikamo, mwamana wa Safani, khu litshari, va songa wule a nga vegwago khu mufumeli wa Bhabhiloni gu khala mwamangulu nya litigo.

Mikeya 7:2

Va nya gululama va fuvide tigoni; gu mwalo gambe vbakari nya vathu uye a lulamidego; vatshavbo vomo va dzi lulamisela gasi gu vbaladza novba; moyo ni moyo womo gu demba ndriyaye khu ligoga.

Valamuli 3:15

Khavbo avbo, va na Israyeli va di lila gambe ga Pfhumu Nungungulu, uye Pfhumu a di va emisela mutshudzisi, a gu Ewudhi, mwamana wa Gera, nya lihundzu la Bhejami, mwama nya guthume khu nyambade. Va na Israyeli, va di rumela khu mandzani gwaye, miningelo nya guluve Egiloni, mufumeli wa na Mowabhi.